Kɔl-gɨ-Ɗari gɨ Lug wal 23:2 - Gabri Maja

² Kan sayge sige kɔl cayi yege hɨn̰: «Ni way ungo gɨ kɛ le te mɔndɛ te wɔɔ gɨ da kalaŋ kana bɨ, narge gɨ kan na gɨ bɔyɛ hɔgɛ lambo bɨn̰ kɨlma gɨ gumu Sejar gɨ ba-dɔɔ cay ƴaa di Rɔm naŋ bɨ, ban ye gɨ ɗi ban mayi naa kɨlma Kɨris ban gɨ Kumu naa dorii le nee bɨ.»

Kɔl-gɨ-Ɗari gɨ Lug wal 23:2 ပူးပေါင်းရင်းမြစ်များ

Matɨyo 17:27

Ama ɗe kuduroy kalaŋ na mundoŋ naŋ na, ɨra kɨbɨ kuray gɨ gumu taa taa gɨŋ dɨbe jungɨlɨn̰ nee. Gusa gɨ cay wase gɨ kɨya sɔyɛ jungɨlɨn̰ le, ƴɨmayi bɨ hanga kɨbi na, ji kɨya wɔɔ sɨle di ni arja̰ di ɓal bee hɔgɛ gɨ ni lambo kon̰ bɨ, hɨnge bɨ. Aya ɨran̰ bɨn̰ ka-hɔgɛ lambo kol cay na.

Matɨyo 22:21

Kan dɨbiige cay nee yeyige hɨn̰: «Na gɨ da Sejar.» Ɨni na, ban yege hɨn̰: «Naa hɨn̰ wo̰ na, bɨn̰gɨŋ Sejar hɨnga ga ojɨ cay Sejar bɨ, bɨn̰gɨŋ Kumu hɨnga ga ojɨ cay Kumu bɨ.»

Matɨyo 27:11

Orɨn̰ge dan̰ Jesu tumoy ba-kɨbɨ kɨlma gɨ gumu. Ɨni na, ban ɨngɨrii ye hɨn̰: «Kɛ, ji na kɨlma gɨ da Jubɨn̰əŋ ga?» Ɨni na, Jesu dɨbii cay nee yeyi hɨn̰: «Na ji-bandi ba yɔ dan̰ kɨbɨn̰ han̰.»

Marg 12:17

Ɨni na, Jesu yege hɨn̰: «Naa hɨn̰ wo̰ na, bɨn̰gɨŋ Sejar hɨnga ga ojɨ cay Sejar bɨ, bɨn̰gɨŋ Kumu hɨnga ga ojɨ cay Kumu bɨ.» Lee gɨ kɔl kayge yɔd cay kɔl gɨ ban ba dɨbɨge cay nee le.

Marg 15:2

Ɨni na, Piladɨ ɨngɨrii hɨn̰: «Kɛ ji na kɨlma gɨ da Jubɨn̰əŋ le ga?» Jesu dɨbii cay nee yeyi hɨn̰: «Na ji-bandi ba yɔ dan̰ kɨbɨn̰ han̰.»

Kɔl-gɨ-Ɗari gɨ Lug wal 23:14

Bɨ ban yege hɨn̰: «Kɨŋ ɨrgan̰ dan̰ ungo gɨ kɛ bəŋ bɨ, kɨŋ ye gɨ ban naa ba mɔndɛ kalaŋ. Bɨ sɨlagɨŋ, ɨŋ-bandi ɨŋ ɨngɨrii kɔl cɨndɨgɨŋ, ama ɨŋ waa kɔl pɨna gɨ ƴom cayi, ojɨn̰ cay kɔl gɨ kɨŋ boy sii a cayi le naŋ.

Kɔl-gɨ-Ɗari gɨ Lug wal 23:5

Ama kan ƴomge osɨ yege hɨn̰: «Ban gosɨr kalaŋ dan̰ gɨle kɔl koyi, a cay gɨsəŋ ga Jude gaŋ nɔm. Ban ay toy na a cay gɨsəŋ ga Galile gaŋ bɨrɨŋ andɨn̰ a cay ƴaa-di-gumu di Jerusalɛm dɨŋ kɛ.»

Kɔl-gɨ-Ɗari gɨ Ja̰ wal 18:29

Na toy di hɨn̰ wo̰ ma, Piladɨ ba-kɨbɨ kɨlma gɨ gumu, andaŋ doŋ wayge le. Bɨ ban ɨngɨrge ye hɨn̰: «Ungo gɨ kɛ le, kɨŋ boy na koldi wa sii cayi ga?»

Kɔl-gɨ-Ɗari gɨ Ja̰ wal 18:30

Kan dɨbiige cay nee yeyige hɨn̰: «Hɨn̰ gɨ gɨlmi gɨ kɛ le, ni na laa hɨnga ga ɨsɨni naŋ na, kɛ ni ni kɨya ɨrgan̰ danayi dobii kobɨn̰ coŋ ga?»

Kɔl-gɨ-Ɗari gɨ Ja̰ wal 19:12

Ayɨn̰ toy kɨɗɨn̰ ga nee gaŋ le, Piladɨ mal gɨyəŋ gɨ ni ɗen̰ Jesu daa. Ama Jubɨn̰əŋ ayge te dɔgɛ-sɨle yen̰ge hɨn̰: «Hɨn̰ gɨ ji na ɗayi daa na, ji na Sejar ba-pogii naŋ. Kɨya wa waŋ waŋ gɨ na laa gusi laan̰ kɨlma gɨ gumu na, ban lee gusi leen̰ na ba-baa gɨ da Sejar.»

Gɨye-lɔɔ 24:13

Kol hɨnga ga kalaŋ ga kɛ ba sɨn̰ge kɔl canɨ haw kɛ le, kan ɓala gɨle gɨ naa cɨndi naŋ.

Gɨye-lɔɔ 24:5

Ni sol gɨ ungo gɨ kɛ le, na ungo gɨ ɨsɨn hɨn̰ tɨma di man̰i wo̰. Ban dɨbɨ do̰ a duroy kalaŋ ga ni Jubɨ nɔm, ga a cay gɨsəŋ gaŋ nɔm bɨ. Ban mana ba-dɔrɛ tumoy kamdi ga na te kalaŋ ga kan teege Najarɛtn̰əŋ bɨ.

Magtubu di Pol wal bɨn̰ kalaŋ ga Rɔm 13:7

Waŋ waŋ kalɨn̰ ma, biigɨŋ hɨnga ga ojɨ cay cay: Bɨn̰gɨŋ hɔgɛ lambo ba-hɔgɛ lambo bɨ. Bɨn̰gɨŋ gursu da magtubu, ka-magtubu bɨ. Dɨbɨgɨŋ hurɔmɔ cay ungo gɨ ojɨ gɨ kɨŋ kɨya dɨbe hurɔmɔ cayi bɨ. Ayagɨŋ cay ungo gɨ ojɨ gɨ kɨya aye cayi daa, daa bɨ.