Kɔl-gɨ-Ɗari gɨ Lug wal 22:70 - Gabri Maja

⁷⁰ Kan nɔm yege hɨn̰: «Hɨn̰ wo̰ na, ji na Kurɨn̰-Kumu rɛ!» Ban dɨbɨge cay nee yege hɨn̰: «Kɨŋ gaŋ, ba yɔ dan̰ kɨbɨgɨŋ kogɨŋ hagɨŋ.»

Kɔl-gɨ-Ɗari gɨ Lug wal 22:70 ပူးပေါင်းရင်းမြစ်များ

Matɨyo 26:25

Judasɨ gɨ ba-aye cayi bɨge le, ay kɔl bɨ ɨngɨrii yeyi hɨn̰: «Ba-gɨlɨn̰ kalaŋ hɨnga, kɛ na ɨŋ-bandi ga?» Ɨni na, Jesu dɨbii cay nee yeyi hɨn̰: «Na ji-bandi ba yɔ dan̰ kɨbɨn̰ han̰.»

Matɨyo 26:64

Jesu dɨbii cay nee yeyi hɨn̰: «Ji-bandi ba yɔ dan̰ kɨbɨn̰ han̰. Ama aŋ yəgɨŋ kɔl gɨ ɗaŋ coŋ, ayɨn̰ toy haw kɛ na kɨŋ kɨya sɔlɛ Kurɨn̰-ungo le kɨya sɔmɛ a cay kali di ni tɨrɨmbala dɨŋ kɨway Kumu ba Dɔnɔ di gumu a cay kobi gɨ bara gɨŋ bɨ, kɨŋ kɨya solii te ɨrga cay gɨrɨmbale gaŋ bɨ.»

Matɨyo 27:11

Orɨn̰ge dan̰ Jesu tumoy ba-kɨbɨ kɨlma gɨ gumu. Ɨni na, ban ɨngɨrii ye hɨn̰: «Kɛ, ji na kɨlma gɨ da Jubɨn̰əŋ ga?» Ɨni na, Jesu dɨbii cay nee yeyi hɨn̰: «Na ji-bandi ba yɔ dan̰ kɨbɨn̰ han̰.»

Matɨyo 27:43

Ban bee kuduroy a cay Kumu cɔb cɔb bɨ ye hɨn̰: “Ɨŋ na Kurɨn̰-Kumu le!” Hɨn̰ gɨ Kumu na geyii na, ɗa ɗe dorii kobɨ tɨma dɨŋ haw kɛ.»

Matɨyo 27:54

Gumu gɨ da asɨgar gɨ da kalaŋ ga Rɔm bɨ, asɨgarn̰əŋ ga gamge kɨbɨ Jesu danayi bɨ le, solge cay gɨsəŋ ga sayde den̰ den̰ bɨ, hɨnga ga lee gusɨge bɨ na, hundɔrɔ leege gɨɗaŋ bɨ yege hɨn̰: «Ban gɨ kɛ le, na Kurɨn̰-Kumu leen̰ cɨndi.»

Matɨyo 3:17

Bɨ ga ma, noy ungo ye a gɨɗɨgɨ-Kumu gɨŋ hɨn̰: «Ban gɨ kɛ le na Kuronɨ, ɨŋ lee-toyi tɔgɨ, gusɨnɨ mɔŋ cayi na ase naŋ.»

Matɨyo 4:3

Ɨni na, Haban̰, Ba-gɨybe kɨɗɨn̰ ɨrga gusi bɨ yeyi hɨn̰: «Ji naa Kurɨn̰-Kumu leen̰ cɨndi na, aya noy bɨn̰ karɨn̰ orun̰əŋ ga kɛ le, ɗe bɨle mapan̰əŋ bɨn̰ an̰ dii.»

Marg 14:62

Jesu dɨbii cay nee yeyi hɨn̰: «Əw, ɨŋ na ban, bɨ kɨŋ nɔm kɨŋ kɨya sɔlɛ Kurɨn̰-ungo sɔmɛ a cay kali di ni tɨrɨmbala dɨŋ kɨway Kumu ba dɔnɔ gɨ gumu a cay kobi gɨ bara gɨŋ bɨ, kɨŋ kɨya solii te ɨrga cay gɨrɨmbale gaŋ bɨ.»

Marg 15:2

Ɨni na, Piladɨ ɨngɨrii hɨn̰: «Kɛ ji na kɨlma gɨ da Jubɨn̰əŋ le ga?» Jesu dɨbii cay nee yeyi hɨn̰: «Na ji-bandi ba yɔ dan̰ kɨbɨn̰ han̰.»

Kɔl-gɨ-Ɗari gɨ Lug wal 22:71

Ɨni na, kan jɨga yeyige hɨn̰: «Kɛ, na gey gɨ ungo gɨ ɗaŋ na ɨre dɨbɨ kɔl cay coŋ ga? Na je dan̰ sɨmayna a kɨbi ɨni.»

Kɔl-gɨ-Ɗari gɨ Lug wal 23:3

Ɨni na, Piladɨ ɨngɨrii ye hɨn̰: «Kɛ, ji na kɨlma gɨ da Jubɨn̰əŋ le ga?» Jesu dɨbii cay nee yeyi hɨn̰: «Na ji-bandi ba yɔ dan̰ kɨbɨn̰ han̰.»

Kɔl-gɨ-Ɗari gɨ Lug wal 4:41

Jesu tay turnɔn̰əŋ ga ɨsɨni dan̰ kondige a kuduroy kalaŋ nɔm ga ba ɨrgage gusi le, turnɔn̰əŋ ga ɨsɨni kaydege gɔsɛ cayi yen̰ge hɨn̰: «Ji na Kurɨn̰-Kumu!» Ama Jesu al toyi cayge ɗe kan na lɨgɨ kɨbɨge, kɨya gɨ kan soliige gɨ ban na Kɨris ban gɨ Kumu dorii le.

Kɔl-gɨ-Ɗari gɨ Ja̰ wal 1:34

Ɨŋ-bandi ɨŋ sol dan̰ cɨnɨ bɨ, ɨŋ lee tɨmon̰ kol cayi bɨ, gɨ ban na Kurɨn̰-Kumu.»

Kɔl-gɨ-Ɗari gɨ Ja̰ wal 1:49

Ɨni na, Natanɨyɛl jɨga yey hɨn̰: «Ba-gɨlɨn̰ kalaŋ hɨnga, ji na Kurɨn̰-Kumu, ji na Kɨlma gɨ da karɨn̰ Ɨsɨrayɛl.»

Kɔl-gɨ-Ɗari gɨ Ja̰ wal 10:30

Ɨŋ-bandi dan̰ Banɨ le, ni na pɨna hani.»

Kɔl-gɨ-Ɗari gɨ Ja̰ wal 10:36

Banɨ ba dɔrɔŋ gɨyigəŋ a cay gɨsəŋ gaŋ. Na mɨna ma magɨŋ yəŋ gɨ ɨŋ na yagɨde naa Kumu, kɨya gɨ ɨŋ ye gɨ ɨŋ naa Kurɨn̰-Kumu le ga?

Kɔl-gɨ-Ɗari gɨ Ja̰ wal 18:37

Ɨni na, Piladɨ yeyi hɨn̰: «Hɨnga le, ji na kɨlma ga?» Jesu dɨbi cay nee yeyi hɨn̰: «Ji ba yɔ, ɨŋ na kɨlma. Wɔɔŋge bɨ, ɨŋ ɨrga a cay gɨsəŋ gaŋ bɨ, na kɨya lɔɔ tɨmon̰ a cay kɔl gɨ ɨŋ ba ye le.» Waŋ waŋ gɨ na gey kɔl gɨ cɨndi na, kɨya jɔɔ kɔl hɨnge.

Kɔl-gɨ-Ɗari gɨ Ja̰ wal 19:7

Jubɨn̰əŋ jɨga dɨbiige cay nee yeyige hɨn̰: «Ni-gandi ni orɨn̰ dan̰ gasɨn̰-kɔl koni nee bɨ, dan̰ gɨyəŋ gɨ da gasɨn̰-kɔl gɨ nee le ojɨ gɨ ban kɨya mare, kɨya wa ban lee gusi leen̰ Kurɨn̰-Kumu.»