Kɔl-gɨ-Ɗari gɨ Lug wal 21:19 - Gabri Maja

¹⁹ Na dan̰ ƴɔmɛ kuduroy-osɨwa kogɨŋ ma, magɨŋ kɨya wan̰ pɔɗɛ.

Kɔl-gɨ-Ɗari gɨ Lug wal 21:19 ပူးပေါင်းရင်းမြစ်များ

Matɨyo 10:22

Kalaŋ nɔm kɨya ƴomgɨŋge dan̰ kuduroyge kɨya cay gusoŋnɨ. Ama ungo gɨ na ƴɨma usa bɨrɨŋ dɨɗɨn̰ kɨbi na, kɨya wɔɔ pɔɗɛ.

Matɨyo 24:13

Ama ungo gɨ na ƴɨma usa bɨrɨŋ dɨɗɨn̰ kɨbi na, kɨya wɔɔ pɔɗɛ.

Kɔl-gɨ-Ɗari gɨ Lug wal 8:15

Gasi gɨse ga bugoŋ cay gɨsəŋ ga ɗari gaŋ le, gɨlɨn̰ na dan̰ kan ga ƴeege kɔl gɨ da Kumu dan̰ kuduroyge ga kuɗa bɨ, ɨrege kɛgɛgɛ cay tɨbayge kɨya ƴɔɔge bɨ, dɨbɨn̰ge-ɗugoyge bɨrɨŋ andɨn̰ hɨnga bɨge.

Magtubu di Pol wal bɨn̰ kalaŋ ga Rɔm 15:4

Hɨnga nɔm ga walge a duroy Magtubu di da Kumu dɨŋ bon̰ ɨlgen̰əŋ ga jɨne gaŋ le, kan walge ɗe na gɨlna naa hɨnga. Magtubu di da Kumu gɨlna hɨnga nɔm ga nee le ɗe na laa danana ana na han̰-kuduroyna bɨ, wan̰ bandɨ bɨ, hɨn̰ wo̰ na hɨnga ga na ba bee ɨrɨmedɨna cay nee kɨya orɨn̰ danana tumɔ.

Magtubu di Pol wal bɨn̰ kalaŋ ga Rɔm 2:7

Kalaŋ ga ƴomge osu te gɨye-lɔɔ gɨ ɗari gɨŋ bɨ, woyge te male gɨ Kumu na bɨge gusoŋ-tɔgɛ bɨ, aya cayge daa bɨ, sɔmɛ-bɨra gɨ dan̰ tumoyi bɨ le, Kumu kɨya bɨge sɔmɛ-bɨra gɨ dan̰ tumoyi gɨ nee le.

Magtubu di Pol wal bɨn̰ kalaŋ ga Rɔm 5:3

Ɗɨn̰ gɨ nee le na, na lee gusi-mɔwa kɨya cay hɨnga ga ni dɔsɛ-ɗugɔ ga andaŋ cayna. Kɨya wa na sol gɨ hɨnga ga ni dɔsɛ-ɗugɔ ga nee le, kɨya bɨna na dɨbe-ɗugɔ.

Magtubu di Pol wal bɨn̰ kalaŋ ga Rɔm 5:4

Ɨni na, dɨbe-ɗugɔ kɨya dɔbɛ bandɨ kuduroyna. Hɨn̰ gɨ kuduroyna na waa bandɨ na, na kɨya ɨre osɨwa a cay ɨrɨmedɨna gɨŋ gɨ na bee a cay Kumu.

Magtubu di Pol wal bɨn̰ kalaŋ ga Rɔm 8:25

Ama hɨn̰ gɨ na na gama naa hɨnga ga baa hen̰ lam ƴee ga na ɓala wɔɔ naŋ kalɨn̰ ma, na gamge na dan̰ dɨbe-ɗugɔ.

1 Tesalonigɨ 1:3

Dan̰ tɨwa di ani ani di ni som ol Kumu kol caygɨŋ tumoy Bayni Kumu na, ni ɨrɨm a cay aye kudurɔ kogɨŋ gɨ lee gɨye bɨ, dan̰ wandɨ togɨŋ di lee gɨye dan̰ kalaŋ bɨ, a cay ɨrɨmedɨgɨŋ gɨ kɨŋ bee a cay Ba-gulondɨni Jesu-Kɨris ɗe osu bɨ le.

2 Tesalonigɨ 3:5

Kuɗa gɨ Ba-gulɔŋ n̰ana kuduroygɨŋ ɨran̰ jɨn̰ geye gɨ da Kumu gɨŋ bɨ, jɨn̰ te haye-kudurɔ gɨ Kɨris ba-bee gɨŋ bɨ.

Əbɨro 10:36

Haw kɛ na, kuɗa gɨ kɨŋ ƴɨma kuduroygɨŋ usa ɗe agɨŋ leen̰ hɨnga ga Kumu gey bɨ, wan̰ hɨnga ga ban ye gɨ ɗi na kɨya bɨgɨŋ le.

Əbɨro 6:11

Ama kuduroy geye koni na gɨ waŋ waŋ kalɨn̰ ma duroygɨŋ gusi-hɨmbalayi cɨndi tumɔ tumɔ bɨrɨŋ dɨɗɨn̰ kɨbi. Kɨɗɨn̰ ga nee le, hɨnga ga kɨŋ bee ɨrɨmedɨgɨŋ cay nee gɨ na kɨya ɨrga le, kɨya ɔrɛ kɨɗɨn̰dɨge gaŋ nɔm.

Əbɨro 6:15

Kɨɗɨn̰ ga Abɨraham ƴom kuduroyi gamɨn̰ ɨni na, ban wayi hɨnga ga Kumu ye gɨ ɗi na kɨya bii le.

Magtubu di Jag wal 1:3

Kɨya wa kɨŋ sol hɨn̰ gɨ hɨnga ga ba ɨre gɨwasɨgɨŋ le, na kan ba kɨya gɨse aye kudurɔ kogɨŋ bɨ, kɨya lɔɔ ɗe gɨ aye kudurɔ kogɨŋ na ba-cɨn̰ dan̰ haye-kudurɔ bɨ.

Magtubu di Jag wal 1:4

Ama naa wa wa kalɨn̰ ma, ɗagɨŋ gɨ haye-kudurɔ kogɨŋ le, ɗe duroŋ cɨrɛɗ, agɨŋ bɨləŋ kalaŋ ga masadɨge unɔ bɨ, ga nage cḛḛ bɨ, ga hɨnga pɨna wɨyge naŋ bɨ.

2 Pɨyɛr 1:6

sɨgɨŋ a cay hɨnga ga ni sɔlɛ gaŋ, dɔnɔ di ni ƴomɨn̰ gusu osɨwa a cay hɨnga bɨ, sɨgɨŋ dɔnɔ di ni ƴomɨn̰ gusu osɨwa cay haye-kudurɔ gɨŋ bɨ, sɨgɨŋ a cay haye-kudurɔ gɨŋ gɨye-lɔɔ gɨ bəgɨŋ pɨna dan̰ Kumu bɨ,

Wasɨn̰a 1:9

Ɨŋ-bandi Ja̰ kurɨndɨgɨŋ, ɨŋ bugoŋ danagɨŋ pɨna boy hɨnga ga ni gɨwase gaŋ bɨ, boy dɔɔ-ƴaa di da Kumu dɨŋ bɨ, boy haye-kudurɔ kardi Jesu hɨn̰ kɨŋ-gandi wo̰ bɨ. Ƴɔmɔŋge na kɨya bɛrnɛ di kɔl gɨ da Kumu gɨ ɨŋ tee bɨn̰ kalaŋ bɨ, kɨya cay tɨmon̰ di ɨŋ lee kɨya cay Jesu bɨ. Haw kɛ na dɨbəŋge dangay cay hɔgɨwa gɨ teeyige Patmos gɨ woy a duroy kaŋ gaŋ.

Wasɨn̰a 13:10

Ungo gɨ kan na uja dangay kol cayi na, kɨya ɔrɛ dangay dɨŋ leen̰ cɨndi. Ungo gɨ kan na uja gɨ na kɨya mare tɨmay pəlɨm na, naa wa wa kalɨn̰ ma kɨya mare tɨman̰ pəlɨm. Na toy di hɨn̰ wo̰ ma, kuɗa gɨ kalaŋ ga woyge dan̰ cɨndɨge le dɨbɨge-ɗugoyge bɨ, wɨyage ka-aye kudurɔ bɨ.

Wasɨn̰a 14:12

Kalaŋ ga woyge dan̰ cɨndɨge ga ka-ame te tumɔ di da Kumu bɨ, ka-aye kuduroyge bɨn̰ Jesu bɨ le, tɨwa di haw kɛ le, na tɨwa di kan kɨya ƴomɨn̰ kuduroyge osɨwa.

Wasɨn̰a 3:10

Kɨŋ gam kɔl hɨnge ƴomɨn̰ kuduroygɨŋ. Na toy di hɨn̰ wo̰ ma ɨŋ-bandi kalɨn̰ ma ɨŋ kɨya gamgɨŋ a tɨwa di hɨnga ga ni kuduroy-hɔmɛ kɨya andaŋ a cay kalaŋ ga cay gɨsəŋ gaŋ nɔm. Hɨnga ga ni kuduroy-hɔmɛ le, kɨya gɨwase kalaŋ ga somge cay gɨsəŋ gaŋ kɛ.