Ay, karmɨnɨ ga ban̰aŋ dan̰ ga kandɨ, ɨŋ gey gɨ kɨŋ sɨla, hɨnga ga ni gɨle-cɨn̰ ga ba andaŋ canɨ le jɨbɨ na te Kɔl-gɨ-Ɗari ɗe na or dan̰ cɨndi tumɔ tumɔ ƴee.
Kɨŋ ɗɔɔ hundɔrɔ loogɨŋ kol cay gɨye-lɔɔ gɨ da kalaŋ ga ka-wɔrɨn̰ɛ danagɨŋ le naŋ. Gɨ nee le, kɨya bɨle wɔyɛ na hɨnga ga ni gɨle ga kan na woy naa a te gɨyəŋ gɨ ni mundoŋ gɨŋ bɨ, kɨŋ na woy naa a te gɨyəŋ gɨ ni pɔɗɛ gɨŋ bɨ. Ungo gɨ ba poɗɨgɨŋ na Kumu.
Hɨnga ga ni gɨle-cɨn̰ ga nee le nɔm, na hɨnga ga gɨl gɨ Kumu na boy kɔl naa dan̰ durɔ ɗɨngar. Kɨya hɨn̰ gɨ kɨŋ ba solɨn̰ cɨn̰-gɨle-cɨn̰ hɨn̰ wo̰ ɨni na, Kumu kɨya bɨlgɨŋ leen̰ kalaŋ ga ɓalge andaŋ a boy dɔɔ-ƴaa toy dɨŋ di kɨŋ ba way cɨn̰-gɨle-cɨn̰ kɔldɔ le.