Kɔl-gɨ-Ɗari gɨ Lug wal 21:12 - Gabri Maja

¹² «Ama tumɔ pa dɨm ma ɗe hɨnga ga nee le na ɨrga na, kan kɨya ƴomgɨŋ bɨ, kan kɨya gɨlgɨŋ cɨn̰-n̰age bɨ, kan kɨya se kɔl cay gɨŋ a duroy ƴaa-daye-di-da-Jubɨn̰əŋ gaŋ bɨ, kan kɨya bogɨgɨŋ dangay bɨ, kan kɨya tolgɨŋge orɨn̰ge danagɨŋ tumoy kɛrɨmbɛlɛŋ gaŋ bɨ, tumoy ka-kɨbɨ kɛrɨmbɛlɛŋ ga gɨmdəŋ kɨya gusoŋnɨ.

Kɔl-gɨ-Ɗari gɨ Lug wal 21:12 ပူးပေါင်းရင်းမြစ်များ

Matɨyo 22:6

Toyge ga ba, ƴomge gɔyɔŋ le ɗɨndɨrdɨge pa dɨm ma, dɨɗɨgege ƴee.

Matɨyo 24:8

Hɨnga ga nee le nɔm kɨya wɔyɛ na hɨn̰ wɔɔ gɨ ay te lɔɔ tama wo̰.

Kɔl-gɨ-Ɗari gɨ Lug wal 21:11

Cay gɨsəŋ kɨya yɨbagɨde gusɨge dan̰ kɨɗɨn̰ kɨɗɨn̰ yɨbag yɨbag bɨ, badra di gumu kalɨn̰ ma kɨya bɔɔ dan̰ kɨɗɨn̰ kɨɗɨn̰ bɨ, hɔmɨn̰ɛ gɨ gumu kɨya bɔɔ bɨ. Hɨnga ga lee hundɔrɔ kɨya andaŋ bɨ, hɨnga ga ni beli ga ɗɨn̰ cɨn̰-kɨɗɨn̰ ga gɨmdəŋ kɨya andaŋ gɨɗɨgɨ-Kumu gɨŋ bɨ.

Kɔl-gɨ-Ɗari gɨ Ja̰ wal 15:20

Kɨŋ hɨn a cay kɔl gɨ ɨŋ ba yəgɨŋ ye hɨn̰: Marɨna ba-gɨye gumu ɗɨn̰ ba-gulɔŋ di naŋ le. Hɨn̰ gɨ kan na gɨləŋge cɨn̰-n̰age na, kan kɨya gɨlgɨŋge cɨn̰-n̰age bɨ. Hɨn̰ gɨ kan na aya kɔl hɨnge laan̰ gɨye na, kɨŋ kalɨn̰ ma, kan kɨya ayege kɔl kogɨŋ loon̰ gɨye bɨ.

Kɔl-gɨ-Ɗari gɨ Ja̰ wal 15:21

Ama hɨnga ga nee le nɔm, kan kɨya ləgɨŋge na kɨya cay gusoŋnɨ. Kɨya wa kan sɨlage ban gɨ ba gɨyigəŋ le naŋ.

Gɨye-lɔɔ 22:30

Wan̰dodo dɨŋ na, ba-sɔmɛ cay asɨgarn̰əŋ le gey sɔlɛ te hɨnga ga leen̰ cɨndi, ga kalaŋ ga ni Jubɨ ba sɨn̰ge kɔl a cay Pol le. Bɨ ban tor mɔrɨyɔŋ gusi coŋ bɨ. Ban te ka-cay ka-bɔgɛ kɨbar bɨ, ka-bɔyɛ kɔl cay kalaŋ ga ni Jubɨ bɨ. Ɗe kan na dayage cayge. Kardi nee na, ban ɨrgan̰ dan̰ Pol sii tumoyge.

Gɨye-lɔɔ 5:40

Ɨni na, kan jɨgage te ka-gɨre-gɨye ɗaŋ coŋ bɨ, kan somdɨge dan̰ suroy bɨ, narge yɔɔ kɔl dan̰ guson̰ Jesu pa dɨm ma kan ɗege daa ƴee.

Gɨye-lɔɔ 8:3

Ama Sol na lɨgɨ cɨndi daa mɨjag gɨ ni mondɨn̰ Ka-Daye coŋ. Ban andɨdaŋ duroy ƴaan̰əŋ gaŋ kɨya torɨn̰ ban̰aŋ dan̰ kandɨ dan̰ dɔnɔ bogɨge dangay.

Gɨye-lɔɔ 9:4

Ban duroŋ baa cay gɨsəŋ gaŋ bɨ, ban je noy ungo ye hɨn̰: «Sol, Sol, na kɨya wa ma mɨn̰ ɨre gɨləŋ-cɨn̰ wo̰ ga?»

1 Pɨyɛr 2:13

Kɨya cay Ba-gulondɨna le, jagɨŋ kɔl kɨbɨ ungo gɨ ani ani gɨ orɨn̰ dan̰ tɨrɨmbala. Jagɨŋ kɔl kɨbɨ kɨlma ba-dɔɔ cay ƴaa.

Wasɨn̰a 2:10

Kɨŋ kɨya wɔɔ cɨn̰-gɨle-cɨn̰, ama ɗɔɔ gɨ kɨŋ hundɔrɔ naŋ. Haban̰ kɨya bɔgɛ kalaŋ ga pɨna duroygɨŋ dangay dɨŋ kɨya gɨwasɨn̰ togɨygɨŋ. Kɨŋ kɨya wɔɔ cɨn̰-gɨle-cɨn̰ ɓale wɔlɛ mɔjɨ. Ɨrgɨŋ a cay tɨbayi dɨŋ bɨrɨŋ maran̰gɨŋ ɨni na, ɨŋ kɨya bɨgɨŋ jagɨwa ga ni somɨn̰-bɨra.