Kɔl-gɨ-Ɗari gɨ Lug wal 20:17 - Gabri Maja

¹⁷ Ama Jesu sol cɨndɨge pɨna pɨna bɨ yege hɨn̰: «Hɨn̰ wo̰ na kɔl gɨ kan wal duroy magtubu Kɨbe Kɨra Sɔm ye naa wa ga? “Oru gɨ tumɔ ka-gaɗe ƴaa tumɔ dɨbɨge pɨrɨŋ coŋ le, Say bɨle na oru gɨ kuɗa tɔgɨ ɗɨn̰ kamdi Gɨ kan ɗe tɨbɨn̰ ƴaa dɨŋ.”

Kɔl-gɨ-Ɗari gɨ Lug wal 20:17 ပူးပေါင်းရင်းမြစ်များ

Matɨyo 21:42

Bɨ Jesu yege hɨn̰: «Kɛ, kɨŋ ɗɨngɨsa kɔl gɨ kɛ le, duroy Magtubu di da Kumu dɨŋ naŋ ga? “Oru gɨ tumɔ ka-gaɗe ƴaa dɨbɨge pɨrɨŋ coŋ le, Say bɨle na oru gɨ kuɗa tɔgɨ, ɗɨn̰ kamdi gɨ kan ɗe tɨbɨn̰ ƴaa dɨŋ. Hɨnga ga nee le, na gɨye-lɔɔ gɨ da Ba-gulɔŋ. Lee gɨ say bɨle hɨnga ga ɗɨn̰ cɨn̰-kɨɗɨn̰ cɨndɨnagɨŋ.”

Marg 10:23

Ɨni na, Jesu bɨle cɨndi solɨn̰ ka-aye-cay-tɨbayi ga nɨwɨrege cayi bɨ yege hɨn̰: «Dojɨ tɔgɨ gɨ ɗe kalaŋ ka-wɔɔ hɨnga na andaŋge a boy dɔɔ-ƴaa di da Kumu dɨŋ.»

Marg 12:10

Kɔl gɨ kan walge duroy Magtubu di da Kumu dɨŋ yege hɨn̰: “Oru gɨ tumɔ ka-gaɗe ƴaa dɨbɨge pɨrɨŋ coŋ le, Say bɨle na oru gɨ kuɗa tɔgɨ, ɗɨn̰ kamdi, Gɨ kan ɗege tɨbɨn̰ ƴaa dɨŋ.

Marg 3:5

Jesu dor tɨdi solge pɨna pɨna dan̰ kuduroy-hɔmɛ. Homii tɔgɨ kɨya cay kuduroy-osɨwa koge bɨ, ban yen̰ gɨlmi le hɨn̰: «Tara kobɨn̰.» Ungo le tar kobi bɨ, kobi le jɨga poɗɨ.

Kɔl-gɨ-Ɗari gɨ Lug wal 19:41

Kɨɗɨn̰ ga Jesu bugoŋ mɨnde dan̰ cay ƴaa-di-gumu di Jerusalɛm na, ban sɔlɔɔ bɨ, ɨle dan̰ kaŋdi cɨndi kol caa.

Kɔl-gɨ-Ɗari gɨ Lug wal 22:37

Kɔl gɨ nee le kɨya ɔrɛ kɨɗɨn̰di gaŋ kol canɨ kɨya gɨ kan walge duroy Magtubu di da Kumu dɨŋ yege hɨn̰: “Kan ɗongɨsiige pɨna dan̰ ka-lɔɔ ɨsɨna.” Na cɨndi kɔl gɨ walge kol canɨ le kɨya ɔrɛ kɨɗɨn̰di gaŋ.»

Kɔl-gɨ-Ɗari gɨ Lug wal 22:61

Ba-gulɔŋ Jesu pɨlɨn̰ bɨ, bee tɨdi cay Pɨyɛr. Ɨni na Pɨyɛr kuduroy hɨn bɨrɨŋ bugoŋ a cay kɔl gɨ Ba-gulɔŋ ba yeyi tumɔ ye hɨn̰: «Labɨde, ji kɨya man̰e can̰ sɨbɨ gɨ ji na sɨlaŋ naŋ, pa dɨm ma kuɗa kɨya ale kokorɨyo ko ƴee.»

Kɔl-gɨ-Ɗari gɨ Lug wal 24:44

Kardi nee ban yege hɨn̰: «Sɨlagɨŋ! Na kɔl gɨ ɨŋ ba yəgɨŋ kɨɗɨn̰ ga ɨŋ ba ban̰ danagɨŋ ƴee le: Kɔl gɨ kan walge ojɨn̰ canɨ duroy magtubu gasɨn̰-kɔl gɨ da Moyis dan̰ ka-yɔɔ-kɔl-gɨ-Kumu-ba-yɔɔ dan̰ magtubu Dɔgɛ kɨra le, naa wa wa kalɨn̰ ma, kɨya ɔrɛ kɨɗɨn̰dɨge gaŋ.»

Kɔl-gɨ-Ɗari gɨ Ja̰ wal 15:25

Ama na kɨya gɨ ɗe kɔl gɨ kan walge duroy magtubu gasɨn̰-kɔl koge gɨŋ ye hɨn̰: “Kan ƴɔmɔŋge dan̰ kuduroyge kalɨn̰ wo̰ dugo le”, ɗe na or kɨɗɨn̰dɨge gaŋ.

Gɨye-lɔɔ 4:11

Magtubu di da Kumu di kan walge ye hɨn̰: “Oru gɨ tumɔ kɨŋ ka-gaɗe ƴaa, Tumɔ dɨbɨ pɨrɨŋ coŋ le, Say bɨle oru gɨ kuɗa ɗɨn̰ kamdi, Ga kan ɗege tɨbɨn̰ ƴaa dɨŋ.” Kɔl gɨ nee le ojɨ na cay Jesu.

Epɛs 2:20

Dan̰ kɨradi-kɔl gɨ ɗaŋ, Kumu aygɨŋ leen̰ ƴaa di ban somɨn̰ nee. Te ƴaa le, na ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ, ama Jesu-Kɨris gusi ma na oru gɨ kuɗa ɗɨn̰ kamdi gɨ ɗege tɨbɨn̰ ƴaa gɨ ƴom kalaŋ pɨna.

1 Pɨyɛr 2:6

Walge duroy Magtubu di da Kumu dɨŋ yege hɨn̰: «Sɨlagɨŋ, ɨŋ dor oru pɨna gɨ ƴee-cɨnɨ tɔgɨ, Ɨŋ ɗe a cay garma gɨ Sin̰o gɨŋ hɨn̰ oru gɨ ni tɨbɨn̰ ƴaa wo̰. Ungo gɨ na bɨga kuduroyi a cay oru gɨ nee le, Hɨnga ga kɨya tobii duroy nee ɗe dasi na dii kɨya unɔ.»