Kɔl-gɨ-Ɗari gɨ Lug wal 2:11 - Gabri Maja

¹¹ Labɨde kan wɔɔge Ba-pɔɗɛ kalaŋ a cay ƴaa di da Dabid, ban na Kɨris ban gɨ Kumu dorii le bɨ, ban na Ba-gulɔŋ nee bɨ.

Kɔl-gɨ-Ɗari gɨ Lug wal 2:11 ပူးပေါင်းရင်းမြစ်များ

Matɨyo 1:16

Jagob wɔɔ Jɨsɛb Mari kudurɔ, bɨ Mari wɔɔ Jesu, kan teeyige na Kɨris.

Matɨyo 1:21

Hɨndi kɨya wɔɔ kɨye gɨ bara, ji kɨya se gusondi na Jesu, kɨya wa na ban ba kɨya pɔɗɛ te kalaŋ kayi kɨbɨ ɨsɨna koge gɨŋ.»

Matɨyo 16:16

Simo Pɨyɛr dɨbii cay nee yeyi hɨn̰: «Ji na Kɨris ban gɨ Kumu dorii, Kurɨn̰-Kumu gɨ som dan̰ cɨndi le.»

Matɨyo 16:20

Kardi nee Jesu ay noy bɨn̰ ka-aye-cay-tɨbayi, gɨ kan na gɨ yon̰ ungo gɨ ɗi naa Kɨris ban gɨ Kumu dorii le naŋ pa pa.

Kɔl-gɨ-Ɗari gɨ Lug wal 1:43

Kɛ, ɨŋ na waŋ ma Ba-gulonɨ ƴoyi ɨrga gusɨnɨ ga?

Kɔl-gɨ-Ɗari gɨ Lug wal 1:69

Ban andɨn̰ dan̰ ba-pɔɗɛ kalaŋ pɨna gɨ orɨn̰ dan̰ dɔnɔ bɨna. Ban andɨn̰ danayi na duroy te wɨn̰je gɨ da Dabid gɨŋ.

Kɔl-gɨ-Ɗari gɨ Lug wal 2:26

Turnɔ ɗe-kuduroy-bɛrɛ le yeyi tumɔ gɨ ban na kɨya sɔlɛ Kɨris, ban gɨ Ba-gulɔŋ Kumu ba dorii le pa dɨm ma, ban na kɨya mare ƴee.

Kɔl-gɨ-Ɗari gɨ Lug wal 2:4

Jɨsɛb kalɨn̰ ma sayga a cay karɨn̰ ƴaa ga Najarɛt, ga woy a cay gɨsəŋ ga Galile gaŋ. Kɨya ɔrɛ jɨn̰ Bɛdɨlɛhɛm cay ƴaa di da Dabid di woy a cay gɨsəŋ ga Jude gaŋ, kɨya gɨ ban kalɨn̰ ma na a te wɨn̰je gɨ da Kɨlma Dabid bɨ.

Kɔl-gɨ-Ɗari gɨ Ja̰ wal 1:41

Ungo gɨ Andɨre wayi cay wase le na Simo, ɨni na ban yen̰ kurɨndi le yen̰ hɨn̰: «Ni way Kɨris le ɨni!» Kɨris le, duroy na ban gɨ Kumu dorii.

Kɔl-gɨ-Ɗari gɨ Ja̰ wal 1:45

Pilib way Natanɨyɛl bɨ, yeyi hɨn̰: «Ni way ban gɨ kan walge koldi, ɗe duroy magtubu Gasɨn̰-kɔl gɨ da Moyis gɨŋ bɨ, duroy magtubu da ka-yɔɔ-kɔl-gɨ-Kumu-ba-yɔɔ gɨŋ bɨ le. Na Jesu kurɨn̰ Jɨsɛb gɨ Najarɛt.»

Kɔl-gɨ-Ɗari gɨ Ja̰ wal 11:27

Mart dɨbi cay nee hɨn̰: «Əw, Ba-gulɔŋ ɨŋ bee kuduronɨ can̰ gɨ ji na Kɨris ban gɨ Kumu dorii, Kurɨn̰-Kumu gɨ ni amii gɨ ba kɨya caga a cay gɨsəŋ gaŋ le.»

Kɔl-gɨ-Ɗari gɨ Ja̰ wal 20:31

Ama hɨnga ga ni belin̰əŋ ga ɨŋ ba ye koldɨge duroy magtubu di kɛ dɨŋ le, ɨŋ ye na gɨ ɗe agɨŋ na been̰ kuduroygɨŋ cay Jesu, gɨ ban naa Kɨris Kurɨn̰-Kumu. Bɨ hɨn̰ gɨ kɨŋ na bɨga kuduroygɨŋ cayi na, kɨŋ kɨya wɔɔ sɔmɛ-bɨra kol cayi bɨ.

Kɔl-gɨ-Ɗari gɨ Ja̰ wal 4:25

Tama le yeyi hɨn̰: «Ɨŋ sol gɨ Mesi kɨya caga, Mesi dan̰ kɨbɨ koge le, duroy na Kɨris ban gɨ Kumu dorii le. Kɨɗɨn̰ ga ban kɨya caga na, ban kɨya gɨlni hɨnga nɔm.»

Kɔl-gɨ-Ɗari gɨ Ja̰ wal 4:42

Bɨ kan yen̰ge tama le hɨn̰: «Haw kɛ na, ni-gandi ni bee kuduroyni cayi na kɨya cay kɔl kɛɛ gɨ me ye ƴɔbɨ naŋ. Ama na kɨya gɨ ni-gandi gusɨni, ni je kɔl koyi dan̰ sɨmayni bɨ, ni sol leen̰ cɨndi gɨ ban na ba-pɔɗɛ-kalaŋ nɔm ga cay gɨsəŋ gaŋ bɨ.»

Kɔl-gɨ-Ɗari gɨ Ja̰ wal 6:69

Ni-gandi na, ni bee kuduroyni can̰, ni solɨn̰, ji woy dan̰ cɨndɨn̰, Kumu gɨygɨn̰.»

Kɔl-gɨ-Ɗari gɨ Ja̰ wal 7:41

Ga ɗaŋ yege hɨn̰: «Kɨris ban gɨ Kumu dorii le na ban.» Ama kan ga ɗaŋ coŋ yege hɨn̰: «Kɛ Kɨris ban gɨ Kumu dorii le, kɨya sɔɔ na a Galile ga?»

Gɨye-lɔɔ 10:36

Kumu gɨygɨn̰ dan̰ kɔl koyi bɨn̰ na te wɨn̰je gɨ da Ɨsɨrayɛl: Kɔl gɨ nee le na Kɔl-gɨ-Ɗari gɨ ojɨ cay gusi-dɔbɛ dan̰ gɨyəŋ gɨ da Jesu-Kɨris, gɨ na Ba-gulɔŋ kalaŋ nɔm le.

Gɨye-lɔɔ 13:23

«Kumu andɨn̰ dan̰ ba-pɔɗɛ a te wɨn̰je gɨ da Ɨsɨrayɛl na a te wɨn̰je gɨ da Dabid gɨŋ hɨn̰ gɨ ban ba ye gɨ ɗi na kɨya lɔɔ bɨge le, ban na Jesu.

Gɨye-lɔɔ 17:3

Ban dor te kɔl gɨ kan walge duroy Magtubu dɨŋ le ɗe tumoyge bɨ, gɨlge gɨ hɨn̰ gɨ kan ba walge duroy magtubu dɨŋ le. Naa wa wa kalɨn̰ ma Kɨris ban gɨ Kumu dorii le, na kɨya wɔɔ cɨn̰-gɨle-cɨn̰ bɨ, mare bɨ, bɔyɛ lɨbe duroy kalaŋ ga madɨrdaŋ gaŋ bɨ. Ban yege hɨn̰: «Jesu gɨ ɨŋ ba tee bɛrnɛdi kɛ le, na ban ma na Kɨris ban gɨ Kumu dorii le.»

Gɨye-lɔɔ 2:36

«Hɨn̰ wo̰ na, kuɗa gɨ waŋ waŋ gɨ a te wɨn̰je gɨ da Ɨsɨrayɛl sɨla kɔl gɨ kɛ le kuɗa: Jesu gɨ kɨŋ ba gagɨlii a cay sɨya-gɨ-dagɨli gɨŋ le, na ban ma Kumu bɨlii Ba-gulɔŋ bɨ, Kɨris ban gɨ Kumu dorii nee bɨ.»

Gɨye-lɔɔ 5:31

Na ban ma Kumu ayi si a cay kobi gɨ bara gɨŋ hɨn̰ kɨlma wo̰ bɨ, ba-pɔɗɛ kalaŋ bɨ, ɗe gɨ te wɨn̰je gɨ da Ɨsɨrayɛln̰əŋ na wan̰ge gɨyəŋ gɨ ni bɨlin̰ gɨye-lɔɔdɨge, ɗe Kumu na ɗen̰ kuduroyi jal a cay ɨsɨna koge bɨ.»

1 Korɛ̰t 15:47

Adam ungo gɨ cay wase gɨ leeyige dan̰ gɨsəŋ le, ban mana gɨ da gɨsəŋ. Ama Adam gɨ ni sɔɔdi na, sayga na gɨɗɨgɨ-Kumu gɨŋ ɨrga.

Pilib 2:11

Ɗe gɨ kɨbɨ te wɔɔ gɨ da kalaŋ nɔm ye gɨ Jesu-Kɨris naa Ba-gulɔŋ, Kɨya dɨbɨn̰ gusoŋ-tɔgɛ cay bayi Kumu.

Pilib 3:8

Ho’o, ɗɨn̰ gɨ nee le na, sɔlɛ Jesu-Kɨris Ba-gulonɨ say kuɗa ɗɨn̰ hɨnga nɔm bɨ, ɨŋ sol hɨnga ga ɗaŋ leen̰ hɨnga ga kalɨn̰ wo̰ dugo bɨ. Kɨya cay Kɨris na, ɨŋ ɗe hɨnga nɔm ga ɨŋ orɨn̰ coŋ. Hɨnga ga tumɔ na ga ɗari cɨnɨ le, ɨŋ solge leen̰ hɨnga ga mɨdagi ɗe aŋ na wan̰ hɨnga ga ɗari ga gumu. Hɨnga ga nee le na bugoŋ pɨna dan̰ Kɨris.

Kɔlɔs 2:6

Tumɔ kɨŋ je gɨ Jesu-Kɨris le naa Ba-gulɔŋ bɨ, kɨŋ bee kuduroygɨŋ cayi bɨ. Na toy di hɨn̰ wo̰ ma maŋ yəgɨŋ, ɗe gɨ kɨŋ kɨba gɨyəŋ koyi kuɗa.

1 Ja̰ 4:14

Kumu Baynagɨŋ, naa gɨygɨ Kurondi Jesu-Kɨris kɨya pɔɗɛ kalaŋ ga a cay gɨsəŋ gaŋ. Ni solii dan̰ tɨdɨni bɨ, ni lee tɨmon̰ da hɨnga ga nee le bɨ.

1 Ja̰ 5:1

Waŋ waŋ gɨ na bɨga kuduroy cay Jesu gɨ ban naa Kɨris ban gɨ Kumu dorii na, ungo gɨ nee le bɨləŋ na kurɨn̰ Kumu. Waŋ waŋ gɨ na gey Baynagɨŋ Kumu na, gey karɨndi nɔm bɨ.