Kɔl-gɨ-Ɗari gɨ Lug wal 2:1 - Gabri Maja

¹ Boy ɨlgedi gɨ nee le, Ogust Sejar kɨlma gɨ gumu gɨ dii cay gɨsəŋ ga Rɔm, ay noyi bɨn̰ kalaŋ nɔm ga somge a cay gɨsəŋ kayi gaŋ, ɗe kan na sii gusondɨge a duroy magtubu di ni ɗongɨsɨn̰ kalaŋ dɨŋ.

Kɔl-gɨ-Ɗari gɨ Lug wal 2:1 ပူးပေါင်းရင်းမြစ်များ

Matɨyo 22:17

Naa hɨn̰ wo̰ na, yani ɨrɨmedɨn̰ cay kɔl gɨ kɛ gɨŋ: Gasɨn̰-kɔl bɨn̰ ungo gɨyəŋ, gɨ ni bɨn̰ kɨlma gɨ gumu Sejar hɔgɛ lambo wala, narii ga?»

Matɨyo 24:14

Kɔl-gɨ-Ɗari gɨ ojɨ cay dɔɔ-ƴaa di daa nii di kɛ le, kan kɨya tɔgɛ bɛrnɛdi gon̰ kɨɗɨn̰ nɔm cay gɨsəŋ gaŋ, ɗe bɨle tɨmon̰ bɨn̰ te wɔɔ gɨ da kalaŋ nɔm. Wo̰ dɨm ma, cay gɨsəŋ toyge kɨya ayaŋ ƴee.

Marg 14:9

Aŋ yəgɨŋ daa waŋ na cɨndi: Kɨɗɨn̰ nɔm ga kan kɨya togɨn̰ge bɛrnɛ Kɔl-gɨ-Ɗari nee boy cay gɨsəŋ na, kan kɨya dɔrɛ kol hɨnga ga tama di kɛ le lee bɨ, kɨya hɨnege caa bɨ.»

Marg 16:15

Kardi nee ban yege hɨn̰: «Ɨragɨŋ a cay gɨsəŋ gaŋ nɔm, tɨgagɨŋ bɛrnɛ di da Kɔl-gɨ-Ɗari bɨn̰gɨŋ kalaŋ a kɨɗɨn̰ gaŋ nɔm.

Kɔl-gɨ-Ɗari gɨ Lug wal 2:3

Kalaŋ nɔm orge ɗɔɔ gusondɨge, waŋ waŋ kalɨn̰ ma a cay gulondi gɨŋ.

Kɔl-gɨ-Ɗari gɨ Lug wal 2:5

Jɨsɛb dan̰ ɗe kujoyi orge se gusondɨge bɨ. Hɨndi ƴee kur.

Kɔl-gɨ-Ɗari gɨ Lug wal 3:1

Kɔl gɨ da Kumu baa a sɨmay Ja̰ kurɨn̰ Jagari, kɨɗɨn̰ ga ban baan̰ a duroy dal dɨŋ ƴee. Na wɔlɛdi gɨ nee le ma, kɨlma gɨ gumu Sejar Tɨbɛr diin̰ tɨrɨmbala, a cay gɨsəŋ ga Rɔm ɓal ɨlge mɔjɨ-cay-bay. Kɨrɨmbɛlɛŋ poɗɨn̰ diige cay Ɨsɨrayɛl hɨn̰ ka-kɨbɨ kɨlma gɨ gumu wo̰: Po̰s Piladɨ na ba-kɨbɨ kɨlma gɨ gumu gɨ dii cay Jude, Ɛrɔd Antipas dii cay Galile, kurundi Pilib dii cay Itire bɨrɨŋ cay ƴaa di Tɨragonit bɨ, Lɨjɨyanas dii cay Abɨlɛn bɨ. Han dan̰ Kayip na ka-cay ka-bɔgɛ kɨbar nɔm ga da kalaŋ ga ni Jubɨ.

Gɨye-lɔɔ 11:28

Ungo gɨ pɨna wo̰ duroyge gɨ gusondi na Agabus le, Turnɔ di da Kumu gɨlii gɨ badɨra na kɨya bɔɔ a cay gɨsəŋ gaŋ nɔm. Lee gɨ ban say daa yen̰ kalaŋ. Badɨra le baa leen̰ cɨndi boy ɨlge gɨ Kɨlod diin̰ cay ƴaa.

Gɨye-lɔɔ 25:11

Hɨn̰ gɨ kɔl na ƴɨma canɨ bɨ, ɨŋ na laa hɨnga pɨna ga dan̰ gɨyəŋdɨge naŋ ga ɓal tɨmaynɨ bɨ na, ɨŋ ɓala kan̰e mare naŋ. Ama hɨn̰ gɨ kɔl gɨ cɨndi na unɔ a boy kɔl gɨ kalaŋ ga kɛ, ba sige canɨ na, ungo pɨna ɓala ƴɔmɔŋ dɔbɔŋ kobɨge naŋ. Ɨŋ gey orɨn̰ dan̰ bɔyɛ kɔl le a tumoy kɨlma gɨ gumu Sejar.»

Gɨye-lɔɔ 25:21

Ama kɨɗɨn̰ ga Pol say ye gɨ ɗi na gey orɨn̰ dan̰ bɔyɛ kɔl koyi na gusi Sejar na, ɨŋ say ay nonɨ bɨge gɨ kan na gamayi dangay dɨŋ bɨrɨŋ gɨsɨn̰ gɨ ɨŋ kɨya gɨyɨn̰ danayi gusi kɨlma gɨ gumu gɨŋ.»

Magtubu di Pol wal bɨn̰ kalaŋ ga Rɔm 1:8

Hɨnga ga cay wase na, ɨŋ leen̰ Kumu hɨnge ho’o dan̰ gɨyəŋ gɨ da Jesu-Kɨris kol caygɨŋ nɔm, kɨya wa kalaŋ ye kol aye kudurɔ kogɨŋ gon̰ cay gɨsəŋ nɔm.

Pilib 4:22

Kalaŋ ga woyge dan̰ cɨndɨge nɔm ga woyge danaŋ kɛ ləgɨŋge lapɨya bɨ gɨ ɗɨn̰ coŋ na, na kondɨwadi kalaŋ ga a duroy ƴaa di da kɨlma gɨ gumu Sejar dɨŋ.