Kɔl-gɨ-Ɗari gɨ Lug wal 19:13 - Gabri Maja

¹³ «Pa dɨm ma ban kɨya ɗɔɔ gusi ɔrɛ ƴee na, ban te gɔyɔŋ kayi ga mɔjɨ duroy kamdɨge, gɔsɨnge waŋ waŋ kalɨn̰ ma, gursu di ni lɔr di kɨle do kondɨ tɔgɨ pɨna pɨna bɨ, yege hɨn̰: “Laan̰gɨŋ gɨyaw dan̰ gursu di nee le bɨrɨŋ gɨ ɨŋ kɨya jɨgan̰.”

Kɔl-gɨ-Ɗari gɨ Lug wal 19:13 ပူးပေါင်းရင်းမြစ်များ

Matɨyo 25:16

Kɨɗɨn̰di ga nee gaŋ le bɨ, guyɔŋ gɨ orɨn̰ dan̰ gursu di ni lɔr aru bay le ay orɨn̰ cɨbɨn̰-kobi bɨ, wan̰ kaŋdo aru bay cay nee.

Matɨyo 25:20

Guyɔŋ gɨ ba-gulondi bii gursu di ni lɔr aru bay le, ɨrga gusii. Ban jogɨn̰ dan̰ gursu toyi di ni lɔr daa bɨ, bii kaŋdo di aru bay bɨ yey hɨn̰: “Ba-gulonɨ, tumɔ ji bəŋ gursu di ni lɔr aru bay. Ama sɨla ɨŋ way kaŋdo aru bay ɗaŋ cay nee coŋ.”

Matɨyo 25:22

Guyɔŋ gɨ ba-gulondi bii gursu di ni lɔr aru sɔɔ le, ɨrga bɨ yeyi hɨn̰: “Ba-gulonɨ, tumɔ ji bəŋ gursu di ni lɔr aru sɔɔ. Ama sɨla ɨŋ way kaŋdo aru sɔɔ ɗaŋ cay nee coŋ.”

Matɨyo 25:24

Kardi nee na, guyɔŋ gɨ ba-gulondi bii gursu di ni lɔr aru le kalɨn̰ ma, ɨrga bɨ yeyi hɨn̰: “Ba-gulɔŋ, ɨŋ sol gɨ ji na ungo gɨ dɨmbɨre tɔgɨ. Gasa ga ji gɨsɨ naŋ kalɨn̰ ma mɨn̰ wal bɨ, ji day cay gasa a boy yage gɨ ji bɨga gasi gɨse nee naŋ bɨ.

Kɔl-gɨ-Ɗari gɨ Lug wal 19:12

Ban yege hɨn̰: «Ungo gɨ pɨna wo̰ toy na Kɨlma, ban som cay tɨbay kɨya sɔ ɔrɛ cay gɨsəŋ ga hen̰ gaŋ ɗe Kɨlma gɨ pɨna wo̰ gɨ gumu na dobii tɨrɨmbala cayi pa dɨm ma, may na kɨya jɨga dɔɔ tɨrɨmbala ƴee.

Kɔl-gɨ-Ɗari gɨ Lug wal 19:14

Ama kalaŋ ga cay gɨsəŋ kayi gaŋ ga pɨna duroyge ƴomiige dan̰ kuduroyge. Bɨ kan say gɨyge ka-ƴɔbɛ kardi kɨya yen̰ Kɨlma gɨ gumu le, ye hɨn̰: “Ni gey gɨ ungo gɨ nee le na gɨ dɔɔ cayni naŋ.”

Kɔl-gɨ-Ɗari gɨ Ja̰ wal 12:26

Hɨn̰ gɨ ungo na gey lɔɔ gɨye bəŋ na, kuɗa gɨ ban kɨba karɨnɨ. Bɨ kɨɗɨn̰ ga ɨŋ kɨya sɔmɛ nee le, ba-gɨye hɨnge kalɨn̰ ma kɨya sɔmɛ nee bɨ. Hɨn̰ gɨ ungo na laa gɨye bəŋ na, Banɨ kɨya aye cayi daa.»

Galad 1:10

Kɛ ɨŋ mal na gɨ kalaŋ na hɨramaŋge ga? Naŋ, na hɨrame gɨ da Kumu ma maŋ gey. Kɛ ɨŋ mal na gɨ kalaŋ gusɨge na mooge canɨ ga? Hɨn̰ gɨ ɨŋ ni na mala gɨ ni ƴɔɔ cɨn̰ kalaŋ ɗaŋ coŋ na, ɨŋ ni kɨya bɨləŋ marɨna ba-gɨye gɨ da Kɨris naŋ ɨni.

Magtubu di Jag wal 1:1

Na ɨŋ-bandi Jag, marɨna ba-gɨye gɨ da Kumu bɨ, gɨ da Ba-gulɔŋ Jesu-Kɨris bɨ, ba gɨyɨn̰ dan̰ magtubu di kɛ le. Bɨn̰ dan̰ te wɨn̰je ga mɔjɨ-cayge-sɔɔ ga sugdoŋge a cay gɨsəŋ gaŋ. Ɨŋ leegɨŋ lapɨya.

2 Pɨyɛr 1:1

Na ɨŋ-bandi Simo Pɨyɛr ba-gɨre-gɨye bɨ, marɨna ba-gɨye bɨ, gɨ da Jesu-Kɨris, ba wale magtubu di kɛ le, gɨyɨn̰ bɨn̰ kan ga wayge aye kudurɔ gɨ kɨledi osu hɨn̰ koni wo̰ bɨ, dan̰ gɨyəŋ gɨ da gɨye-lɔɔ gɨ dan̰ durɔ gɨ da Kumu bɨ, Jesu-Kɨris gɨ Ba-poɗɨnagɨŋ bɨ le.