Kɔl-gɨ-Ɗari gɨ Lug wal 19:12 - Gabri Maja

¹² Ban yege hɨn̰: «Ungo gɨ pɨna wo̰ toy na Kɨlma, ban som cay tɨbay kɨya sɔ ɔrɛ cay gɨsəŋ ga hen̰ gaŋ ɗe Kɨlma gɨ pɨna wo̰ gɨ gumu na dobii tɨrɨmbala cayi pa dɨm ma, may na kɨya jɨga dɔɔ tɨrɨmbala ƴee.

Kɔl-gɨ-Ɗari gɨ Lug wal 19:12 ပူးပေါင်းရင်းမြစ်များ

Matɨyo 21:38

Ama, kɨɗɨn̰ ga ka-yage suru le solge kurondi le ɨni na, kan yen̰ge gusɨge kɔl duroyge yen̰ge hɨn̰: “Ban gɨ kɛ le, na ba bɨle ba-gulɔŋ yagedi suru le wɔlɛ gɨ ɗaŋ gɨŋ! Ɨrenagɨŋ, ana dɨɗiigɨŋ coŋ, ana boɗɨn̰gɨŋ hɨnga ga ni ban̰di-gulɔŋ le.”

Matɨyo 28:18

Jesu ɨrga mɨnde gusɨge bɨ yege hɨn̰: «Kumu bəŋ Dɔnɔ nɔm a cay hɨnga ga gɨɗɨgɨ-Kumu gaŋ bɨ, a cay hɨnga ga cay gɨsəŋ gaŋ bɨ.

Marg 12:1

Kardi nee ɨni na, Jesu ay te yoge kɔl dan̰ kɨradi-kɔl hɨn̰: «Gɨlmi gɨ pɨna wo̰ orɨn̰ dan̰ yagedi suru. Ban ay jaŋ gɨ ni gun̰u nɨwrɨn̰ caa daa bɨ, pay umboŋ gɨ ni oyɨn̰ wɔɔdi suru boy nee bɨ, gaɗɨ ƴaa gɨ sɨngɨɗɨ daa gɨ ni gamɨn̰ kɨbi boy nee bɨ, say bɨn̰ ka-yage ga ɗaŋ agɨrge pa dɨm ma, ɗen̰ gusi orɨn̰ tɨrga ƴee.

Marg 16:19

Kardi nee kɨɗɨn̰ ga Ba-gulɔŋ Jesu dɨɗɨ kɨbɨ yɔɔ kɔl danage ɨni na, Kumu ayi orɨn̰ danayi gɨɗɨgɨ-Kumu gɨŋ, lee gɨ ban som kɨway bay a cay kobi gɨ bara gɨŋ.

Kɔl-gɨ-Ɗari gɨ Lug wal 20:9

Kardi nee Jesu say dor kɨradi-kɔl bɨn̰ kalaŋ yege hɨn̰: «Ungo gɨ pɨna wo̰ orɨn̰ dan̰ yagedi suru koyi. Bɨ ban bɨn̰ ka-yage ga ɗaŋ agɨrge pa dɨm ma ɗen̰ gusi orɨn̰ tɨrga kardi sɨngɨɗɨ ƴee.

Kɔl-gɨ-Ɗari gɨ Lug wal 24:51

Kɨɗɨn̰ ga ban tor-kɨbi a cayge ban̰ nee ƴee bɨ ga ma, ban ɗege bɨ Kumu ayi orɨn̰ daa nii.

Kɔl-gɨ-Ɗari gɨ Ja̰ wal 18:37

Ɨni na, Piladɨ yeyi hɨn̰: «Hɨnga le, ji na kɨlma ga?» Jesu dɨbi cay nee yeyi hɨn̰: «Ji ba yɔ, ɨŋ na kɨlma. Wɔɔŋge bɨ, ɨŋ ɨrga a cay gɨsəŋ gaŋ bɨ, na kɨya lɔɔ tɨmon̰ a cay kɔl gɨ ɨŋ ba ye le.» Waŋ waŋ gɨ na gey kɔl gɨ cɨndi na, kɨya jɔɔ kɔl hɨnge.

Gɨye-lɔɔ 17:31

Kɨya wa ban boy wɔlɛ gɨ ban kɨya bon̰ kɔl dan̰ gɨyəŋdi cay kalaŋ nɔm ga a cay gɨsəŋ gaŋ le. Ban kɨya bɔyɛ kɔl cay kalaŋ dan̰ gɨyəŋ gɨ da ungo gɨ ban dorii ɗeyi. Ungo le ma ama ban boyi lɨbii, gɨlɨn̰ kalaŋ nɔm gɨ ban na kɨya bɔyɛ kɔl na dan̰ gɨyəŋ gɨ da ungo gɨ nee le, leen̰ cɨndi.»

1 Korɛ̰t 15:25

Kɨya wa naa wa wa kalɨn̰ ma ojɨ gɨ ban na da dɔɔ-ƴaa bɨrɨŋ gɨsɨn̰ gɨ Kumu na bɨl ka-baadi nɔm laan̰ hɨnga ga ban kɨya bogɨn̰ gondii cay nee.

Əbɨro 9:28

Kɨris kalɨn̰ ma ay gusi been̰ kɨbar na cay pɨna ƴɔbɨ kɨya dorɨn̰ ɨsɨnan̰əŋ ga da kalaŋ ga dan̰ kondige. Ban kɨya andaŋ gɨ ni tɨba sɔɔdi na gɨ ni dorɨn̰ ɨsɨnan̰əŋ naŋ ɨni, ama na gɨ ni poɗɨn̰ kalaŋ ga somge amiige.

1 Pɨyɛr 3:22

Jesu le say or a gɨɗɨgɨ-Kumu gɨŋ bɨ, som haw kɛ durdi Kumu a cay kobi gɨ bara gɨŋ bɨ. Ban som nee din̰-ƴaa a cay ka-ƴɔbɛ ga daa nii bɨ, cay ka-dɔɔ cay ƴaa ga ɗaŋ ga a gɨɗɨgɨ-Kumu gaŋ bɨ, cay ka-dɔnɔn̰əŋ ga gɨɗɨgɨ-Kumu gaŋ bɨ.

Wasɨn̰a 1:7

Sɨlagɨŋ, ban tɨlga duroy gɨrɨmbale gaŋ nee, Kalaŋ nɔm kɨya soliige dan̰ cɨndɨge, Kan ga ka-jɨbege gasɨbii le kalɨn̰ ma, Kɨya soliige dan̰ cɨndɨge bɨ. Te wɨn̰je nɔm ga a cay gɨsəŋ gaŋ, Kɨya ɨlege gusɨge togɨn̰ kuduroyge kol cayi. Ho’o! Ɗa-ɗe-woy-hɨn̰-wo̰.