Kɔl-gɨ-Ɗari gɨ Lug wal 18:23 - Gabri Maja

²³ Kɨɗɨn̰ ga ungo le je kɔl gɨ nee le na, cɨndi say kula kɨya gɨ hɨnga wɔɔdi kondɨ tɔgɨ

Kɔl-gɨ-Ɗari gɨ Lug wal 18:23 ပူးပေါင်းရင်းမြစ်များ

Matɨyo 19:22

Kɨɗɨn̰ ga marɨna le je kɔl gɨ nee le ɨni na, ban say or dan̰ cɨn̰-n̰age kɨya gɨ ban orɨn̰ dan̰ hɨnga wɔɔ tɔgɨ.

Marg 10:22

Ama kɨɗɨn̰ ga gɨlmi le je kɔl gɨ nee le na, cɨndi buyoŋ ɨndi tɨlɨm lee gɨ ban say or dan̰ cɨn̰-kula, kɨya wa ban orɨn̰ dan̰ hɨnga wɔɔ tɔgɨ.

Kɔl-gɨ-Ɗari gɨ Lug wal 12:15

Bɨ ban yen̰ dɨmdɨrdi kalaŋ le ye hɨn̰: «Ɗagɨŋ muɗɔlɛ a cay gusɨgɨŋ bɨ, orɨn̰gɨŋ dan̰ tabɨlaŋ di ni wan̰ hɨnga nɔm naŋ bɨ, kɨya wa ungo kɨya sɔmɛ-bɨra a cay gɨsəŋ gaŋ, kɨya cay hɨnga wɔɔdi ga kondi naŋ.»

Kɔl-gɨ-Ɗari gɨ Lug wal 18:22

Kɨɗɨn̰ ga Jesu ba je kɔl gɨ da ungo le hɨn̰ wo̰ na, ban yeyi hɨn̰: «Ji baa lɔɔ hɨnga pɨna ƴee. Saa ɨra kɨle hɨnga kan̰ nɔm coŋ bɨ, aya gursudɨge gusɨnan̰ kan ga wɔɔdɨge unɔ, ɨni na ji kɨya wɔɔ hɨnga wɔɔ a daa nii. Kardi nee ɨni na mɨn̰ ɨre kɨba karɨnɨ.»

Kɔl-gɨ-Ɗari gɨ Lug wal 18:24

Jesu ba sol gɨ tɨdi lee n̰age na, ye hɨn̰: «Dojɨ tɔgɨ gɨ ɗe kalaŋ ka-wɔɔ hɨnga na andaŋge boy dɔɔ-ƴaa di da Kumu dɨŋ!

Kɔl-gɨ-Ɗari gɨ Lug wal 19:8

Ama Jase say da tumoy Ba-gulɔŋ yeyi hɨn̰: «Ba-gulɔŋ, haw kɛ na hɨnga wɔɔnɨ nɔm le, ɨŋ kɨya gɔsɨnɛ dugo kɨɗɨn̰ sɔɔ bɨ, aye kɨɗɨn̰ pɨna gɔsɨnin̰ ka-n̰age bɨ, ma hɨn̰ gɨ ɨŋ na usɨma ungo ƴan̰ hɔgɛ koyi na, ɨŋ kɨya bɔgɛ kamdɨge cay nee cay poɗɨn̰ jogɨn̰ bii daa bɨ.»

Kɔl-gɨ-Ɗari gɨ Lug wal 21:34

«Ɗagɨŋ muɗɔlɛ cay gusɨgɨŋ. Ɗɔɔgɨŋ gɨ ɨrɨme kol hɨnga ga kɨŋ gey dan̰ wɔlɛ pɨna pɨna, lɔɔ gɨ kɨŋ hale gɨybɨŋ cay caga hɨnge ɨŋ-bandi Kurɨn̰-ungo le naŋ. Naŋ na, ɨŋ kɨya andaŋ caygɨŋ dus.

Kɔl-gɨ-Ɗari gɨ Lug wal 8:14

Gasi-gɨse ga bugoŋ duroy gɨsɨm gaŋ le, gɨlɨn̰ na dan̰ kan ga jege kɔl gɨ da Kumu bɨ, beege kuduroyge cay nee bɨ, ama ɨrɨme a cay hɨnga ga cay gɨsəŋ gaŋ bɨ, tabɨlaŋ wɔɔ gursu bɨ, gusi-mɔwa ga cay gɨsəŋ gaŋ bɨ, ba ƴɔmɛ kuduroyge narge malge te aye kudurɔ koge gaŋ coŋ.

Epɛs 5:5

Jagɨŋ kuɗa. Ungo gɨ ba lɔɔ gɨye yɔyɛ gɨ toy kan̰di kan̰di bɨ, lɔɔ hɨnga ga ni dasi wala orɨn̰ dan̰ tabɨlaŋdi wɔɔ hɨnga bɨ le, ban kɨya wɔɔ hɨnga a boy dɔɔ-ƴaa gɨ da Kɨris dan̰ Kumu naŋ. Orɨn̰ dan̰ tabɨlaŋ di ni woon̰ hɨnga le gɨlɨn̰ na hɨn̰ n̰ɨre kula wo̰.

Pilib 3:8

Ho’o, ɗɨn̰ gɨ nee le na, sɔlɛ Jesu-Kɨris Ba-gulonɨ say kuɗa ɗɨn̰ hɨnga nɔm bɨ, ɨŋ sol hɨnga ga ɗaŋ leen̰ hɨnga ga kalɨn̰ wo̰ dugo bɨ. Kɨya cay Kɨris na, ɨŋ ɗe hɨnga nɔm ga ɨŋ orɨn̰ coŋ. Hɨnga ga tumɔ na ga ɗari cɨnɨ le, ɨŋ solge leen̰ hɨnga ga mɨdagi ɗe aŋ na wan̰ hɨnga ga ɗari ga gumu. Hɨnga ga nee le na bugoŋ pɨna dan̰ Kɨris.

Kɔlɔs 3:5

Kuɗa gɨ kɨŋ ɗa hɨnga nɔm ga a cay gɨsəŋ gaŋ kɛ, ga woy a gusɨgɨŋ le ɗe mara coŋ: Na yɔyɛ dan̰ gangɨ caa bɨ, hɨnga ga ni dasi bɨ, kurɔŋdi hɨnga ga lee hundɔrɔ bɨ, kurɔŋdi hɨnga ga ɨsɨni dan̰ lɔɔ te gursu gɨ na n̰ɨre kula bɨ.

1 Ja̰ 2:15

Ɗɔɔgɨŋ cay gɨsəŋ dan̰ hɨnga ga a nee a duroy cɨndɨgɨŋ gaŋ naŋ. Hɨn̰ gɨ ungo na ɗa cay gɨsəŋ a jam tɨdi dɨŋ na, ban kɨya geye Baynagɨŋ Kumu naŋ.