Kɔl-gɨ-Ɗari gɨ Lug wal 18:19 - Gabri Maja

¹⁹ Jesu dɨbii cay nee ye hɨn̰: «Kɛ na kɨya wa ma mɨn̰ təŋ ungo gɨ kuɗa ga? Ungo pɨna wo̰ gɨ kuɗa unɔ, na Kumu pɨna hayi ƴɔbɨ ma na ungo gɨ kuɗa.

Kɔl-gɨ-Ɗari gɨ Lug wal 18:19 ပူးပေါင်းရင်းမြစ်များ

Kɔl-gɨ-Ɗari gɨ Lug wal 1:35

Ba-ƴɔbɛ gɨ daa nii le, jɨga dɨboo cay nee yo hɨn̰: «Turnɔ ɗe-kuduroy-bɛrɛ kɨya gɨsɨne cɛɛ bɨ, dɔnɔ di da Kumu di ɗɨn̰ cay hɨnga nɔm kɨya umboŋ cɛɛ hɨn̰ turnɔ wo̰ bɨ. Na toy di wo̰ ma, kɨye gɨ woy dan̰ cɨndi gɨ me kɨya wooyi le, kan kɨya togii Kurɨn̰-Kumu.

Kɔl-gɨ-Ɗari gɨ Lug wal 11:13

Kɨŋ ga kuduroygɨŋ ɨsɨn kalɨn̰ ma, kɨŋ sol bɨn̰ karɨndɨgɨŋ hɨnga ga ɗari, ma na mɨna ma Bayna gɨ som a daa nii, kɨya lɔɔ ɗɨn̰ gɨ nee le bɨn̰ kan ga ɨngɨriige Turnɔ ɗe-kuduroy-bɛrɛ le naŋ ga?»

Kɔl-gɨ-Ɗari gɨ Lug wal 18:18

Ba sɔmɛ cay Jubɨ gɨ pɨna wo̰, ɨngɨr Jesu ye hɨn̰: «Ba-gɨlɨn̰ kalaŋ hɨnga gɨ ba lɔɔ hɨnga ga kuɗa, kɛ ɨŋ gɨ lɔɔ na mɨna ma maŋ gɨ wan̰ sɔmɛ-bɨra gɨ dan̰ cɨnɨ ga?»

Kɔl-gɨ-Ɗari gɨ Lug wal 18:20

Ji sol te tumɔ da Kumu di ye hɨn̰: “Ji na gɨ yɔyɛ tam mɨgan̰ wala bara gɨ da mɨgɛɛ naŋ bɨ, dɨɗe ungo naŋ bɨ, hase naŋ bɨ, bɔyɛ kɔl ɗɔɔ cay mɨgan̰ naŋ bɨ, aya cay ban̰ dan̰ ƴon̰ daa bɨ.”»

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

Əbɨro 7:26

Jesu le, na mangɨl gɨ da ka-cay ka-bɔgɛ kɨbar gɨ na or n̰agedi. Ban na ungo gɨ woy dan̰ cɨndi bɨ, dan̰ naji toyi bɨ, ɨsɨna pɨna wo̰ cilii naŋ bɨ. Ban gɨlɨn̰ dan̰ ka-lɔɔ ɨsɨna naŋ bɨ, Kumu ayi orɨn̰ danayi gɨɗɨgɨ-Kumu gɨŋ daa nii bɨ.

Magtubu di Jag wal 1:17

Hɨnga ga kuɗa tɔgɨ nɔm le, kan bɨnage na bee bɨ. Hɨnga ga ni bee kalɨn̰ ga kuɗa duroŋ dan̰ durɔ cɨrɛɗ nɔm le, na hɨnga ga sayigage na a daa nii bɨ, andɨgaŋge na gusi Bayna Kumu gɨ ba-lɔɔ kɨɗɨn̰ ga asɨn̰ bɨ. Kumu bɨl ɗaŋ naŋ bɨ, ban nɨwɨr gusi hɨn̰ gɨsəŋ ga ba nɨwɨre gusɨge cɨn̰ tɨwa dɨŋ, kɨya ɗenagɨŋ duroy dɨlɨm dɨŋ wo̰ naŋ bɨ.