Kɔl-gɨ-Ɗari gɨ Lug wal 18:17 - Gabri Maja

¹⁷ Aŋ yəgɨŋ daa waŋ na cɨndi: Waŋ waŋ gɨ na ƴa dɔɔ-ƴaa di da Kumu dan̰ kuduroyi hɨn̰ kɨye gɨ n̰əŋ wo̰ naŋ na, ban kɨya dɔbɛ cayi boy nee naŋ bɨrɨŋ.»

Kɔl-gɨ-Ɗari gɨ Lug wal 18:17 ပူးပေါင်းရင်းမြစ်များ

Matɨyo 18:3

yege hɨn̰: «Aŋ yəgɨŋ daa waŋ na cɨndi: Hɨn̰ gɨ kɨŋ na bɨl gɨye-lɔɔdɨgɨŋ hɨn̰ karɨn̰aŋ ga n̰en̰əŋ wo̰ naŋ na, kɨŋ kɨya andaŋ boy dɔɔ-ƴaa di daa nii dɨŋ naŋ.

Matɨyo 19:14

Ɨni na, Jesu yege hɨn̰: «Ɗagɨŋ dan̰ karɨn̰aŋ ɗe ɨrgage gusɨnɨ, bɨ nargegɨŋ naŋ, kɨya wa dɔɔ-ƴaa di daa nii le, woy na kɨya cay kalaŋ ga woy hɨn̰ kan le wo̰.»

Marg 10:15

Aŋ yəgɨŋ daa waŋ na cɨndi: «Waŋ waŋ gɨ na ƴaa dɔɔ-ƴaa di da Kumu dan̰ kuduroyi hɨn̰ kɨye gɨ n̰əŋ wo̰ naŋ na, ban kɨya dɔbɛ cayi boy nee naŋ bɨrɨŋ.»

Kɔl-gɨ-Ɗari gɨ Lug wal 18:16

Ama Jesu tee karɨn̰aŋ ga n̰ən̰əŋ le bɨ ye hɨn̰: «Ɗagɨŋ dan̰ karɨn̰aŋ le ɗe ɨrgage gusɨnɨ! Nargegɨŋ naŋ. Kɨya wa dɔɔ-ƴaa di da Kumu le na di da kalaŋ ga woy hɨn̰ kan wo̰.

1 Korɛ̰t 14:20

Ay, karmɨnɨ ga ban̰aŋ dan̰ ga kandɨ, ɗɔɔ gɨ kɨŋ bɨle karɨn̰aŋ ga n̰ən̰əŋ ojɨn̰ cay bɔyɛ kɔl naŋ. Kɨŋ bɨl karɨn̰aŋ ga n̰ən̰əŋ ujan̰ na cay hɨnga ga ɨsɨn, ama ojɨn̰ cay bɔyɛ kɔl na ɗa gɨ kɨŋ bɨl kalaŋ ga cɨndɨge naa cɛ̰ɛ̰.

1 Pɨyɛr 1:14

Sɨlagɨŋ hɨn̰ gɨ kɨŋ naa karɨn̰ Kumu bɨ, jagɨŋ kɔl kɨbi daa daa bɨ. Ɗɔɔgɨŋ baa lɔɔ hɨnga ga tumɔ tabɨlaŋdɨge ba leegɨŋ kɨɗɨn̰ ga kɨŋ ba sɨlan̰ hɨnga naŋ ƴee le.

1 Pɨyɛr 2:2

Hɨn̰ gɨ kɨye gɨ n̰əŋ ba orɨn̰ dan̰ tabɨlaŋdi kobɨn̰ ƴoyi le, kɨŋ-gandi kalɨn̰ ma ɨran̰gɨŋ dan̰ tabɨlaŋdi kobɨn̰ ga arɨn̰ cərərə gɨ na kɔl gɨ da Kumu le. Kan kɨya malgɨgɨŋ bɨ, kol cayge na kɨŋ kɨya wan̰ pɔɗɛ bɨ.