Kɔl-gɨ-Ɗari gɨ Lug wal 18:14 - Gabri Maja

¹⁴ Aŋ yəgɨŋ daa waŋ, duroy kalaŋ ga sɔɔ le, ungo gɨ kɛ le jogɨ ɨndi tayi, hɨn̰ ungo gɨ dan̰ durɔ ɗɨngar wo̰. Ama Parɨsɨn̰a le jogɨ ɨndi tayi hɨn̰ ungo gɨ dan̰ durɔ ɗɨngar naŋ wo̰. Kɨya wa waŋ waŋ gɨ na laa gusi laan̰ ungo gɨ gumu na, Kumu kɨya bɨlii loon̰ ungo gɨ dḛ, ama ungo gɨ na laa gusi laan̰ ungo gɨ dḛ na, Kumu kɨya bɨlii loon̰ ungo gɨ gumu.»

Kɔl-gɨ-Ɗari gɨ Lug wal 18:14 ပူးပေါင်းရင်းမြစ်များ

Matɨyo 23:12

Waŋ waŋ gɨ na laa gusi laan̰ ungo gɨ gumu na, Kumu kɨya bɨlii loon̰ ungo gɨ dḛ, bɨ waŋ waŋ gɨ na laa gusi laan̰ ungo gɨ dḛ na, Kumu kɨya bɨlii loon̰ ungo gɨ gumu bɨ.

Matɨyo 5:3

«Tumoy wolwa woy kol caygɨŋ, kɨŋ ga kɨŋ sol gusɨgɨŋ gɨ kɨŋ na orɨn̰ dan̰ n̰agedi Kumu, Kɨya wa dɔɔ-ƴaa di daa nii na togɨŋ!

Kɔl-gɨ-Ɗari gɨ Lug wal 1:52

Ban gɨsɨn Kɨrɨmbɛlɛŋ cay kali-tɨrɨmbala toge dɨŋ dugo bɨ, Kan ga dɨga jorgɨyge naŋ le, Ban ay cayge daa bɨ.

Kɔl-gɨ-Ɗari gɨ Lug wal 10:29

Ama ba-gɨlɨn̰ kalaŋ gasɨn̰-kɔl gɨ da Moyis le, gey dɔrɛ dasi cayi. Ɨni na ban yen̰ Jesu ye hɨn̰: «Ho’o, ama waŋ ma na mɨganɨ ga?»

Kɔl-gɨ-Ɗari gɨ Lug wal 14:11

Kɨya wa waŋ waŋ gɨ na laa gusi laan̰ ungo gɨ gumu na, Kumu kɨya bɨlii loon̰ ungo gɨ dḛ bɨ, ban gɨ na laa gusi laan̰ ungo gɨ dḛ na, Kumu kɨya bɨlii loon̰ ungo gɨ gumu bɨ.»

Kɔl-gɨ-Ɗari gɨ Lug wal 16:15

Jesu yege hɨn̰: «Kɨŋ-gandi le, kɨŋ lee gusɨgɨŋ leen̰ kalaŋ ga ka-ɔrɛ dan̰ durɔ ɗɨngar tumoy kalaŋ. Ama kɨŋ kɨya ɓale nare Kumu naŋ, ban sol dan̰ kuduroygɨŋ. Hɨnga ga kalaŋ sol leen̰ hɨnga ga kuɗa tɔgɨ le, Kumu sol leen̰ na hɨnga ga ni bɨrane a tɨdi.

Magtubu di Pol wal bɨn̰ kalaŋ ga Rɔm 3:20

Na toy di hɨn̰ wo̰ ma, ungo gɨ ba kɨya bɨle ungo gɨ dan̰ durɔ ɗɨngar a cɨn̰ Kumu dan̰ gɨyəŋ gɨ da gɨye-lɔɔ gɨ da gasɨn̰-kɔl unɔ. Kɨya wa gasɨn̰-kɔl gɨl na ɨsɨna gɨ da kalaŋ ɗe kan na sol ƴɔbɨ.

Magtubu di Pol wal bɨn̰ kalaŋ ga Rɔm 4:5

Ama hɨn̰ gɨ ungo na laa gɨye kɨya wan̰ cay kobi naŋ ama na bɨga kuduroy a cay Kumu gɨ ba sɔlɛ ba-lɔɔ ɨsɨna leen̰ ungo gɨ dan̰ durɔ ɗɨngar na, ungo gɨ nee le Kumu kɨya sɔlɛ aye kudurɔ koyi bɨ, bɨlii leen̰ ungo gɨ dan̰ durɔ ɗɨngar a cɨndi bɨ.

Magtubu di Pol wal bɨn̰ kalaŋ ga Rɔm 5:1

Ho’o, na bɨle kalaŋ ga dan̰ durɔ ɗɨngar cɨn̰ Kumu na dan̰ gɨyəŋ gɨ da aye kudurɔ kona ɨni. Lee gɨ haw kɛ na gusi-dɔbɛ woy duroyna dan̰ Kumu na dan̰ gɨyəŋ gɨ da Ba-gulondɨna Jesu-Kɨris.

Magtubu di Pol wal bɨn̰ kalaŋ ga Rɔm 8:33

Kɛ na waŋ ba kɨya se kɔl a cay kalaŋ ga Kumu torge ga? Ungo wo̰ unɔ! Kumu gusi ba bɨlge leen̰ kalaŋ ga dan̰ durɔ ɗɨngar.

Galad 2:16

Naa hɨn̰ wo̰ kalɨn̰ ma, ni sol gɨ Kumu sɨla ungo laan̰ ungo gɨ dan̰ durɔ ɗɨngar, kɨya kɔbɛ gɨ ban kobɨ gɨye-lɔɔ gɨ da gasɨn̰-kɔl naŋ. Ama Kumu sol ungo leen̰ ungo gɨ dan̰ durɔ ɗɨngar, na kɨɗɨn̰ ga ban na bɨga kuduroy a cay Jesu. Na hɨn̰ wo̰ ma, ni-gandi, ni ay kuduroyni bɨn̰ Jesu-Kɨris, ɗe gɨ Kumu na solni leen̰ kalaŋ ga dan̰ durɔ ɗɨngar, dan̰ gɨyəŋ gɨ da kuduroyni gɨ ni ay bɨn̰ Jesu, wala na kɨya kɔbɛ gɨ ni kobɨ gɨye-lɔɔ gɨ da gasɨn̰-kɔl naŋ. Kɨya wa ungo pɨna wo̰ gɨ kɨya bɨle ungo gɨ dan̰ durɔ ɗɨngar tumoy Kumu dan̰ kɔbɛ gɨ ban kobɨ gasɨn̰-kɔl le, unɔ bɨrɨŋ.

Magtubu di Jag wal 4:10

Bɨlgɨŋ gusɨgɨŋ laan̰ kalaŋ ga n̰ən̰əŋ tumoy Ba-gulɔŋ bɨ, ban kɨya aye caygɨŋ daa bɨ.

Magtubu di Jag wal 4:6

Ama Kumu lee hɨnga ga gumu tɔgɨ ɗɨn̰ hɨnga nɔm, kɨya gɨlnagɨŋ na ɗarwa toyi. Na hɨn̰ wo̰ ma, kan walge hɨn̰: «Kumu jɨbɨ ka-dɔgɛ jorgɨyge sɛdɨ coŋ, ama ban lee ɗarwa toyi dan̰ kan ga dɨgage jorgɨyge naŋ.»