Kɔl-gɨ-Ɗari gɨ Lug wal 18:12 - Gabri Maja

¹² Boy wɔlɛ jurgum le, ɨŋ hay kɨbɨnɨ cay sɔɔ bɨ, ɨŋ gosɨn hɨnga wɔɔnɨ nɔm dugo kɨɗɨn̰ mɔjɨ maŋ ay kɨbɨge pɨna bɨn̰ Kumu bɨ.”

Kɔl-gɨ-Ɗari gɨ Lug wal 18:12 ပူးပေါင်းရင်းမြစ်များ

Matɨyo 5:20

Aŋ yəgɨŋ da waŋ: Hɨn̰ gɨ gɨye-lɔɔdɨgɨŋ gɨ dan̰ durɔ ɗɨngar na ɗɨn̰ da Ka-gɨlɨn̰ kalaŋ gasɨn̰-kɔl gɨ da Moyis bɨ, gɨ da Parɨsɨn̰an̰əŋ bɨ naŋ na, kɨŋ kɨya andaŋ boy dɔɔ-ƴaa di daa nii dɨŋ naŋ bɨrɨŋ.

Matɨyo 6:1

«Hɨnga ga kɨŋ kɨya lɔɔ tumɔ pa dɨm ma, ɗe gɨl gɨ kɨŋ naa kalaŋ ga dan̰ durɔ ɗɨngar tumoy Kumu na, ɗɔɔgɨŋ ba looge cɨn̰ kalaŋ. Hɨn̰ gɨ kɨŋ na laa hɨnga kɨya cɨn̰ kalaŋ na, Baygɨŋ gɨ woy a daa nii kɨya bɨgɨŋ cay kobɨgɨŋ naŋ.

Matɨyo 6:16

«Kɨŋ-gandi, kɨɗɨn̰ ga kɨŋ na gey haye kɨbɨgɨŋ na, kɨŋ ɗɔɔ ba lɔɔ cɨndɨgɨŋ lɔɔ cɨn̰-n̰age, hɨn̰ kalaŋ ka-yɔɔ-kɔl-kɨbɨge-sɔɔ-sɔɔ ba leen̰ge wo̰ naŋ. Kan leege cɨndɨge leen̰ cɨn̰-n̰age tɔgɨ, ɗe kalaŋ na solge gɨ ke na hay kɨbɨge. Aŋ yəgɨŋ daa waŋ na cɨndi: Kan wayge hɨnga kage ga ni cay kobɨge koge ɨni.

Matɨyo 6:5

«Kɨŋ-gandi na, kɨɗɨn̰ ga kɨŋ na kɨya ɔlɛ Kumu na, wɔyɛgɨŋ hɨn̰ kalaŋ ga ka-yɔɔ-kɔl-kɨbɨge-sɔɔ-sɔɔ wo̰ naŋ. Ga mooge ɨre dan̰ tɨbayige daa duroy ƴaa-daye-di-da-Jubɨn̰əŋ gaŋ bɨ, tɨbɨn̰ gɨyəŋn̰əŋ gaŋ bɨ, kɨya olɨn̰ Kumu ɗe kalaŋ na solge le naŋ. Aŋ yəgɨŋ daa waŋ na cɨndi: Kan wayge hɨnga kage ga ni cay kobɨge koge ɨni.

Matɨyo 9:14

Bɨ ɨni na, ka-aye-cay-tɨbay Ja̰ ba-lɔɔ batɛm ɨrgage gusi Jesu bɨ, ɨngɨriige yege hɨn̰: «Kɛ na kɨya wa ma, ni-gandi bɨ, Parɨsɨn̰an̰əŋ bɨ, ni hayde kɨbɨni, ama ka-aye-cay-tɨban̰ kan̰ge hayde kɨbɨge coŋ ga?»

Kɔl-gɨ-Ɗari gɨ Lug wal 11:42

«Kɨŋ Parɨsɨn̰an̰əŋ le, cɨn̰-n̰age kɨya bɔɔ caygɨŋ! Kɨya gɨ kabɨn̰ hɨnga kagɨŋ ga gusondɨge na: Mantɨ bɨ, ru dan̰ kabɨn̰ hɨnga ga dan̰ cɨndɨge cɨndɨge bɨ le, kɨŋ gosɨn dugo kɨɗɨn̰ mɔjɨ, magɨŋ ay kɨbɨge pɨna bɨn̰ Kumu. Ama gɨye-lɔɔ gɨ dan̰ durɔ ɗɨngar bɨ, wandɨ da Kumu bɨ le, kɨŋ cɨbɨ cɨndɨgɨŋ cay nee naŋ. Na hɨnga ga nee le ma, kuɗa gɨ kɨŋ ni kɨya cɨbe cɨndɨgɨŋ cay nee lɔɔ, dɨle ɗɔɔ toyge ga ɗaŋ ga baa coŋ bɨ.

Kɔl-gɨ-Ɗari gɨ Lug wal 17:10

Kɨŋ gandi kalɨn̰ ma: Kɨɗɨn̰ ga kɨŋ na laa hɨnga nɔm ga kan yəgɨŋge gɨ kɨŋ na laa ɨni na, yaagɨŋ hɨn̰: “Ni na gɔyɔŋ ƴɔbɨ. Ni lee na gɨye gɨ ojɨ gɨ ni gɨ lɔɔ ƴɔbɨ.”»

Magtubu di Pol wal bɨn̰ kalaŋ ga Rɔm 3:27

Naa hɨn̰ wo̰ na, kɛ kɨɗɨn̰ ga ungo kɨya dogɨn̰ jorgii woy nee ga? Kɨɗɨn̰di unɔ. Na kɨya wa ma kɨɗɨn̰ ga ungo kɨya ɓale dogɨn̰ jorgii nee unɔ ga? Na kɨya gɨ ban kɨya ɓale bɨle durɔ ɗɨngar dan̰ gɨyəŋ gɨ da gɨye-lɔɔdi naŋ, ama na dan̰ gɨyəŋ gɨ da aye kudurɔ.

1 Korɛ̰t 1:29

hɨn̰ wo̰ na, ungo gɨ ɨndi kɨya ɓale gɨle gusi tumoyi Kumu naŋ.

Galad 1:14

Karmɨnɨ Jubɨ ga ɨlge di ni ɓalɨn̰ le, ɨŋ lee gɨye bɨn̰ Kumu dan̰ gɨyəŋ gɨ da kalaŋ ga ni Jubɨ ɗige. Kɨya wa gusɨnɨ-hɨmbalaŋ tɔgɨ a cay hɨnga ga ni te mon̰ ga da mon̰inagɨŋ ɗɨn̰ ga pɨna kondɨ.

Epɛs 2:9

Na gɨye-lɔɔdɨgɨŋ ba poɗɨgɨŋ naŋ, lee gɨ ungo gɨ kɨya dɔgɛ jorgi kol caa unɔ.

1 Timote 4:8

Cɔgɨdɛ gusɨn̰ le, na hɨnga ga kuɗa hage ama ɗarwadɨge kunda tɔgɨ naŋ. Ama tɨrabe gɨye-lɔɔ gɨ bugoŋ pɨna dan̰ Kumu le, na hɨnga ga kuɗa tɔgɨ, kɨya cay hɨnga nɔm. Kɨya wa Kumu ye gɨ ɗi na kɨya be hɨnga kol cayi. Bɨ hɨnga ga ban ye gɨ ɗi na kɨya bee le, orɨn̰ dan̰ sɔmɛ-bɨra gɨ da sɔmɛ koyi na gɨ haw kɛ bɨ, gɨ da sɔmɛ koyi na gɨ ba kɨya caga bɨ.