Kɔl-gɨ-Ɗari gɨ Lug wal 17:30 - Gabri Maja

³⁰ Wɔlɛ gɨ ɨŋ-bandi Kurɨn̰-ungo kɨya andɨn̰ le, kɨya wɔyɛ na hɨn̰ wo̰ bɨ.

Kɔl-gɨ-Ɗari gɨ Lug wal 17:30 ပူးပေါင်းရင်းမြစ်များ

Matɨyo 16:27

Kɨya wa Kurɨn̰-ungo kɨya caga dan̰ ka-ƴɔbɛ kayi ga daa nii bɨ, dan̰ gusoŋ-tɔgɛ da Bayi bɨ. Kɨɗɨn̰di ga nee gaŋ le, ban kɨya bɨn̰ kalaŋ cay kobɨge pɨna pɨna nɔm gɨsɨn̰ cay gɨye-lɔɔdɨge lɔɔdɨge.

Matɨyo 24:3

Jesu or sɔmɛ a cay garma gɨ Olibɨye gɨŋ. Ɨni na, ka-aye-cay-tɨbayi ɨrgage gusi kan̰dɨge bɨ. Ɨngɨrige gɨ ban na yage wɔlɛ gɨ hɨnga ga nee le na kɨya loon̰ gusɨge bɨ, gɨ ban na yage hɨnga ga na kɨya gɨle tɨwadɨge bɨ, ojɨ cay kagadi wɔlɛ gɨŋ bɨ.

Matɨyo 24:37

Kɨɗɨn̰ ga ɨŋ-bandi Kurɨn̰-ungo ɨŋ kɨya cagan̰ le, hɨnga kɨya lɔɔ gusɨge na hɨn̰ gɨ naa ba won̰ a boy ɨlge gɨ da Nɨwe gɨŋ wo̰.

Matɨyo 24:39

Kalaŋ ɨrɨmge cay hɨnga naŋ bɨrɨŋ, gɨsɨn̰ gɨ kaŋdi Kumu ga kondi ga ongɨ bɨrɨŋ, ƴen̰ cay gɨsəŋ bɨnjaŋ bɨnjaŋ, ɨrga ƴeege lee gɨ mundoŋge nɔm le. Caga gɨ da Kurɨn̰-ungo le, kɨya wɔyɛ na hɨn̰ wo̰ bɨ.

Matɨyo 26:64

Jesu dɨbii cay nee yeyi hɨn̰: «Ji-bandi ba yɔ dan̰ kɨbɨn̰ han̰. Ama aŋ yəgɨŋ kɔl gɨ ɗaŋ coŋ, ayɨn̰ toy haw kɛ na kɨŋ kɨya sɔlɛ Kurɨn̰-ungo le kɨya sɔmɛ a cay kali di ni tɨrɨmbala dɨŋ kɨway Kumu ba Dɔnɔ di gumu a cay kobi gɨ bara gɨŋ bɨ, kɨŋ kɨya solii te ɨrga cay gɨrɨmbale gaŋ bɨ.»

Marg 13:26

Ɨni na, kalaŋ ga cay gɨsəŋ gaŋ kɨya sɔlɛge Kurɨn̰-ungo le dan̰ tɨdɨge te ɨrga cay gɨrɨmbale gaŋ dan̰ dɔnɔ di gumu bɨ, dan̰ asɨn̰a di gumu bɨ.

Kɔl-gɨ-Ɗari gɨ Lug wal 17:24

Hɨn̰ gɨ Kumu ba wɨlɨn̰ a te kumu gɨŋ, ma asɨn̰ a kɨwa gɨ pɨna gɨŋ bɨrɨŋ andɨn̰ kɨwa gɨ ɗaŋ gɨŋ le, wɔlɛ caga hɨnge ɨŋ-bandi Kurɨn̰-ungo le kalɨn̰ ma, kɨya wɔyɛ na hɨn̰ wo̰ bɨ.

Kɔl-gɨ-Ɗari gɨ Lug wal 17:29

ama, kɨɗɨn̰ ga Lotɨ say ɗe Sɔdɔm coŋ ɨni na, Kumu ɗe tɨwa ongɨ hɨn̰ kaŋdi Kumu wo̰ bugoŋ a cayge bɨ, kɨrbaŋdi hɨnga ga ƴee hɨn̰ tɨwa wo̰ sugudoŋ a cayge ulge gurɔɗɨ coŋ bɨ.

Kɔl-gɨ-Ɗari gɨ Lug wal 21:22

Kɨya wa wɔlɛdi gɨ nee le, na wɔlɛ gɨ Kumu kɨya bon̰ kɔl ɗe kɔl gɨ ka-yɔɔ-kɔl-gɨ-Kumu-ba-yɔɔ, walge duroy magtubu dɨŋ nɔm le, or kɨɗɨn̰ diige gaŋ.

Kɔl-gɨ-Ɗari gɨ Lug wal 21:27

Ɨni na, kalaŋ ga cay gɨsəŋ gaŋ kɨya sɔlɔŋge ɨŋ-bandi Kurɨn̰-ungo dan̰ tɨdɨge, ɨrga cay gɨrɨmbale gaŋ dan̰ dɔnɔ di gumu bɨ, dan̰ asɨn̰a gɨ gumu bɨ.

1 Korɛ̰t 1:7

Lee gɨ hɨnga ga ni ɗarwa di da Kumu ga ban bee le, pɨna wo̰ ga wɨygɨŋ unɔ, kɨŋ ga kɨŋ ba som gam tɨwa di Ba-gulondɨna Jesu-Kɨris kɨya andɨn̰ dus le.

1 Korɛ̰t 1:8

Na ban ba kɨya lɔɔ ɗe toygɨŋ osu bɨrɨŋ dɨɗɨn̰ kɨbi, ɗe gɨ a wɔlɛ caga gɨ da Ba-gulondɨna Jesu-Kɨris gɨŋ na, kɨŋ na wɨyan̰ kalaŋ ga ungo ɓala dɨbe kɔl cayge naŋ.

Kɔlɔs 3:4

Kɨɗɨn̰ ga Kɨris gɨ na sɔmɛ-bɨra kona na andaŋ na, kɨŋ-gandi kalɨn̰ ma kɨŋ kɨya andaŋ danayi pɨna duroy gusoŋ-tɔgɛ koyi gɨŋ bɨ.

2 Tesalonigɨ 1:7

Na ban ma, wɔlɛ gɨ Ba-gulɔŋ Jesu kɨya andɨgaŋ gɨɗɨgɨ-Kumu gɨŋ dan̰ ka-ƴɔbɛ kayi ga daa nii ga orɨn̰ge dan̰ dɔnɔ kɨya ɨrgage na, kɨŋ ga kan gɨlgɨŋge-cɨn̰ bɨ, ni-gandi bɨ na, ban kɨya bɨna dɔrɛ gɨlale.

1 Pɨyɛr 1:13

Kol cay hɨnga ga nɔm ga Kumu ba lee bɨgɨŋ le, sɨmagɨŋ a cay tɨbaygɨŋ dɨŋ kɨya lɔɔ gɨye bii bɨ. Ƴɨmagɨŋ gusɨgɨŋ usa duroy hɨnga nɔm. Ɗagɨŋ ɨrɨmedɨgɨŋ nɔm a cay ɗarwa di Kumu ba kɨya bɨgɨŋ, kɨɗɨn̰ ga Jesu-Kɨris ba kɨya cagan̰ le.

1 Pɨyɛr 1:7

Na solgɨŋ gɨ lɔr di lam wo̰ kɨya unɔ le, kan gɨwasooge na dan̰ tɨwa. Na hɨn̰ wo̰ ma, aye kudurɔ kogɨŋ gɨ kɨledi ɗɨn̰ lɔr kalɨn̰ ma, kɨya gɨwasiige ɗe age na solɨn̰ togii. Na hɨn̰ wo̰ ma kɨɗɨn̰ ga Jesu-Kɨris kɨya caga le, Kumu kɨya hɨramgɨŋ bɨ, dɨbe gusoŋ-tɔgɛ caygɨŋ bɨ, aye caygɨŋ daa bɨ.

1 Pɨyɛr 4:13

Ama kɨŋ laa gusi-mɔwa kɨya cay cɨn̰-gɨle-cɨn̰ di leegɨŋ hɨn̰ gɨ ba leen̰ Kɨris wo̰ bɨ le. Ɗe wɔlɛ gɨ gusoŋ-tɔgɛ koyi na gɨl gusi doŋ na, gusɨgɨŋ kɨya moogɨŋ bɨ, kɨŋ kɨya tɔgɛ pɨre bɨ.

1 Ja̰ 2:28

Ho’o, karɨnɨ kange bugoŋgɨŋ pɨna dan̰ Kɨris ɗe wɔlɛ gɨ ban na andaŋ dus na, ana ɨrɨn̰gɨŋ tumoyi dɨle sɔlɛ-hɨnga pɨna wo̰ bɨ, dɨle dasi dɔɔnagɨŋ bɨ.

1 Ja̰ 3:2

Ay, kɨŋ ga ɨŋ lee-toygɨŋ, gɨ na ba somɨn̰gɨŋ haw kɛ na, na-gandi na karɨn̰ Kumu ɨni. Na kɨya wɔyɛgɨŋ gɨlɨn̰a na mɨna ga kardi nee kalɨn̰ ma, Kumu wasɨn̰a cay bɨnagɨŋ naŋ ƴee. Ama na solgɨŋ gɨ kɨɗɨn̰ ga Kurɨn̰ Kumu kɨya jɨga na, na kɨya soliigɨŋ dan̰ cɨndɨnagɨŋ gərɨn̰ gərɨn̰ bɨ, na kɨya wɔyɛ gɨlɨn̰a danayi ca ca bɨ.

Wasɨn̰a 1:7

Sɨlagɨŋ, ban tɨlga duroy gɨrɨmbale gaŋ nee, Kalaŋ nɔm kɨya soliige dan̰ cɨndɨge, Kan ga ka-jɨbege gasɨbii le kalɨn̰ ma, Kɨya soliige dan̰ cɨndɨge bɨ. Te wɨn̰je nɔm ga a cay gɨsəŋ gaŋ, Kɨya ɨlege gusɨge togɨn̰ kuduroyge kol cayi. Ho’o! Ɗa-ɗe-woy-hɨn̰-wo̰.