Kɔl-gɨ-Ɗari gɨ Lug wal 16:25 - Gabri Maja

²⁵ Abɨraham jɨga dɨbii cay nee ye hɨn̰: “Kuronɨ, hɨn a cay hɨnga ga ɗari ga ji ba way kɨɗɨn̰ ga ji ba somɨn̰-bɨra dan̰ cɨndɨn̰ ƴee le, ama Lajar na kɨɗɨn̰ ga ban naa baan̰ dan̰ tɨdi ƴee le, ban som na duroy gɨle-cɨn̰ dɨŋ. Ama haw kɛ na, ban som na duroy ɗarwa dɨŋ ɨni. Ama kon̰ ji ban na, ji gɨ sɔmɛ na duroy mɨrɨn̰tɨn̰i dɨŋ

Kɔl-gɨ-Ɗari gɨ Lug wal 16:25 ပူးပေါင်းရင်းမြစ်များ

Matɨyo 27:63

Bɨ yeyige hɨn̰: «Ba-gulɔŋ, kuduroyni hɨn a cay kɔl gɨ ba nare kalaŋ gɨ kɛ gɨ nee le ye, kɨɗɨn̰ ga ban ban̰ dan̰ cɨndi ƴee le. Ban ye hɨn̰: “Wɔlɛ sɔɔ, sɨbɨdi bɨ na, ɨŋ kɨya bɔyɛ lɨbe.”»

Marg 9:45

Hɨn̰ gɨ naa tɨban̰ na ba gey cangɨn̰ danan̰ te gɨyəŋ gɨ ɗari gɨŋ coŋ na, ji walaa coŋ. Golgo andaŋ boy kɨɗɨn̰ ga kalaŋ somɨn̰ge-bɨra dan̰ cɨndɨge nee gaŋ dan̰ tɨban̰ di pɨna, ɗɨn̰ gɨ kan kɨya dɨbɨn̰ dan̰ tɨban̰ sɔɗɨmɔŋ boy tɨwa di ƴee dan̰ tumɔɔ di ni gehɛn dɨŋ.

Kɔl-gɨ-Ɗari gɨ Lug wal 16:20

Gɨlmi gɨ pɨna wo̰ gɨ na ba-n̰age gɨ teeyige Lajar, ɨya ƴee gusi nɔm. Kalaŋ ɨrgan̰ danayi dibiige tumoy gulɔŋ gɨ da ba wɔɔ hɨnga gɨŋ le.

Kɔl-gɨ-Ɗari gɨ Lug wal 16:23

Ban som na kɨɗɨn̰ ga ni mɨrɨn̰tɨn̰i gaŋ ga kalaŋ ga madɨrdaŋ somɨn̰ge nee, ban ay tɨdi daa bɨ sol Abɨraham som hən̰ bɨ Lajar som kɨway.

Kɔl-gɨ-Ɗari gɨ Lug wal 16:26

Ɗaŋ coŋ, duroygɨŋ kɨŋ-gandi bɨ ni-gandi bɨ le, umboŋ gɨ kagadi unɔ woy a duroynagɨŋ. Na ban ma kɨɗɨn̰ ga ni sɔ gusɨni ɔrɛ gusɨgɨŋ unɔ bɨ, kɨɗɨn̰ ga ni sɔ gusɨgɨŋ ɨrgan̰ gusɨni unɔ nee bɨ.”

Kɔl-gɨ-Ɗari gɨ Lug wal 6:24

Ama cɨn̰-n̰age ba caygɨŋ, kɨya wa kɨŋ way ɗarwa togɨŋ ɨni!

Kɔl-gɨ-Ɗari gɨ Ja̰ wal 16:33

Ɨŋ yəgɨŋ hɨnga nɔm ga nee le, na ɗe gɨ agɨŋ na wan̰ gusi-dɔbɛ gusɨnɨ. Leen̰ cɨndi na, dɔsɛ-ɗugɔ kɨya woogɨŋ a cay gɨsəŋ gaŋ kɛ. Ama ƴɨmagɨŋ kuduroygɨŋ usa. Kɨya wa ɨŋ ay banga a cay dɔnɔ di da cay gɨsəŋ ɨni.»

Gɨye-lɔɔ 14:22

A boy cay ƴaan̰əŋ ga pɨna pɨna ga nee le, kan dobɨge bandɨ kuduroy ka-aye-cay-tɨbay Jesu bɨ, ɨngɨrge gɨ kan na sɨma cay tɨbayge dɨŋ a cay aye kudurɔ gɨŋ. Bɨ kan say yege hɨn̰: «Naa wa wa kalɨn̰ ma hɨnga ga ni dɔsɛ-ɗugɔ kɨya looni tɔgɨ pa dɨm ma, mani kɨya andɨn̰ a boy dɔɔ-ƴaa di da Kumu dɨŋ ƴee.»

Magtubu di Pol wal bɨn̰ kalaŋ ga Rɔm 8:7

Ɨrɨme gɨ da kuyoŋdi-gusu na ba-baa gɨ da Kumu, kɨya wa ɨrɨme gɨ da kuyoŋdi-gusu bɨga kɔl a cay gasɨn̰-kɔl gɨ da Kumu gɨŋ naŋ. Ɨrɨme gɨ da kuyoŋdi-gusu le ɓala bɔgɛ kɔl a cay gasɨn̰-kɔl gɨ da Kumu gɨŋ naŋ.

Pilib 3:19

Kalaŋ ga nee le a dɨɗe kɨbi gɨŋ na kan kɨya mundoŋ. Kɨya wa kumu koge na kuduroyge bɨ, gusoŋ-tɔgɛ koge woy na boy hɨnga ga di dasi gaŋ bɨ, kan na hɨnga ga ƴom kuduroyge le, na hɨnga ga a cay gɨsəŋ gaŋ kɛ ƴɔbɨ.

1 Tesalonigɨ 3:3

Ɗe hɨnga ga ni gɨwase ga ba leeni kɛ le, gabe ungo pɨna duroygɨŋ naŋ. Kɨya wa kɨŋ sol gɨ Kumu ɗe hɨnga ga ni gɨwase ga hɨn̰ wo̰ le, woy duroy hɨnga ga Kumu ƴom cay tɨbayige ojɨn̰ cayna.

Əbɨro 11:25

Ama ban ojɨ gɨ ni wɔɔ tabɨ dan̰ te kalaŋ ga da Kumu, ɗɨn̰ gɨ ni lɔɔ gusi-mɔwa di kardo sɨngɨɗɨ naŋ duroy sɔmɛ-bɨra duroy ɨsɨna gɨŋ.

1 Ja̰ 2:15

Ɗɔɔgɨŋ cay gɨsəŋ dan̰ hɨnga ga a nee a duroy cɨndɨgɨŋ gaŋ naŋ. Hɨn̰ gɨ ungo na ɗa cay gɨsəŋ a jam tɨdi dɨŋ na, ban kɨya geye Baynagɨŋ Kumu naŋ.

Wasɨn̰a 7:14

Ɨni na, ɨŋ dɨbi cay nee yey hɨn̰: «Ba-gulonɨ, ji ba sɔlɛ.» Kɨɗɨn̰di ga nee gaŋ le, ban yəŋ hɨn̰: «Na kalaŋ ga andaŋge a duroy hɨnga ga ni dɔsɛ-ɗugɔ ga gumu gaŋ. Kan pɨlge badɨge kage ga sɨngɨɗɨdəŋ bɨ dorge ɗege bɛrɛ tɨrɨjɨ tɨrɨjɨ a duroy kɨbardi Kurɨn̰-dɨmangɨ gɨŋ le.