Kɔl-gɨ-Ɗari gɨ Lug wal 16:24 - Gabri Maja

²⁴ Ɨni na, ban dor noy daa ye hɨn̰: “Banɨ Abɨraham, kɔgɨɗɔ sɨla cɨn̰-n̰age tɨnge bɨ gɨy Lajar ɗe dobɨ tɨbɨneyi duroy kaŋ gaŋ ɨrgan̰ jalɨn̰ kɨlənɨ, kɨya gɨ ɨŋ way mɨrɨn̰tɨn̰i a duroy tɨwa dɨŋ.”

Kɔl-gɨ-Ɗari gɨ Lug wal 16:24 ပူးပေါင်းရင်းမြစ်များ

Matɨyo 25:41

«Kardi nee ɨni na, kɨlma yen̰ kan ga a cay kobi gɨ masa gɨŋ le, yege hɨn̰: “Kɨŋ ga Kumu ɓɨsɨgɨŋ le sagɨŋ gusɨnɨ coŋ. Ɨragɨŋ boy tɨwa di woy dan̰ cɨndo dɨŋ di ƴomge cay tɨbaa kɨya cay Haban̰ bɨ, ka-ƴɔbɛ kaa bɨ.

Matɨyo 3:9

Bɨ kɨŋ ɗɔɔ ba sɔmɛ gɨ ni ɨrɨme kuduroygɨŋ yɔ hɨn̰: “Abɨraham na mon̰ini” ƴɔbɨ naŋ. Ɗe aŋ yəgɨŋ daa waŋ, hɨn̰ gɨ Kumu na gey naga na, ban kɨya ɓale bɨle orun̰əŋ ga kɛ le, leen̰ karɨn̰aŋ bɨn̰ Abɨraham.

Matɨyo 5:22

«Ama ɨŋ-bandi na ɨŋ yəgɨŋ hɨn̰: Waŋ waŋ gɨ na laa kuduroy-hɔmɛ dan̰ kurɨndi na, kɨya orɨn̰ge danayi tumoy ka-bɔyɛ kɔl gaŋ. Waŋ waŋ gɨ na yan̰ kurɨndi ji naa ba-matɨr na, kɨya orɨn̰ge danayi tumoy ka-bɔyɛ kɔl cay Jubɨn̰əŋ. Waŋ waŋ gɨ na yan̰ kurɨndi ji na ba-dɨngale na, ojɨ gɨ ni orɨn̰ge danayi duroy tɨwa di ƴee dan̰ tumɔɔ di ni gehɛn dɨŋ.

Kɔl-gɨ-Ɗari gɨ Lug wal 16:30

Ba wɔɔ hɨnga le jɨga dɨbii cay nee ye hɨn̰: “Naŋ! Banɨ Abɨraham kan kɨya jɔɔge naŋ. Hɨn̰ gɨ ungo na saa a da kalaŋ ga madɨrdaŋ ɨra wayage na, kan kɨya bɨle gɨye-lɔɔdɨge.”

Kɔl-gɨ-Ɗari gɨ Lug wal 19:9

Jesu jɨga dɨbii cay nee yeyi hɨn̰: «Labɨde pɔɗɛ andaŋ a duroy ƴaa gɨ kɛ le, kɨya wa ji kalɨn̰ ma ji na kungay Abɨraham bɨ.

Kɔl-gɨ-Ɗari gɨ Lug wal 3:8

Laagɨŋ gɨye gɨ gɨl gɨ kɨŋ na bɨle gɨye-lɔɔdɨgɨŋ leen̰ cɨndi. Bɨ kɨŋ ɗɔɔ ba sɔmɛ gɨ ni yɔ hɨn̰: “Abɨraham na mon̰dɨni” ƴɔbɨ naŋ. Ɗe aŋ yəgɨŋ daa waŋ, Kumu na gey naga na, ban kɨya ɓale bɨle orun̰əŋ ga kɛ le, loon̰ karɨn̰aŋ bɨn̰ Abɨraham!

Kɔl-gɨ-Ɗari gɨ Ja̰ wal 4:10

Jesu dɨboo cay nee yoo hɨn̰: «Hɨn̰ gɨ me ni na sɨla hɨnga ga Kumu bee bɨ, ban gɨ ba ɨngɨrne kaŋ kɛ le naa waŋ ga bɨ na, me-hɨndi ni ba kɨya ɨngɨrii kaŋ cay wase bɨ, ban kɨya bɨne dan̰ kaŋ ga ni somɨn̰-bɨra.»

Kɔl-gɨ-Ɗari gɨ Ja̰ wal 4:14

Ama waŋ waŋ gɨ na saa kaŋ ga ɨŋ ba bii na, gɨmase kɨya jɔgɛ doyi ɗaŋ naŋ bɨrɨŋ. Kaŋ ga ɨŋ ba kɨya bii le, kɨya bɨle cɨn̰-kaŋ ga kɨya andaŋ gɨre a kuduroy bɨ, kɨya bii sɔmɛ-bɨra gɨ dan̰ cɨndi bɨ.

Kɔl-gɨ-Ɗari gɨ Ja̰ wal 7:37

A kagadi wɔlɛ gɨ da kɨdɨrɛ gɨ ni ƴaa gɨ labi, gɨ na wɔlɛ gɨ gumu gɨ da kɨdɨrɛ le, Jesu ɨre daa bɨ, ay te yɔɔ-kɔl dan̰ te tumoyi di daa pəŋ pəŋ ye hɨn̰: «Hɨn̰ gɨ ungo gɨ gɨmase na daayi na, kuɗa gɨ ban ɨre wayaŋ bɨ, saa kaŋ.

Magtubu di Pol wal bɨn̰ kalaŋ ga Rɔm 4:12

Abɨraham bɨle na bay kalaŋ ga walge ban̰a bɨ. Ka-wale ban̰a ga nee le na kan ga ɨrge na a cay wale ban̰a di da kuyoŋdi-gusu dɨŋ ƴɔbɨ naŋ. Ama na kan ga ayge cay tɨbay mon̰dɨni Abɨraham a te aye kudurɔ koyi gɨŋ. Kɨɗɨn̰ ga ban baa wale ban̰a ƴee le.

2 Tesalonigɨ 1:8

Ban kɨya ɨrga na duroy tɨwa di ƴee dɨŋ, kɨya gɔjɛ-baa cay kalaŋ ga sɨlage Kumu naŋ gaŋ bɨ, dan̰ kan ga ka-kan̰e bɔgɛ kɔl a cay Kɔl-gɨ-Ɗari gɨ da Ba-gulondɨna Jesu bɨ.

Magtubu di Jag wal 2:13

Kɨya wa ungo gɨ na sɨla cɨn̰-n̰age di da mɨgayi naŋ na, Kumu kɨya sɔlɛ cɨn̰-n̰age toyi boy wɔlɛ bɔyɛ kɔl gɨŋ naŋ bɨ. Ama sɔlɛ cɨn̰-n̰age na, na hɨnga ga ay banga a cay bɔyɛ kɔl gɨŋ.

Magtubu di Jag wal 3:6

Kɨləndɨna kalɨn̰ ma na tɨwa bɨ, kɨlən̰ ungo na, na ƴaa wɔyɛ gɨ da ɨsɨna nɔm. Kɨləndɨna le woy na a kuyoŋdi-gusɨnagɨŋ gɨŋ, lee gɨ kuyoŋdi-gusɨna nɔm mɨdagɨ. Tɨwa di kɨləndɨna le, ul sɔmɛ-bɨra konagɨŋ. Ayɨn̰ toy jɨne ɓɨragɨ gɨsɨn̰ labɨde. Tɨwa di nee le, sayga na duroy tɨwa guso di ƴee dan̰ tumɔɔ di a gehɛn dɨŋ.

Wasɨn̰a 19:20

Ƴomge kɨmana le bɨ, ba-yɔɔ-kɔl-gɨ-Kumu-ba-yɔɔ gɨ cɨndi naŋ le bɨ. Tumɔ, ba-yɔɔ-kɔl-gɨ-Kumu-ba-yɔɔ gɨ cɨndi naŋ gɨ nee le, lee hɨnga ga ɗɨn̰ cɨn̰-kɨɗɨn̰ tumoy kɨmana le narɨn̰ cɨn̰ kalaŋ ga tɨnda woy gusɨge bɨ, kalaŋ ga ka-n̰ɨrege turnoy kɨmana le bɨ. Kɨmana le bɨ ba-yɔɔ-kɔl-gɨ-Kumu-ba-yɔɔ gɨ cɨndi naŋ bɨ le, ƴomgege beegege dan̰ cɨndɨge duroy kuray di tɨwa da kɨrbaŋdi hɨnga ga ƴee hɨn̰ tɨwa wo̰ bɨ.

Wasɨn̰a 20:15

Waŋ waŋ gɨ gusondi na unɔ a boy magtubu sɔmɛ-bɨra gɨŋ le, kan kɨya ƴomii dibii duroy kuraydi tɨwa dɨŋ coŋ.

Wasɨn̰a 22:1

Kardi nee, ba-ƴɔbɛ gɨ daa nii le gɨləŋ kaŋdi kuray gɨ ungo na saa na kɨya sɔmɛ-bɨra. Kaŋdi kuray gɨ kaŋdi ɨre arɨn̰ cərərə bɨrɨŋ gɨ toyge ga dugo kalɨn̰ ma ungo ɓal sɔlɛ, andaŋ na a te kali-tɨrɨmbala di da Kumu dɨŋ bɨ, da Kurɨn̰-dɨmangɨ dɨŋ bɨ.