Kɔl-gɨ-Ɗari gɨ Lug wal 16:22 - Gabri Maja

²² Wɔlɛ gɨ pɨna wo̰ ba-n̰age le say ma bɨ, ka-ƴɔbɛ ga daa nii ɨrgage ayige orɨn̰ danayi siige kɨway Abɨraham. Ba wɔɔ hɨnga le kalɨn̰ ma ma bɨ, kan ayige orɨn̰ danayi ɨmgiige.

Kɔl-gɨ-Ɗari gɨ Lug wal 16:22 ပူးပေါင်းရင်းမြစ်များ

Matɨyo 18:10

«Duroy karɨn̰aŋ ga n̰en̰əŋ ga kɛ le, kɨŋ ɗɔɔ ba-dɔrɛ cɨn̰ gɨ pɨna duroyge. Əw, aŋ yəgɨŋ a gɨɗɨgɨ-Kumu gɨŋ daa nii na, ka-ƴɔbɛ kage ga daa nii ɨrege dan̰ tumoyge a tumoy Banɨ gɨ som a daa nii kɨya cayge.

Matɨyo 24:31

Kɨɗɨn̰ ga noy burun̰ji di gumu kɨya yɔ na, ban kɨya gɨye ka-ƴɔbɛ kayi ga daa nii ɗe na orge dɔnɛge kan ga ban torge le, a tɨbɨn̰ gɨsəŋ ga poɗɨn̰ gaŋ. Kan kɨya aye toy kɨway kɨbɨ gɨsəŋ ga pɨna gaŋ bɨrɨŋ andɨn̰ kɨbɨ gɨsəŋ ga ɗaŋ gaŋ.

Matɨyo 8:11

Aŋ yəgɨŋ, kalaŋ dan̰ kondɨwayge kɨya sɔge jɨn̰ te kumu dan̰ kɨɗɨn̰ ɗɔbɛ ga da tɨwa bɨ, ɨrgage sɔmɛge kɨbɨ hɨnga ga ni dɔɔ ga ni gusi-mɔwa ga gumu, dan̰ Abɨraham bɨ, Isag bɨ, Jagob bɨ, boy dɔɔ-ƴaa di daa nii dɨŋ.

Marg 8:36

Hɨn̰ gɨ ungo na ɨran̰ dan̰ hɨnga wɔɔ ga cay gɨsəŋ gaŋ nɔm, ma na mɨnda gusi coŋ na, kɨya andii na wa ga?

Kɔl-gɨ-Ɗari gɨ Lug wal 12:20

Ama Kumu yen̰ bara le ye hɨn̰: “Ba matɨr! A duroy son̰do di labɨde dɨŋ le habedin̰ kɨya duroŋ. Ɨni na, hɨnga nɔm ga ji ba day amɨn̰ gusɨn̰ le kɨya woyɨn̰ na waŋ ga?”»

Kɔl-gɨ-Ɗari gɨ Lug wal 16:21

Ban orɨn̰ dan̰ tabɨlaŋ di dɔɔ kɨyaw woo gɨ da ba-wɔɔ hɨnga gɨ gunguloŋ te tabɨl dɨŋ dugo le, ama gaye ba ɨrga tale ti ɨya di ba ƴee gusi le.

Kɔl-gɨ-Ɗari gɨ Ja̰ wal 1:18

Ungo wo̰, gɨ sol Kumu dan̰ cɨndi unɔ bɨrɨŋ. Ama na Kurɨn̰-Kumu gɨ pɨna hayi kəɗ kəɗ, gɨ som durdi Bay le. Na ban ba lɔɔ gɨ ɗe kalaŋ na sɨlan̰ge Kumu.

Kɔl-gɨ-Ɗari gɨ Ja̰ wal 13:23

Ba-aye-cay-tɨbayi Jesu gɨ pɨna wo̰, gɨ Jesu geyi-tɔgɨ som kɨbɨ dɔɔ gɨŋ kɨwayi.

Kɔl-gɨ-Ɗari gɨ Ja̰ wal 21:20

Pɨyɛr pɨlɨn̰ jɨn̰ kardi bɨ, kɨɗɨn̰ ga ban sol ba-aye-cay-tɨbay Jesu gɨ Jesu geyi tɔgɨ le, ɨrga kardɨge. Na ban gɨ nee le ba naa kɨɗɨn̰ ga somge kɨbɨ dɔɔ gɨŋ lɨnge jɨn̰ kardi bɨrɨŋ ɨsɨbɨ gasɨbi Jesu bɨ, ɨngɨri ye hɨn̰: «Ba-gulɔŋ, ungo gɨ ba kɨya aye can̰ le na waŋ ga le?»

Əbɨro 1:14

Ka-ƴɔbɛ ga daa nii nɔm na turnɔn̰əŋ ƴɔbɨ ga ka-lɔɔ gɨye gɨ da Kumu bɨ, Kumu gɨygɨge ɗe kan na laa gɨye kol cay kalaŋ ga ka-wɔɔ pɔɗɛ bɨ.

Əbɨro 2:14

Hɨn̰ gɨ karɨn̰aŋ na ɨran̰ge dan̰ kuyoŋdi-gusɨge bɨ, dan̰ kɨbar bɨ na, Jesu kalɨn̰ ma bɨle woy na hɨn̰ kan wo̰ bɨ. Lee gɨ ban orɨn̰ dan̰ kuyoŋdi-gusi hɨn̰ koge wo̰ bɨ. Ban lee hɨn̰ wo̰ na ɗe gɨ ay na mondɨn̰ dɔnɔ di da Haban̰ dan̰ gɨyəŋ gɨ da tɨmaydi. Haban̰ le na hɨndi di orɨn̰ dan̰ dɔnɔ di da tɨma kɔbɔ le.

Magtubu di Jag wal 1:11

Kɨya wa tɨwa andaŋ bɨ, man̰edo jɨb pen̰ bɨ, hay hɛɗɨmɛ bɨ, bɨn̰edɨge gunguloŋ sɔg sɔg coŋ bɨ, marɨnadɨge kalɨn̰ ma kaɗɨn̰ coŋ nee bɨ. Ba-wɔɔ hɨnga kalɨn̰ ma, kɨya kaɗɨn̰a duroy gɨye-lɔɔdi gɨŋ na hɨn̰ wo̰ bɨ.

1 Pɨyɛr 2:24

Kɨris dan̰ gusi koyi gaŋ lobɨ ɨsɨna konagɨŋ cayi a cay sɨya-gɨ-dagɨli gɨŋ, ɗe ana na ɗen̰gɨŋ ɨsɨna coŋ yɔd bɨ, leen̰gɨŋ gɨye lɔɔ gɨ da kalaŋ ga dan̰ durɔ ɗɨngar. Kɨŋ way pɔɗɛ na dan̰ gɨyəŋ gɨ da ɨya di ban wayi.

Wasɨn̰a 14:13

Ɨŋ je noy ungo andɨgaŋ gɨɗɨgɨ-Kumu gɨŋ ye hɨn̰: «Wala kɔl gɨ ba kɛ: “Tumoy wolwa woy haw kɛ a cay kalaŋ ga mage a te gɨyəŋ gɨ da Ba-gulɔŋ gɨŋ, ayɨn̰ toy haw kɛ bɨrɨŋ andɨn̰ tumɔ.” Turnɔ di da Kumu dɨbii cay nee ye hɨn̰: “Ho’o, kan kɨya dɔrɛ gɨlale kɨbɨ gɨye koge gɨŋ ɨni bɨ hɨnga ga ni cay kobɨge kobɨ kardɨge bɨ.”»