Kɔl-gɨ-Ɗari gɨ Lug wal 16:11 - Gabri Maja

¹¹ Hɨn̰ gɨ hɨnga wɔɔ ga cay gɨsəŋ gaŋ kɛ le, kɨŋ na aya laan̰ gɨye dan̰ kuduroygɨŋ ga pɨna naŋ na, na waŋ ba kɨya ɓale bogɨgɨŋ hɨnga wɔɔ ga cɨndi le kobɨ gɨŋ ga?

Kɔl-gɨ-Ɗari gɨ Lug wal 16:11 ပူးပေါင်းရင်းမြစ်များ

Matɨyo 6:24

«Ungo pɨna nɛŋ kɨya ɓale daye ka-gulondi sɔɔ lɔɔ gɨye bɨge naŋ. Naŋ le kɨya ƴɔmɛ gɨ pɨna dan̰ kuduroy bɨ, kɨya geye gɨ ɗaŋ bɨ. Naŋ le kɨya saɗe gusi dan̰ gɨ pɨna bɨ, sɔlɛ gɨ ɗaŋ leen̰ hɨnga naŋ bɨ. Kɨŋ-gandi kalɨn̰ ma kɨŋ kɨya ɓale bɨləŋ gɔyɔŋ ga da Kumu bɨ, ga da gursu bɨ sɔɔɗɨmɔŋ naŋ.

Kɔl-gɨ-Ɗari gɨ Lug wal 12:33

Kɨlgɨŋ kandi-wɔɔdɨgɨŋ coŋ, ɗagɨŋ gursudɨge gusɨnan̰gɨŋ ka-n̰age. N̰anagɨŋ magɨla kogɨŋ gɨ ni bogɨn̰ gursu di kɨya mundoŋ naŋ bɨrɨŋ. Dayagɨŋ hɨnga wɔɔdɨgɨŋ a daa nii gusi Kumu. Gursu di nee le, kɨya mundoŋ naŋ bɨ, ka-hase kɨya bugoŋ mɨnde durdi nee naŋ bɨ, yulmu kɨya tale naŋ bɨ.

Kɔl-gɨ-Ɗari gɨ Lug wal 16:12

Bɨ hɨn̰ gɨ hɨnga wɔɔ ga da ungo gɨ ɗaŋ le, kɨŋ na laan̰ gɨye dan̰ kuduroygɨŋ pɨna naŋ na, na waŋ ba kɨya bɨgɨŋ hɨnga wɔɔ ga ojɨ cay gɨŋ ga?

Kɔl-gɨ-Ɗari gɨ Lug wal 16:9

«Ban yege ɗaŋ coŋ ye hɨn̰: “Aŋ yəgɨŋ da waŋ: Kandi-wɔɔ ga dan̰ gɨyəŋdɨge naŋ ga a cay gɨsəŋ gaŋ le, dɨnagɨŋ ƴɨman̰gɨŋ pɔgɨn̰ɛ dan̰ kalaŋ ɗe kɨɗɨn̰ ga hɨnga ga nee le na unɔ kobɨgɨŋ na, Kumu kɨya ƴomgɨŋ gusi duroy ƴaa toyi dɨŋ di woy dan̰ tumɔɔ.”

Kɔl-gɨ-Ɗari gɨ Lug wal 18:22

Kɨɗɨn̰ ga Jesu ba je kɔl gɨ da ungo le hɨn̰ wo̰ na, ban yeyi hɨn̰: «Ji baa lɔɔ hɨnga pɨna ƴee. Saa ɨra kɨle hɨnga kan̰ nɔm coŋ bɨ, aya gursudɨge gusɨnan̰ kan ga wɔɔdɨge unɔ, ɨni na ji kɨya wɔɔ hɨnga wɔɔ a daa nii. Kardi nee ɨni na mɨn̰ ɨre kɨba karɨnɨ.»

Epɛs 3:8

Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.

Magtubu di Jag wal 2:5

Jagɨŋ, karmɨnɨ ga ban̰aŋ dan̰ ga kandɨ ga ɨŋ lee-toygɨŋ! Kumu bɨnde kalaŋ ga kalaŋ solgege leen̰ ka-n̰age a cay gɨsəŋ gaŋ, ɗe na bɨlege ka-wɔɔ, boy hɨnga ga ojɨ cay aye kudurɔ gaŋ bɨ, ɗe na wan̰ge dɔɔ-ƴaa di da Kumu gɨ ban ye gɨ ɗi na kɨya bɨn̰ kalaŋ ga leege wandɨ danayi bɨ.

Wasɨn̰a 3:18

Na toy di hɨn̰ wo̰ ma, ɨŋ gɨlgɨŋ kɔl gɨ kɨŋ ɨre kɨl lɔr di woy kɔbɔŋ di uyge tɨwa dɨŋ agɨŋ bɨlɨn̰ ka-wɔɔ hɨnga. Kɨlgɨŋ badɨge ga bɛrɛ tɨrɨjɨ kɔbɔŋ tɨlan̰gɨŋ gusɨgɨŋ gɨ woy kalɨn̰ ɗe dasi dɨgɨŋ naŋ bɨ. Kɨlgɨŋ gasɨɗe ga ni dɨbe tɨdɨgɨŋ a kɔbɔŋ ɗe tɨdɨgɨŋ solɨn̰ kɨɗɨn̰ arɨn̰ yarara bɨ.