Kɔl-gɨ-Ɗari gɨ Lug wal 15:6 - Gabri Maja

⁶ kɨya jogɨn̰ ɨndi. Bɨ kɨɗɨn̰ ga ban na bugoŋ ɨndi ɨni na, ban kɨya tɔgɛ ka-pogɨn̰ii dan̰ ka-durdi bɨ yoge hɨn̰: “Laagɨŋ gusi-mɔwa danaŋ kɨya wa ɨŋ way dɨmangɨ tɨnge di ba kayaŋ le.”

Kɔl-gɨ-Ɗari gɨ Lug wal 15:6 ပူးပေါင်းရင်းမြစ်များ

Kɔl-gɨ-Ɗari gɨ Lug wal 1:58

Ka-durdo bɨ, kando ga jege gɨ Ba-gulɔŋ na sol cɨn̰-n̰age tɔɔ bɨ le, kan leege gusi-mɔwa dana koldi bɨ.

Kɔl-gɨ-Ɗari gɨ Lug wal 15:10

Aŋ yəgɨŋ daa waŋ, gusi-mɔwa kɨya wɔyɛ a da ka-ƴɔbɛ ga daa nii da Kumu na hɨn̰ wo̰ bɨ, kɨya ba-lɔɔ ɨsɨna pɨna nɛŋ gɨ ba bɨle gɨye-lɔɔdi.»

Kɔl-gɨ-Ɗari gɨ Lug wal 15:24

Kɨya wa kuronɨ gɨ kɨŋ ba solii kɛ le, na ungo gɨ ma, ma ban boy lɨbɨ, ban na ungo gɨ kayaŋ coŋ ma maŋ wayi bɨ.” Bɨ kan ay te lɔɔ gusi-mɔwa.

Kɔl-gɨ-Ɗari gɨ Lug wal 15:5

Bɨ kɨɗɨn̰ ga ban na wayaa ɨni na, gusi kɨya moy bɨ ban kɨya ayoo dɔgɔɔ cay man̰ kobi gɨŋ

Kɔl-gɨ-Ɗari gɨ Lug wal 15:7

Aŋ yəgɨŋ da waŋ, kɨya wɔyɛ na hɨn̰ wo̰ kɨya ba-lɔɔ ɨsɨna pɨna nɛŋ gɨ bɨle gɨye-lɔɔdi ɗɨn̰ kan ga toyge-dɨngɛsɨ-cayge-dɨngɛsɨ ga ɨrɨm gɨ ke na ɨran̰ dan̰ n̰age di bɨle gɨye-lɔɔdɨge naŋ.»

Kɔl-gɨ-Ɗari gɨ Ja̰ wal 15:14

Hɨn̰ gɨ kɨŋ na laa te tumonɨ di ɨŋ ba ay bɨgɨŋ le na, kɨŋ na ka-pogɨn̰ɨnɨ.

Kɔl-gɨ-Ɗari gɨ Ja̰ wal 3:29

A kɨɗɨn̰ gɔrɛ ƴaa gaŋ le, ban gɨ kan bɨgɨgage dan̰ tama bii le, ban ma na kudurɔɔ. Ama ba-pogi ba-ƴɔɔ tama le, ɨre na durdi je dan̰ kɔl koyi bɨ, te tumoyi di ban je le, bii gusi-mɔwa di gumu tɔgɨ. Gusi-mɔwa di nee le na tɨnge bɨ, haw kɛ na gusi-mɔwa tɨnge duroŋ dan̰ durɔ cɨrɛɗ.

Gɨye-lɔɔ 11:23

Kɨɗɨn̰ ga ban say or sɔlɛ ɗarwa di Kumu lee le ɨni na, gusi-moy tɔgɨ bɨ, ban dobɨ bandɨ kuduroyge nɔm, ɗe kan na ɨrɨn̰ cay tɨbayge dɨŋ usa kardi Ba-gulɔŋ bɨ.

Gɨye-lɔɔ 15:3

Ɨni na, Ka-Daye ga a Antɨyɔs bɨge hɨnga ga ni orɨn̰ tɨrga toge le kobɨge. Kan dorge kol bɨle gɨ kalaŋ ga toyge na Jubɨ naŋ, ba bɨlɨn̰ge gɨye-lɔɔdɨge, daa daa gan̰ge cay gɨsəŋ ga Pinisi bɨ, Samari bɨ, orɨn̰ge. Kɔl gɨ nee le bɨn̰ ka-karme nɔm gusi-mɔwa tɔgɨ.

Pilib 1:4

Dan̰ wɔlɛ pɨna pɨna kɨɗɨn̰ ga ɨŋ ol Kumu hɨnge kol caygɨŋ nɔm na, ɨŋ lee na dan̰ gusi-mɔwa.

Pilib 2:17

Ko hɨn̰ gɨ na uja gɨ kɨbarnɨ na gɨ bugoŋ dugo hɨn̰ cɛrɛ di suru gɨ kan beege a cay hɨnga ga ni bogɨn̰ kɨbar hɨn̰ gɨ kɨŋ ba leede wo̰ bɨn̰ Kumu kɨya cay aye kudurɔ kogɨŋ kalɨn̰ ma, mɔŋ bɨ, ɨŋ kɨya lɔɔ gusi-mɔwa danagɨŋ nɔm bɨ.

Pilib 4:1

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ, kɨŋ ga ɨŋ lee-toygɨŋ, tabɨlaŋdi jɔgɛ solgɨŋ ləŋ tɔgɨ. Kɨŋ ga ɨŋ lee-toygɨŋ, kɨŋ na gusi-mɔwa tɨnge bɨ, jagɨwa tɨrɨmbala kange bɨ, ɨrgɨŋ usa hɨn̰ wo̰ le kɔ a te bugoŋ pɨna gɨŋ dan̰ Ba-gulɔŋ.

1 Tesalonigɨ 2:19

Na cɨndi, wɔlɛ gɨ Ba-gulondɨni Jesu-Kɨris kɨya caga le, hɨnga kani ga ni bee ɨrɨmedɨni cay nee, wala gusi-mɔwa toni, wala jagɨwa ga ni tɨrɨmbala kani le, na ga ani ga? Na kɨŋ-gandi naŋ ga?

1 Pɨyɛr 2:10

Tumɔ kɨŋ na te kalaŋ ga da Kumu naŋ, ama haw kɛ kɨŋ na te kalaŋ kayi. Tumɔ le Kumu sɨla cɨn̰-n̰age togɨŋ naŋ, ama haw kɛ ban sol cɨn̰-n̰age togɨŋ.

1 Pɨyɛr 2:25

Kɨya wa tumɔ kɨŋ woy na hɨn̰ gamge ga kayaŋ wo̰, ama haw kɛ kɨŋ jɨga gusi ba-abɨgɨŋ bɨ, ba-sɔlɛ kardɨgɨŋ bɨ.