Kɔl-gɨ-Ɗari gɨ Lug wal 15:24 - Gabri Maja

²⁴ Kɨya wa kuronɨ gɨ kɨŋ ba solii kɛ le, na ungo gɨ ma, ma ban boy lɨbɨ, ban na ungo gɨ kayaŋ coŋ ma maŋ wayi bɨ.” Bɨ kan ay te lɔɔ gusi-mɔwa.

Kɔl-gɨ-Ɗari gɨ Lug wal 15:24 ပူးပေါင်းရင်းမြစ်များ

Matɨyo 8:22

Jesu jɨga dɨbii cay nee yey hɨn̰: «Kɨba karɨnɨ, bɨ ɗa kalaŋ ga woyge hɨn̰ kalaŋ ga madɨrdaŋ wo̰ tumoy Kumu le, ɗe ɨmɨgege tɨma toge.»

Marg 8:22

Kan bugoŋge a cay ƴaa-di-gumu di Bɛtsayda ɨni na, ɨrgan̰ge dan̰ ba-bɨbe gɨ pɨna wo̰ gusi Jesu bɨ, oliige gɨ ban na ɨsɨbii.

Kɔl-gɨ-Ɗari gɨ Lug wal 10:19

Sɨlagɨŋ! Ɨŋ bɨgɨŋ dan̰ dɔnɔ di ni ɗɔdɨrɨn̰ cay kari dan̰ ɗɨsɨni dugo bɨ, ɨŋ bɨgɨŋ dan̰ dɔnɔ di ni ɗorin̰ cay ɗe-baadɨgɨŋ Sidan dugo bɨ. Hɨnga pɨna ga ɨsɨni ga kɨya loogɨŋ unɔ bɨ.

Kɔl-gɨ-Ɗari gɨ Lug wal 15:23

Ɨren̰gɨŋ dan̰ kurɨn̰ si gɨ ɨn ɗɔb ɗɔb le dɨɗiigɨŋ ana dɨgɨŋ leen̰ gusi-mɔwa.

Kɔl-gɨ-Ɗari gɨ Lug wal 15:25

«A boy tɨwadi di nee dɨŋ le, kurondi gɨ esi baa a duroy yage gɨŋ ƴee. Kɨɗɨn̰ ga ban jɨga bugoŋ mɨnde dan̰ ƴaa ɨni na, ban je noy dɨɗe dan̰ sɔ gɨ ni gusi-mɔwa.

Kɔl-gɨ-Ɗari gɨ Lug wal 15:32

Ama ojɨ gɨ na ləgɨŋ dɔɔ ten̰gɨŋ pɨre bɨ, leen̰gɨŋ gusi-mɔwa bɨ, kɨya wa kurdɨn̰ gɨ ba kɛ le, ban na ungo gɨ ma, ma ban boy lɨbɨ bɨ, ban na ungo gɨ kayaŋ, ma maŋ wayi bɨ.”»

Kɔl-gɨ-Ɗari gɨ Lug wal 15:4

«Na waŋ duroygɨŋ, ma na ɨran̰ dan̰ gamge aru ma di pɨna na kayaŋ, ma kɨya ɗɔɔ kan ga toyge dɨngɛsɨ cayge dɨngɛsɨ duroy dal dɨŋ coŋ bɨ, kɨya ɔrɛ male hɨndi di kayaŋ le bɨrɨŋ wayoo naŋ ga?

Kɔl-gɨ-Ɗari gɨ Lug wal 19:10

Kɨya wa ɨŋ-bandi Kurɨn̰-ungo le, ɨŋ ɨrga na kɨya male bɨ, ɨrgan̰ dan̰ kan ga kayaŋ bɨ, a boy pɔɗɛ gɨŋ.»

Kɔl-gɨ-Ɗari gɨ Lug wal 9:60

Jesu jɨga dɨbii cay nee hɨn̰: «Ɗa kalaŋ ga woyge hɨn̰ kalaŋ ga madɨrdaŋ wo̰ tumoy Kumu le, ɗe ɨmgege tɨma toge. Ama ji bandi na, ji ɨra tɔgɛ bɛrnɛ Kɔl-gɨ-Ɗari gɨ da dɔɔ-ƴaa di da Kumu bɨn̰ kalaŋ.»

Kɔl-gɨ-Ɗari gɨ Ja̰ wal 11:25

Jesu yoo hɨn̰: «Ɨŋ na bɔyɛ lɨbe gɨ da kalaŋ bɨ, ɨŋ na sɔmɛ-bɨra gɨ dan̰ cɨndi bɨ. Ungo gɨ na bɨga kuduroy canɨ na, ban na mara na mare kalɨn̰ ma, ban kɨya sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 5:21

Hɨn̰ gɨ kɨye bayi boy kalaŋ ga madɨrdaŋ lɨbge bɨ, lee gɨ kan somin̰ge-bɨra bɨ le, na hɨn̰ wo̰ ma, Kurɔŋ kalɨn̰ ma lee gɨ ɗe kan ga kuduroyi geyge le, na sɨman̰ge-bɨra bɨ.

Magtubu di Pol wal bɨn̰ kalaŋ ga Rɔm 11:15

Hɨn̰ gɨ cɔrɛ gɨ Kumu ba cor Jubɨn̰əŋ ɗege sɛdɨ le, na laa ɗe gɨ kalaŋ ga a cay gɨsəŋ gaŋ na bugoŋge pɨna dan̰ Kumu na, kɛ wɔlɛ gɨ Kumu na jɨga ƴɨmage gusi ɗaŋ coŋ na gɨ bɨle wɔyɛ na mɨna mɨna coŋ ga? Kalaŋ ga mage kɨya bɔyɛge lɨbe!

Magtubu di Pol wal bɨn̰ kalaŋ ga Rɔm 12:15

Laagɨŋ gusi-mɔwa dan̰ kalaŋ ga leege gusi-mɔwa bɨ, ɨlgɨŋ dan̰ kalaŋ ga ɨlege bɨ.

Magtubu di Pol wal bɨn̰ kalaŋ ga Rɔm 6:11

Na toy di hɨn̰ wo̰ ma, kɨŋ-gandi kalɨn̰ ma sɨlagɨŋ gɨ kɨŋ ma ɨni bɨ, kɨŋ dor gusɨgɨŋ a te dɔnɔ di da ɨsɨna gɨŋ coŋ ɨni bɨ, kɨŋ som-bɨra leen̰ hɨnga nɔm kɨya cay Kumu te bugoŋ pɨna dan̰ Jesu-Kɨris bɨ.

Magtubu di Pol wal bɨn̰ kalaŋ ga Rɔm 6:13

Ɗɔɔ gɨ kɨŋ aye kɨway kuyoŋdi-gusɨgɨŋ leen̰ ɨsɨna, hɨn̰ gɨ kɨway gusɨgɨŋ le naa hɨnga ga ni leen̰ gɨye gɨ dan̰ durɔ ɗɨngar naŋ, wo̰ naŋ. Ama kɨŋ aya gusɨgɨŋ bɨn̰ Kumu yɔd hɨn̰ kalaŋ ga mage ma boyge lɨbɨ wo̰ bɨ, ayagɨŋ gusɨgɨŋ nɔm dɨbɨ coŋ kɨbɨ gɨye koyi gɨŋ hɨn̰ gɨ kɨŋ naa hɨnga ga ni leen̰ gɨye ga da hɨnga ga dan̰ durɔ ɗɨngar wo̰ bɨ.

Magtubu di Pol wal bɨn̰ kalaŋ ga Rɔm 8:2

Na cɨndi, dɔnɔ di da Turnɔ di da Kumu di ba bəŋ sɔmɛ-bɨra a te bugoŋ pɨna dan̰ Jesu-Kɨris le, dɔrɔŋ coŋ a te dɔnɔ di da ɨsɨna gɨŋ bɨ, tɨma dɨŋ bɨ.

1 Korɛ̰t 12:26

Hɨn̰ gɨ kɨway gusɨna gɨ pɨna na gɨl-cɨn̰ na te kɨway gusɨna nɔm gɨlge-cɨn̰ pɨna danayi bɨ. Hɨn̰ gɨ kɨway gusɨna gɨ pɨna na wa hɨrame na te kɨway gusɨna ga ba nɔm leege gusi-mɔwa pɨna danayi bɨ.

Epɛs 2:1

Jɨne, kɨŋ woy na hɨn̰ kalaŋ ga madɨrdaŋ kɨya cay hɨnga ga dan̰ gɨyəŋdɨge naŋ ga kɨŋ lee bɨ, kɨya cay ɨsɨna gɨ kɨŋ lee le bɨ. Ama haw kɛ na Kumu bɨgɨŋ sɔmɛ-bɨra.

Epɛs 2:5

Na toy di hɨn̰ wo̰ na-gandi ga na woy hɨn̰ kalaŋ ga madɨrdaŋ coŋ kɨya cay hɨnga ga dan̰ gɨyəŋdɨge naŋ ga na lee le, ban bɨna sɔmɛ-bɨra gɨ hɨrɨwa te bugoŋ gɨ na bugoŋ pɨna dan̰ Kɨris. Ho’o, na dan̰ gɨyəŋ gɨ da ɗarwa di da Kumu ƴɔbɨ ma magɨŋ poɗɨn̰.

Epɛs 5:14

Kɨya wa hɨnga nɔm ga ungo sɨɗɨgɨ toyge daa le, kɨya bɨləŋ na kɨɗɨn̰ ga asɨn̰. Na toy di hɨn̰ wo̰ ma kan yege hɨn̰: «Sa cay kuŋ gaŋ, ji ba wɔyɛ kuŋ le, Sa daa duroy kalaŋ ga madɨrdaŋ gaŋ, Ɨni na, Kɨris kɨya asɨn̰e can̰.»

Kɔlɔs 2:13

Kɨŋ ga tumɔ kɨŋ madɨrdaŋ kol gɨye-lɔɔdɨgɨŋ gɨ ɨra dan̰ gɨyəŋdi naŋ bɨ, kol wale gɨ walagɨŋge ban̰a naŋ bɨ le, Kumu lee gɨ kɨŋ jɨga som-bɨra dan̰ Kɨris. Ban ɗe kuduroy jal a cay gɨye-lɔɔdɨgɨŋ gɨ ɨra dan̰ gɨyəŋdi naŋ nɔm.

1 Timote 5:6

Ama tama di kudurɔ ma di ɗe-gɨre kardi mɔwa le, naa gɨ hɨndi na sɨma naa bɨra ƴee kalɨn̰ ma, hɨndi na di mari.

Magtubu di Jud wal 1:12

Kɨɗɨn̰ ga kɨŋ day caygɨŋ kɨya dɔɔ gɨ da ka-karme na, kalaŋ ga nee le diidege bɨ, siidege bɨ, dɨle doon̰ dasi. Kan gɨlɨn̰ na hɨn̰ gundo gɨ ba dɔgɛ tɨbay ungo nayi wo̰ bɨ. Kan gɨlɨn̰ na hɨn̰ gɨrɨmbale ga kal gɨ gumu dorge narge ɔngɛ wo̰ bɨ. Kan gɨlɨn̰ na hɨn̰ hayaŋ ga wɔɔdɨge unɔ cayge bɨrɨŋ wo̰ bɨ, ga turoŋ dan̰ toyge daa bɨ, mage yɔd coŋ bɨ.

Wasɨn̰a 3:1

Ungo gɨ ɨŋ ba solii le ye ɗaŋ coŋ ye hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Sardɨ. «Ban gɨ Turnɔ di da Kumu ga jurgum bɨ, dɛsɨɗɛŋ ga jurgum bɨ woyge kobi le ye hɨn̰: Ɨŋ sol gɨye-lɔɔdɨn̰. Gusoŋ gɨ ni sɔmɛ-bɨra ba yɔɔ can̰ kalɨn̰ wo̰, ama leen̰ cɨndi na ji woy gɨlɨn̰ na hɨn̰ ungo gɨ ma wo̰ ɨni.