Kɔl-gɨ-Ɗari gɨ Lug wal 15:1 - Gabri Maja

¹ Ɨni na, ka-hɔgɛ lambo dan̰ ka-lɔɔ ɨsɨna nɔm ɨrgage gusi Jesu kɨya togɨyiige.

Kɔl-gɨ-Ɗari gɨ Lug wal 15:1 ပူးပေါင်းရင်းမြစ်များ

Matɨyo 5:46

Hɨn̰ gɨ kɨŋ na gey naa kalaŋ ga ka-geygɨŋge jaŋ ƴɔbɨ na, cay kobɨgɨŋ gɨ kɨŋ ba kɨya wɔɔ le na wa ga? Ka-hɔgɛ lambo ga ɨsɨndəŋ kalɨn̰ ma, geyge na kalaŋ ga geyge bɨ, naŋ ga?

Kɔl-gɨ-Ɗari gɨ Lug wal 13:30

Ɨni na, kalaŋ ga pɨna ga karu kɨya bɨlege wɔyɛge kalaŋ ga tumɔ bɨ, kalaŋ ga pɨna ga tumɔ, kɨya bɨlege wɔyɛge kalaŋ ga karu bɨ.»

Kɔl-gɨ-Ɗari gɨ Lug wal 7:29

«Kalaŋ nɔm dan̰ ka-hɔgɛ lambo ga ba ɨrege nee jege kɔl gɨ da Ja̰ le, solge Kumu leen̰ ungo gɨ dan̰ durɔ. Na hɨn̰ wo̰ ma kan ɗege Ja̰ leege batɛm.

Magtubu di Pol wal bɨn̰ kalaŋ ga Rɔm 5:20

Gasɨn̰-kɔl gɨ da Moyis andaŋ na ɗe gɨ dɔnɔ di da lɔɔ hɨnga ga dan̰ gɨyəŋdɨge naŋ na gɨlɨn̰ gusɨge jɨn̰ tumɔ tumɔ. Ama a boy kɨɗɨn̰ ga ɨsɨna teen̰ gusi nee le, ɗarwa di da Kumu kalɨn̰ ma te guso nee cɨla coŋ na hɨn̰ wo̰ bɨ.

1 Timote 1:15

Kɔl gɨ kɛ le, na kɔl gɨ cɨndi gɨ ojɨ gɨ ungo na bɨga kuduroy cay nee bɨ, na kɔl gɨ ɓal gɨ kalaŋ nɔm na ƴage mɨlaŋ bɨ: Jesu-Kɨris ɨrga a cay gɨsəŋ gaŋ na kɨya pɔɗɛ ka-lɔɔ ɨsɨna. Ama ɨsɨna hɨnge ɗɨn̰ ɨsɨna gɨ da ka-lɔɔ ɨsɨna nɔm.