Kɔl-gɨ-Ɗari gɨ Lug wal 14:26 - Gabri Maja

²⁶ «Hɨn̰ gɨ ungo na gey ɨrga gusɨnɨ ma na gey bayi dan̰ ƴoyi bɨ, tamdi dan̰ karɨndi bɨ, karmii ga ban̰aŋ dan̰ ga kandɨ bɨ, gusi koyi gaŋ bɨ ɗəŋ coŋ na, kɨya ɓale bɨle ba-aye-cay-tɨbanɨ naŋ.

Kɔl-gɨ-Ɗari gɨ Lug wal 14:26 ပူးပေါင်းရင်းမြစ်များ

Matɨyo 10:37

«Waŋ waŋ gɨ na gey bayi bɨ, ƴoyi bɨ cɨla ɗəŋ ɨŋ-bandi coŋ na, kɨya ɓale bɨləŋ ba-aye-cay-tɨbanɨ naŋ bɨ. Waŋ waŋ gɨ na gey kurondi bɨ, turmoyi bɨ cɨla ɗəŋ na, kɨya ɓale bɨləŋ ba-aye-cay-tɨbanɨ naŋ bɨ.

Kɔl-gɨ-Ɗari gɨ Lug wal 14:20

Ban gɨ cay sɨbɨdɨge ye hɨn̰: “Ni gandi dan̰ tamnɨ ni ƴee gusɨni na hɨrɨwa ƴee, na ban ma ɨŋ kɨya ɓale ɔrɛ naŋ.”

Kɔl-gɨ-Ɗari gɨ Lug wal 14:25

Dɨmdɨrdi kalaŋ ƴomge gɨyəŋ dan̰ Jesu. Bɨ Ban pɨlɨn̰ bɨ yege hɨn̰:

Kɔl-gɨ-Ɗari gɨ Ja̰ wal 12:25

Waŋ waŋ gɨ na gey pɔɗɛ gusi na, kɨya mɔndɛ gusi coŋ. Ama waŋ waŋ gɨ na sɨla gusi laan̰ hɨnga naŋ a cay gɨsəŋ gaŋ kɛ na, kɨya game gusi somɨn̰-bɨra dan̰ cɨndi.

Gɨye-lɔɔ 20:24

Ama ɨŋ sɨla sɔmɛ-bɨra hɨnge laan̰ hɨnga cɨnɨ naŋ. Hɨnga ga ɨŋ ba mal na, na gɨ ɨŋ na ɨr usa cay tɨbanɨ dɨŋ bɨ, dɨɗɨn̰ kɨbɨ gɨye gɨ Ba-gulɔŋ Jesu ba bəŋ le dan̰ ɗarway bɨ. Ban ma na lɔɔ tɨmon̰ tɨnge di ojɨ cay Kɔl-gɨ-Ɗari gɨ ojɨ cay ɗarwa di da Kumu le.

Magtubu di Pol wal bɨn̰ kalaŋ ga Rɔm 9:13

Magtubu di da Kumu kalɨn̰ ma ye coŋ gɨ Kumu na ye hɨn̰: «Ɨŋ gey Jagob, ama ɨŋ kan̰ Ejawi coŋ.»

Pilib 3:8

Ho’o, ɗɨn̰ gɨ nee le na, sɔlɛ Jesu-Kɨris Ba-gulonɨ say kuɗa ɗɨn̰ hɨnga nɔm bɨ, ɨŋ sol hɨnga ga ɗaŋ leen̰ hɨnga ga kalɨn̰ wo̰ dugo bɨ. Kɨya cay Kɨris na, ɨŋ ɗe hɨnga nɔm ga ɨŋ orɨn̰ coŋ. Hɨnga ga tumɔ na ga ɗari cɨnɨ le, ɨŋ solge leen̰ hɨnga ga mɨdagi ɗe aŋ na wan̰ hɨnga ga ɗari ga gumu. Hɨnga ga nee le na bugoŋ pɨna dan̰ Kɨris.

Wasɨn̰a 12:11

Ama karmiinagɨŋ, Ga ban̰aŋ dan̰ ga kandɨ le, Boyge kɨmbɨl na dan̰ gɨyəŋ, Gɨ da kɨbardi kurɨn̰-dɨmangɨ bɨ Na dan̰ gɨyəŋ gɨ da kɔl, Gɨ kan leen̰ge tɨmon̰ bɨ. Kan geyge Ba-gulondɨge tɔgɨ, Ɗɨn̰ kuyoŋdi-gusɨge Lee gɨ hɨndaran̰ge tɨma naŋ bɨrɨŋ.