Kɔl-gɨ-Ɗari gɨ Lug wal 13:24 - Gabri Maja

²⁴ «Ko na wa wa kalɨn̰ ma laagɨŋ agɨŋ andɨn̰ dan̰ kɨbɨ gɨyəŋ gɨ sɛlgɛgɛ. Aŋ yəgɨŋ daa waŋ, kondɨwadi kalaŋ kɨya malege gɨyəŋ age na andɨn̰ nee ama kɨya ɓalege naŋ.

Kɔl-gɨ-Ɗari gɨ Lug wal 13:24 ပူးပေါင်းရင်းမြစ်များ

Matɨyo 11:12

An̰ toy a boy wɔlɛ gɨ Ja̰ ba-lɔɔ batɛm teen̰ bɛrnɛ gɨŋ bɨrɨŋ andɨn̰ haw kɛ le, kalaŋ ɨre gɨlalge dɔɔ-ƴaa di daa nii bɨ, kalaŋ bɔɗɔɔge na dan̰ dɔnɔ bɨ.

Kɔl-gɨ-Ɗari gɨ Lug wal 13:23

Ungo gɨ pɨna wo̰ ɨngɨrii ye hɨn̰: «Ba-gulɔŋ, na kalaŋ lam wo̰ ƴɔbɨ ba kɨya wɔɔge pɔɗɛ le ga?» Jesu dɨbii cay nee yeyi hɨn̰:

Kɔl-gɨ-Ɗari gɨ Lug wal 21:36

Sɨmagɨŋ cay tɨbay gɨŋ dɨŋ bɨ, ulan̰gɨŋ Kumu daa daa ɗe ban bɨgɨŋ tɔgɨ agɨŋ mɨn̰ɨn̰ cay hɨnga nɔm ga ba kɨya andaŋ caygɨŋ bɨ, agɨŋ ɨrɨn̰ daa tumonɨ ɨŋ-bandi Kurɨn̰-ungo bɨ.»

Kɔl-gɨ-Ɗari gɨ Ja̰ wal 13:33

Ay! Karɨnɨ kange, ɨŋ kɨya sɔmɛ danagɨŋ karɨnɨ sɨngɨɗɨwa naŋ. Kɨŋ kɨya malaŋ bɨ, ama hɨn̰ gɨ ɨŋ ba yen̰ Jubɨn̰əŋ tumɔ ye hɨn̰: «Kan kɨya ɓalege dɨbege tɨbayge a kɨɗɨn̰ ga ɨŋ ba kɨya orɨn̰ nee gaŋ naŋ le, na ban ma maŋ yəgɨŋ haw kɛ bɨ.

Kɔl-gɨ-Ɗari gɨ Ja̰ wal 5:4

Kɨya wa ba-ƴɔbɛ gɨ daa nii gɨ da Ba-gulɔŋ kɨya jɨrbe boy kaŋ ga boy umboŋ gɨ kan gaɗɨge been̰ge kaŋ ga ni pɨlɨn̰ nee le, dɔrɛ kaŋ le daa gɨmɨsɨ gɨmɨsɨ. Ɨni na, ba-hɔmɨn̰ɛ gɨ na gɨsɨn tumɔ, kɨɗɨn̰ ga kaŋ ba duroŋ da gɨmɨsɨ gɨmɨsɨ na, hɔmɨn̰ɛ koyi naa gɨ mɨna mɨna kalɨn̰ ma, kɨya duroŋ cayi coŋ.]

Kɔl-gɨ-Ɗari gɨ Ja̰ wal 6:27

Kɨŋ ɗɔɔ ba lɔɔ gɨye kɨya hɨnga ga ni dɔɔ ga kɨya mundoŋ ƴɔbɨ naŋ. Ama kɨŋ laa gɨye kɨya hɨnga ga ni dɔɔ ga kɨya wɔyɛ kɨya cay sɔmɛ-bɨra gɨ dan̰ cɨndi. Hɨnga ga ni dɔɔ ga nee le, ɨŋ-bandi Kurɨn̰-ungo le ba kɨya bɨgɨŋ, kɨya wa na ɨŋ-bandi ma, Kɨye bayi gɨ na Kumu gɨl doŋ gɨ naa ɗi-bandi na ba gɨygi leen̰ cɨndi le.»

Kɔl-gɨ-Ɗari gɨ Ja̰ wal 7:34

Kɨŋ kɨya malaŋ, ama kɨŋ kɨya wayaŋ naŋ. Kɨya wa kɨŋ kɨya ɓale bugoŋ a kɨɗɨn̰ ga ɨŋ kɨya somɨn̰ nee le naŋ.»

Kɔl-gɨ-Ɗari gɨ Ja̰ wal 8:21

Jesu yege ɗaŋ coŋ hɨn̰: «Ɨŋ kɨya ɔrɛ bɨ, kɨŋ kɨya malaŋ. Ama kɨŋ kɨya mare boy ɨsɨna kogɨŋ nɔm. Kɨɗɨn̰ ga ɨŋ ba or jɨn̰ nee le, kɨŋ ɓala bugoŋ nee naŋ.»

Magtubu di Pol wal bɨn̰ kalaŋ ga Rɔm 10:3

Na cɨndi, kan sɨlage gɨyəŋ gɨ Kumu bɨlɨn̰ kalaŋ leen̰ ga dan̰ durɔ ɗɨngar le naŋ, lee gɨ kan gey bɨle kalaŋ ga dan̰ durɔ ɗɨngar dan̰ gɨyəŋ koge gɨ kan ojɨ. Na hɨn̰ wo̰ ma, kan kan̰ɨn̰ge an̰ɨn̰ gɨyəŋ gɨ Kumu haŋgɨ kɨya bɨlɨn̰ kalaŋ leen̰ ga dan̰ durɔ ɗɨngar le.

Kɔlɔs 1:29

Na toy di hɨn̰ wo̰ ma, ɨŋ lee gɨye gɨlalɨn̰ kɔɗ kɔɗ bɨ, worɨn̰ɨn̰ dan̰ gɨyəŋ gɨ da tɔgɨ da Kɨris di lee gɨye gusɨnɨ dan̰ dɔnɔ bɨ.

Əbɨro 4:11

Naa hɨn̰ wo̰ na, kuɗa gɨ ana ongulgɨŋ gusɨnagɨŋ daa andɨn̰ a kɨɗɨn̰ dɔrɛ gɨlale ga nee gaŋ le. Laanagɨŋ ɗe gɨ ungo pɨna duroyna kayaŋ kɨya cay lɔɔ te tumɔ naŋ, hɨn̰ gɨ da mon̰iinagɨŋ wo̰ naŋ.

2 Pɨyɛr 1:10

Karmɨnɨ ga ban̰aŋ dan̰ ga kandɨ, na toy di hɨn̰ wo̰ ma, kuɗa gɨ kɨŋ ƴɨma togɨygɨŋ daa ɗe ɗɨn̰ di tumɔ coŋ agɨŋ ɨrɨn̰ osu a te tɔgɛ gɨ Kumu təgɨŋ le bɨ, dɔrɛ gɨ Kumu dorgɨŋ le bɨ. Kɨya wa hɨn̰ gɨ kɨŋ na laa hɨn̰ wo̰ na, kɨŋ kɨya bɔɔ a boy hɨnga ga ɨsɨni gaŋ naŋ bɨrɨŋ.