Kɔl-gɨ-Ɗari gɨ Lug wal 13:16 - Gabri Maja

¹⁶ Tama di nee le kalɨn̰ ma na kungay Abɨraham bɨ, sɨla ɓal ɨlge mɔjɨ-cay-margɨm, gɨ sidan saɗoo dan̰ hɔmɨn̰ɛ gɨ nee le. Ma kɛ, na mɨna ma uja gɨ ɨŋ gɨ pɨndɨroo daa dan̰ wɔlɛ gɨ ni dorɨn̰ gɨlale gɨ da Jubɨn̰əŋ naŋ ga?»

Kɔl-gɨ-Ɗari gɨ Lug wal 13:16 ပူးပေါင်းရင်းမြစ်များ

Matɨyo 4:10

Ɨni na, Jesu jɨga yoo hɨn̰: «Sa coŋ, Sidan! Kɨya wa magtubu gasɨn̰-kɔl gɨ da Kumu ye hɨn̰: “Na Ba-gulɔŋ Kumu pɨna hayi kəɗ kəɗ ma mɨn̰ kɨya n̰ɨrii bɨ, lɔɔ gɨye bii bɨ.”»

Marg 2:27

Jesu jɨga dɨbɨge cay nee coŋ yege hɨn̰: «Kumu lee wɔlɛ gɨ ni dorɨn̰ gɨlale gɨ da Jubɨ ojɨn̰ na cay ungo, ama ban laa ungo ujan̰ na cay wɔlɛ gɨ ni dorɨn̰ gɨlale gɨ da Jubɨ naŋ.

Kɔl-gɨ-Ɗari gɨ Lug wal 16:24

Ɨni na, ban dor noy daa ye hɨn̰: “Banɨ Abɨraham, kɔgɨɗɔ sɨla cɨn̰-n̰age tɨnge bɨ gɨy Lajar ɗe dobɨ tɨbɨneyi duroy kaŋ gaŋ ɨrgan̰ jalɨn̰ kɨlənɨ, kɨya gɨ ɨŋ way mɨrɨn̰tɨn̰i a duroy tɨwa dɨŋ.”

Kɔl-gɨ-Ɗari gɨ Lug wal 19:9

Jesu jɨga dɨbii cay nee yeyi hɨn̰: «Labɨde pɔɗɛ andaŋ a duroy ƴaa gɨ kɛ le, kɨya wa ji kalɨn̰ ma ji na kungay Abɨraham bɨ.

Kɔl-gɨ-Ɗari gɨ Lug wal 3:8

Laagɨŋ gɨye gɨ gɨl gɨ kɨŋ na bɨle gɨye-lɔɔdɨgɨŋ leen̰ cɨndi. Bɨ kɨŋ ɗɔɔ ba sɔmɛ gɨ ni yɔ hɨn̰: “Abɨraham na mon̰dɨni” ƴɔbɨ naŋ. Ɗe aŋ yəgɨŋ daa waŋ, Kumu na gey naga na, ban kɨya ɓale bɨle orun̰əŋ ga kɛ le, loon̰ karɨn̰aŋ bɨn̰ Abɨraham!

Kɔl-gɨ-Ɗari gɨ Ja̰ wal 8:44

Baygɨŋ na Haban̰ bɨ, kɨŋ gey lɔɔ na hɨnga ga kuduroy baygɨŋ gey le bɨ. Ayɨn̰ toy gɨ Kumu ɗen̰ cay gɨsəŋ le, Haban̰ na ba dɨɗe kɨɗɨn̰. Dɨlay dan̰ kɔl gɨ cɨndi naŋ. Kɨya wa kɔl gɨ cɨndi unɔ gusi. Kɨɗɨn̰ ga ban ye kɔl gɨ ni poyi na, ban ye na kɔl gɨ ojɨ cayi toyi. Kɨya wa ban na ba-poyi bɨ, poy baa bɨ.

Gɨye-lɔɔ 13:26

«Karmɨnɨ, kɨŋ kongɨn̰ɨn̰ Abɨraham bɨ, kɨŋ ga kɨŋ hɨndar Kumu bɨ le, kɔl gɨ ni pɔɗɛ gɨ kɛ le, Kumu gɨygɨn̰ bɨnagɨŋ na na-gandi.

2 Timote 2:26

Kɨɗɨn̰ ga nee le, cɨndɨge kɨya hangaŋ, lɔɔ gɨ kan kɨya dɔrɛ gusɨge coŋ a boy boy da Haban̰ di ƴomge, di kan leen̰ge hɨnga ga kuduroyge gey le.