Kɔl-gɨ-Ɗari gɨ Lug wal 12:9 - Gabri Maja

⁹ Ama waŋ waŋ gɨ na ya naji tumoy kalaŋ gɨ ɗi na sɨlaŋ naŋ na, ɨŋ-bandi kurɨn̰ ungo kalɨn̰ ma, maŋ kɨya yɔ tumoy ka-ƴɔbɛ ga da Kumu gɨ ɨŋ na sɨlayi naŋ bɨ.

Kɔl-gɨ-Ɗari gɨ Lug wal 12:9 ပူးပေါင်းရင်းမြစ်များ

Matɨyo 10:33

Ama waŋ waŋ gɨ na man̰a kɨbi tumoy kalaŋ gɨ ɗi na sɨlaŋ naŋ na, ɨŋ-bandi kalɨn̰ ma, ɨŋ kɨya man̰e kɨbɨnɨ tumoy Banɨ gɨ som a daa nii gɨ ɨŋ na sɨlayi naŋ bɨ.

Matɨyo 25:12

Ama ban dɨbɨge cay nee yege hɨn̰: “Aŋ yəgɨŋ daa waŋ na cɨndi: Ɨŋ sɨlagɨŋ naŋ.”

Matɨyo 25:31

«Kurɨn̰-ungo le kɨɗɨn̰ ga ban kɨya ɨrga duroy gusoŋ-tɔgɛ koyi gɨŋ dan̰ ka-ƴɔbɛ ga daa nɔm na, ban kɨya sɔmɛ cay kali-tɨrɨmbala toyi dɨŋ.

Matɨyo 25:41

«Kardi nee ɨni na, kɨlma yen̰ kan ga a cay kobi gɨ masa gɨŋ le, yege hɨn̰: “Kɨŋ ga Kumu ɓɨsɨgɨŋ le sagɨŋ gusɨnɨ coŋ. Ɨragɨŋ boy tɨwa di woy dan̰ cɨndo dɨŋ di ƴomge cay tɨbaa kɨya cay Haban̰ bɨ, ka-ƴɔbɛ kaa bɨ.

Matɨyo 7:23

Ɨni na, ɨŋ kɨya yoge daa waŋ hɨn̰: «“Ɨŋ sɨlagɨŋ naŋ bɨrɨŋ, ɨragɨŋ walaŋ sɛdɨ kɨbɨnɨ coŋ, kɨŋ ga ka-lɔɔ ɨsɨna!”

Marg 8:38

Hɨn̰ gɨ ungo na da dasi kol canɨ kɨɗɨn̰ ga kan na tɨga gusonɨ bɨ, kɨɗɨn̰ ga kan na dɨra kɔl hɨnge duroy te kalaŋ ga a boy ɨlge gɨ na ba somɨn̰ nee gɨŋ kɛ, ga na ka-yɔyɛ kandɨ wala ban̰aŋ da kamdɨge bɨ, ka-lɔɔ ɨsɨna bɨ na, ɨŋ-bandi Kurɨn̰-ungo le kalɨn̰ ma ɨŋ kɨya dɔɔ dasi kol cayi kɨɗɨn̰ ga ɨŋ kɨya ɨrga dan̰ asɨn̰a di da Banɨ bɨ, dan̰ ka-ƴɔbɛ ga daa nii ga woyge dan̰ cɨndɨge bɨ.»

Kɔl-gɨ-Ɗari gɨ Lug wal 15:10

Aŋ yəgɨŋ daa waŋ, gusi-mɔwa kɨya wɔyɛ a da ka-ƴɔbɛ ga daa nii da Kumu na hɨn̰ wo̰ bɨ, kɨya ba-lɔɔ ɨsɨna pɨna nɛŋ gɨ ba bɨle gɨye-lɔɔdi.»

Kɔl-gɨ-Ɗari gɨ Lug wal 22:57

Ama Pɨyɛr man̰ kɨbi ye hɨn̰: «Cə, tama, ɨŋ sɨlayi naŋ.»

Kɔl-gɨ-Ɗari gɨ Lug wal 9:26

Hɨn̰ gɨ ungo na daa dasi, kɨɗɨn̰ ga kan na tɨga gusoŋnɨ bɨ kɨɗɨn̰ ga kan na dɨra kɔl hɨnge bɨ na, ɨŋ-bandi Kurɨn̰-ungo le, ɨŋ kɨya dɔɔ dasi kol cayi kɨɗɨn̰ ga ɨŋ kɨya ɨrga dan̰ asɨn̰a tɨnge bɨ, dan̰ asɨn̰a da Banɨ bɨ, dan̰ asɨn̰a da ka-ƴɔbɛ ga daa nii ga woyge dan̰ cɨndɨge bɨ.

2 Timote 2:12

Hɨn̰ gɨ nana ƴɨmagɨŋ usa na, Na kɨya dɔɔ-ƴaa danayi bɨ. Hɨn̰ gɨ nana man̰agɨŋ cay kɨbɨnagɨŋ, Gɨ na na sɨlayigɨŋ naŋ na, Ban kalɨn̰ ma kɨya man̰e cay kɨbi, Gɨ ɗi na sɨlanagɨŋ naŋ bɨ.

1 Ja̰ 2:23

Waŋ waŋ gɨ na man̰a kɨbi yan̰ gɨ Jesu naa Kurɨn̰-Kumu naŋ na, ungo gɨ nee le, Kumu na bayi naŋ ɨni. Ungo gɨ na ya pɨraŋ daa gɨ Jesu naa Kurɨn̰-Kumu na, Kumu bɨle na bayi ɨni.

1 Ja̰ 2:28

Ho’o, karɨnɨ kange bugoŋgɨŋ pɨna dan̰ Kɨris ɗe wɔlɛ gɨ ban na andaŋ dus na, ana ɨrɨn̰gɨŋ tumoyi dɨle sɔlɛ-hɨnga pɨna wo̰ bɨ, dɨle dasi dɔɔnagɨŋ bɨ.

Wasɨn̰a 3:8

“Ɨŋ sol gɨye-lɔɔdɨgɨŋ nɔm. Sɨlagɨŋ, ɨŋ haŋgɨ kɨbɨ-ƴaa ɗe hangɨwa a tumoygɨŋ”. Ungo pɨna wo̰ kalɨn̰ ma kɨya ɓale lɨge naŋ. Ɨŋ sol gɨ togɨygɨŋ na dḛ wo̰ haa, ama na hɨn̰ wo̰ kalɨn̰ ma, kɨŋ gam dan̰ kɔl hɨnge bɨ kɨŋ man̰a kɨbɨgɨŋ kol canɨ naŋ bɨ.