Kɔl-gɨ-Ɗari gɨ Lug wal 12:5 - Gabri Maja

⁵ Aŋ gɨlgɨŋ na waŋ ma magɨŋ kɨya hundori leen̰ cɨndi ga: Hɨndaragɨŋ na Kumu. Ban ɓal gɨ kɨya dɨɗɨgɨŋ bɨ, ban orɨn̰ dan̰ dɔnɔ di ni dɨbɨgɨŋ duroy tɨwa di ƴee dan̰ tumɔ di ni gehɛn dɨŋ bɨ. Ho’o na ban ma, magɨŋ kɨya hundori leen̰ cɨndi.

Kɔl-gɨ-Ɗari gɨ Lug wal 12:5 ပူးပေါင်းရင်းမြစ်များ

Matɨyo 10:28

Kalaŋ ga ɓalge dɨɗege kuyoŋdi-gusɨgɨŋ, ama kɨya ɓalege dɨɗe turnoygɨŋ naŋ le, kɨŋ hundorge naŋ. Ungo gɨ ojɨ gɨ kɨŋ kɨya hɨndari le, na Kumu. Ban ba ɓale lɔɔ gɨ ɗe kuyoŋdi-gusu ungo bɨ, turnoyi bɨ, na mundoŋ ɗəndəŋ duroy tɨwa di ƴee dan̰ tumɔɔ di ni gehɛn dɨŋ.

Matɨyo 25:41

«Kardi nee ɨni na, kɨlma yen̰ kan ga a cay kobi gɨ masa gɨŋ le, yege hɨn̰: “Kɨŋ ga Kumu ɓɨsɨgɨŋ le sagɨŋ gusɨnɨ coŋ. Ɨragɨŋ boy tɨwa di woy dan̰ cɨndo dɨŋ di ƴomge cay tɨbaa kɨya cay Haban̰ bɨ, ka-ƴɔbɛ kaa bɨ.

Matɨyo 25:46

Ɨni na, kalaŋ le kɨya ɔrɛge gɨ ni won̰ tabɨ di tɔɔ kɨya ayaŋ naŋ kɨya cay ɨsɨna koge bɨ, kalaŋ ga dan̰ durɔ ɗɨngar kɨya ɔrɛge kɨɗɨn̰ ga kalaŋ kɨya somɨn̰-bɨra dan̰ cɨndɨge nee bɨ.»

Matɨyo 5:22

«Ama ɨŋ-bandi na ɨŋ yəgɨŋ hɨn̰: Waŋ waŋ gɨ na laa kuduroy-hɔmɛ dan̰ kurɨndi na, kɨya orɨn̰ge danayi tumoy ka-bɔyɛ kɔl gaŋ. Waŋ waŋ gɨ na yan̰ kurɨndi ji naa ba-matɨr na, kɨya orɨn̰ge danayi tumoy ka-bɔyɛ kɔl cay Jubɨn̰əŋ. Waŋ waŋ gɨ na yan̰ kurɨndi ji na ba-dɨngale na, ojɨ gɨ ni orɨn̰ge danayi duroy tɨwa di ƴee dan̰ tumɔɔ di ni gehɛn dɨŋ.

Marg 13:23

Kuɗa, kɨŋ-gandi na ɗagɨŋ muɗɔlɛ cay gusɨgɨŋ gɨŋ, kɨya wa ɨŋ yəgɨŋ daa jugu ɨni.

1 Tesalonigɨ 4:6

Ojɨ cay kɔl gɨ nee le na, ɗɔɔ gɨ ungo mɔndɛ kuduroy kurɨndi wala tɨmdi naŋ bɨ, nare cɨndɨgɨŋ malɨn̰ gusɨgɨŋ kardi gusɨgɨŋ naŋ bɨ. Kɨya wa Ba-gulɔŋ kɨya gɔjɛ-baa di da hɨnga nɔm ga nee le. Ni yəgɨŋ kɔl gɨ nee le tumɔ bɨ, ni gɨlgɨŋ gɨ naa cɨndi bɨ.

Əbɨro 10:31

Bɔɔ kobɨ Kumu gɨ ba-sɔmɛ-bɨra dan̰ tumoyi na hɨnga ga dɨmbɨre tɔgɨ.

2 Pɨyɛr 2:4

Na cɨndi ni sol gɨ ka-ƴɔbɛ ga daa nii ga tumɔ leege ɨsɨna le, Kumu sɨla cɨn̰-n̰age toge naŋ. Ama ban donge beege a kɨɗɨn̰ ga hɨnga ga ni tabɨ kɨya lɔɔge nee gaŋ. Saɗɨdɨgege dan̰ nare bɨ, amgege a boy umboŋ gɨ ɗɨgi gɨ ɨndi tɨlɨm gɨŋ, kɨya gamɨn̰ wɔlɛ gɨ ni bon̰ kɔl.

Wasɨn̰a 14:7

Ba-ƴɔbɛ gɨ daa gɨ nee le ye dan̰ te tumoyi di daa pəŋ ye hɨn̰: «Hɨndaragɨŋ Kumu bɨ, dɨbɨgɨŋ gusoŋ-tɔgɛ cayi bɨ, kɨya wa tɨwa toyi di ni bon̰ kɔl ɓal. N̰ɨrgɨŋ ba-lɔɔ gɨɗɨgɨ-Kumu bɨ, cay gɨsəŋ bɨ, kuray gɨ gumu taa taa bɨ, cɨn̰-kaŋ ga andaŋ gɨre bɨ.»

Wasɨn̰a 15:4

Ay Ba-gulɔŋ, Kɛ na mɨna ma ungo gɨ hundɔrɔ gusondɨn̰ naŋ ga? Kɛ na mɨna ma ungo gɨ dɨbɨn̰ gusoŋ-tɔgɛ can̰ naŋ ga? Kɨya gɨ ji-bandi kan̰dɨn̰ han̰ ba wɔyɛ dan̰ cɨndɨn̰. Te kalaŋ nɔm kɨya ɨrgage bɔyɛ mɨregi tumon̰, Kɨya gɨ kan solge gɨye-lɔɔdɨn̰ nɔm Gɨ dan̰ durɔ ɗɨngar a duroy hɨnga ga ji lee.»

Wasɨn̰a 20:14

Ɨni na, ƴomge tɨma bɨ, dɔɔ-ƴaa da tɨma bɨ, beegege duroy kuraydi tɨwa dɨŋ. Kuraydi tɨwa le na tɨma di cay sɔɔ le.