Kɔl-gɨ-Ɗari gɨ Lug wal 12:42 - Gabri Maja

⁴² Ɨni na, Ba-gulɔŋ dɨbɨge nee yege hɨn̰: «Waŋ ma na ba-sɔlɛ kardi hɨnga gɨ ba ɨre a cay tɨbayi dɨŋ bɨ, gɨ cɨndi arɨn̰ bɨ, gɨ ba-ƴaadi kɨya ayi si cay kalaŋ ga duroy ƴaa toyi dɨŋ, kɨya gosɨnɨn̰ dɔɔ dan̰ tɨwadi bɨn̰ kamdi gɔyɔŋ ga ɗaŋ kobi ga?

Kɔl-gɨ-Ɗari gɨ Lug wal 12:42 ပူးပေါင်းရင်းမြစ်များ

Matɨyo 13:52

Kɨɗɨn̰di ga nee gaŋ le, Jesu yege hɨn̰: «Naa hɨn̰ wo̰ na, waŋ waŋ gɨ ba-gɨlɨn̰ kalaŋ gasɨn̰-kɔl gɨ da Moyis, ma na bɨl ba-gɨle hɨnga ga ojɨ cay dɔɔ-ƴaa di daa nii na, ban woy gɨlɨn̰ na hɨn̰ ba-gulɔŋ di ƴaa di gumu wo̰. Ban ɓal gɨ ni dɔrɛ a duroy hɨnga wɔɔdi gaŋ le, hɨnga ga hɨrɨwa bɨ, ga ɨlgi bɨ.»

Matɨyo 20:8

«Kɨɗɨn̰ ga tɨwa di ni gɨsɨnɨn̰ te gɨye gɨŋ ɓal ɨni na, ba-gulondi yagedi suru le, yen̰ marɨna koyi ba-sɔlɛ kardi hɨnga wɔɔ kayi yeyi hɨn̰: “Tɨga ka-lɔɔ gɨye bɨ, bɨge gursu toge. Aya toy a cay kan ga ɨrgage karu gaŋ bɨrɨŋ dɨɗɨn̰ kɨbi cay kan ga ɨrgage cay wase.”

Kɔl-gɨ-Ɗari gɨ Lug wal 12:43

Kɨɗɨn̰ ga ba-ƴaadi na jɨge tayi ma na wa guyɔŋ koyi a kɨbɨ gɨye gɨŋ na, tumoy wolwa kɨya wɔyɛ kol cayi!

Kɔl-gɨ-Ɗari gɨ Lug wal 7:13

Kɨɗɨn̰ ga Ba-gulɔŋ Jesu ba sol tama le na, cɨndo leeyi cɨn̰-n̰age bɨ, ban yoo hɨn̰: «Ɨle naŋ ɨni.»

Kɔl-gɨ-Ɗari gɨ Lug wal 7:19

bɨ, ban gɨyge gusi Ba-gulɔŋ Jesu ɗe na ɨngɨriige sol: «Kɛ, ji na ban gɨ Kumu gɨygi le wala, ojɨ gɨ ni gama na ungo gɨ ɗaŋ ga?»

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

1 Timote 3:15

Ama hɨn̰ gɨ ɨŋ na bugoŋ haw kɛ naŋ kalɨn̰ ma, ɨŋ wal kol hɨnga ga kɛ le bɨn̰ an̰ solɨn̰ gɨyəŋ gɨ ni loon̰ gɨye a duroy ƴaa-di-da-Kumu dɨŋ. Ƴaa le, na Ka-Daye ga na kalaŋ ga da Kumu gɨ som-bɨra. Na hɨndi mana ɗe ƴɔmɛ kɔl gɨ cɨndi daa hɨn̰ sɨya gɨ ni duroy ƴaa wo̰ bɨ ɗe jɨbe te kɔl gɨ cɨndi daa bɨ.

1 Timote 5:17

Kan ga muɗoldoŋ ga dorge tumoy Daye kuɗa le, ɗa gɨ kalaŋ bɨge hɨnga ga ni cay kobɨge kɨɗɨn̰ sɔɔ. Ama gɨ kondi tɔgɨ na, na kan ga ɗege gusɨge kɨbɨ gɨye gɨ nɨye-tɔgɨ, gɨ na gɨye-tɔgɛ bɛrnɛ bɨ, gɨlɨn̰ kalaŋ kɔl gɨ da Kumu le bɨ.

2 Timote 4:2

Tɨga bɛrnɛ di da kɔl gɨ da Kumu bɨ, lɨɗɨda toy nee duroy wɔlɛ nɔm ko kalaŋ na gey jɔɔge wala, gey jɔɔge naŋ kalɨn̰ ma, ji yage mɨjag. Halage bɨ, sayan̰ danage bɨ, dɨbage bandɨ kuduroyge bɨ. Gɨlge hɨnga dan̰ dɨbe-ɗugɔ di duroŋ cɨrɛɗ bɨ.

Titɨ 1:7

Ba-dɔrɛ tumoy Ka-Daye gɨ na ungo gɨ beeyige gɨye gɨ ni solɨn̰ kardi hɨnga ga da Kumu kobi le, kuɗa gɨ ban wɨya na ungo gɨ ungo kɨya ɓale dɨbe kɔl cayi naŋ bɨ. Kuɗa gɨ ban wɔyɛ ba-dɔrɛ n̰ərə naŋ bɨ, ba kuduroy-hɔmɛ naŋ bɨ, ba-kɔydɛ cɛrɛ naŋ bɨ, ba wale man̰e naŋ bɨ, ungo gɨ ba male gursu dan̰ gɨyəŋ gɨ dan̰ durɔ naŋ, naŋ bɨ.

Əbɨro 13:17

Jagɨŋ kɔl kɨbɨ ka-dɔrɛ tumoygɨŋ bɨ dɨbagɨŋ caygɨŋ dugo bɨge bɨ. Kɨya wa kan sige cɨndɨge kardɨgɨŋ dan̰ tɨwa nɔm na kɨya dorɨn̰ kardi gɨye kogɨŋ bɨn̰ Kumu. Hɨn̰ gɨ kɨŋ na ja kɔl kɨbɨge na, kan kɨya lɔɔge gɨye koge dan̰ gusi-mɔwa, ama naa hɨn̰ wo̰ naŋ na kan kɨya lɔɔ gɨye koge le dan̰ ɨle kuduroyge. Gɨ nee le kɨya ande hɨnga bɨgɨŋ naŋ.

Əbɨro 13:7

Hɨngɨŋ a cay ka-dɔrɛ tumoygɨŋ ga tumɔ teege bɛrnɛ gɨ da kɔl gɨ da Kumu bɨgɨŋ le. Sɨlagɨŋ gɨyəŋ gɨ kan dɨɗɨn̰ kɨbɨ gɨye-lɔɔdɨge bɨ, ayan̰gɨŋ cay tɨban̰ aye kudurɔ koge.

Əbɨro 3:5

Gɨ ojɨ cay Moyis na, ban na ungo gɨ ɨre a cay tɨbayi dɨŋ jɨbɨn̰ te kalaŋ ga da Kumu nɔm. Ban na marɨna ba-gɨye bɨ, ba lɔɔ tɨmon̰ da kɔl gɨ Kumu kɨya tɔgɛ bɛrnɛdi kardi nee bɨ.

1 Pɨyɛr 4:10

Kumu bɨgɨŋ hɨnga ga ni ɗarwa ga toyge kan̰dɨge kan̰dɨge. Na hɨn̰ wo̰ ma, kuɗa gɨ waŋ waŋ kalɨn̰ ma aya kɨway hɨnga ga ni tɔrɛ-kɨbɨ ga Kumu bii le, gusɨnan̰ kamdi bɨ. Na cɨndi, kɨŋ na ka-sɔlɛ kardi hɨnga ga ni ɗarwa di da Kumu ga ɗadɨrdaŋ.