Kɔl-gɨ-Ɗari gɨ Lug wal 12:37 - Gabri Maja

³⁷ Gɔyɔŋ ga ba-ƴaadɨge na jɨge wayage te sɔmɛ-bɨra na, tumoy wolwa kɨya wɔyɛ kol cayge! Aŋ yəgɨŋ daa waŋ na cɨndi: Ban kɨya dɔbɛ badɨge kayi ga ni gɨye bɨ, bɨge kɨɗɨn̰ somɨn̰ kɨbɨ dɔɔ gɨŋ bɨ, sɔɔ bɨge dɔɔ bɨ.

Kɔl-gɨ-Ɗari gɨ Lug wal 12:37 ပူးပေါင်းရင်းမြစ်များ

Matɨyo 24:42

Naa hɨn̰ wo̰ na, ɗagɨŋ muɗɔlɛ cay gusɨgɨŋ gɨŋ, kɨya gɨ wɔlɛ gɨ Ba-gulondɨgɨŋ kɨya ɨrgan̰ le kɨŋ sɨla naŋ.

Kɔl-gɨ-Ɗari gɨ Lug wal 12:36

Wɨyagɨŋ hɨn̰ gɔyɔŋ ga gamge ba-ƴaadɨge wo̰. Kɨɗɨn̰ ga ban na jɨge te gɔrɛ ƴaa gɨŋ ma na dɨga kɨbɨ ƴaa na, kan kɨya andaŋ cɛd haŋge kɨbɨ ƴaa bii.

Kɔl-gɨ-Ɗari gɨ Lug wal 12:43

Kɨɗɨn̰ ga ba-ƴaadi na jɨge tayi ma na wa guyɔŋ koyi a kɨbɨ gɨye gɨŋ na, tumoy wolwa kɨya wɔyɛ kol cayi!

Kɔl-gɨ-Ɗari gɨ Lug wal 17:8

Naŋ! Ban kɨya yɔ hɨn̰ wo̰ naŋ, ama ban kɨya yoyi hɨn̰: “Kɨlanga badɨge kan̰ bɨ, n̰ana cay dɔɔ hɨnge bɨ, bəŋ dɔɔ bɨ, laan̰ gɨye bɨrɨŋ gɨ ɨŋ kɨya dɔɔ bɨ, sɔɔ bɨ, pa dɨm ma mɨn̰ kɨya dɔɔ bɨ, sɔɔ bɨ ƴee.”

Kɔl-gɨ-Ɗari gɨ Lug wal 21:36

Sɨmagɨŋ cay tɨbay gɨŋ dɨŋ bɨ, ulan̰gɨŋ Kumu daa daa ɗe ban bɨgɨŋ tɔgɨ agɨŋ mɨn̰ɨn̰ cay hɨnga nɔm ga ba kɨya andaŋ caygɨŋ bɨ, agɨŋ ɨrɨn̰ daa tumonɨ ɨŋ-bandi Kurɨn̰-ungo bɨ.»

Kɔl-gɨ-Ɗari gɨ Lug wal 22:27

A boy ɨrɨme kogɨŋ gɨŋ na waŋ ma na gɨ gumu duroygɨŋ ga? Ban gɨ ba-sɔmɛ kɨbɨ dɔɔ gɨŋ wala ban gɨ ba bii dɔɔ ga? Dan̰ gɨre gɨ daa wo̰, kan kɨya yɔ gɨ na ban gɨ ba-sɔmɛ a kɨbɨ dɔɔ gɨŋ ma na gɨ gumu. Ama sɨlagɨŋ ɨŋ bandi kalɨn̰ ma, ɨŋ ɨre duroygɨŋ na hɨn̰ marɨna ba gɨye wo̰.

Kɔl-gɨ-Ɗari gɨ Ja̰ wal 12:26

Hɨn̰ gɨ ungo na gey lɔɔ gɨye bəŋ na, kuɗa gɨ ban kɨba karɨnɨ. Bɨ kɨɗɨn̰ ga ɨŋ kɨya sɔmɛ nee le, ba-gɨye hɨnge kalɨn̰ ma kɨya sɔmɛ nee bɨ. Hɨn̰ gɨ ungo na laa gɨye bəŋ na, Banɨ kɨya aye cayi daa.»

1 Korɛ̰t 2:9

Ama walge a duroy Magtubu di da Kumu dɨŋ yege hɨn̰: «Na hɨnga ga cɨn̰ ungo sɨla naŋ bɨ, Sɨman̰ ungo ja naŋ bɨ, Ungo ɨrɨm cay nee naŋ bɨ, Ma Kumu ƴom cay tɨbayge kol kan ga geyige.»

Pilib 1:21

Kɨya wa hɨnge ɨŋ-bandi na, sɔmɛ-bɨra na Kɨris bɨ, tɨma na cay-kɔbɔŋ bɨ.

Pilib 1:23

Hɨnga sɔɔ dɨbəŋ duroy nee. Ɨŋ gey ɗɔɔ cay gɨsəŋ bɨ sɔmɛ pɨna dan̰ Kɨris, kɨya wa na hɨnga ga nee le ƴɔbɨ ba kuɗa ɗɨn̰ sɔmɛ-bɨra.

2 Pɨyɛr 1:11

Na cɨndi, na toy di hɨn̰ wo̰ ma leege ɗarwa danagɨŋ, lee gɨ kan kɨya bɨgɨŋ gɨyəŋ andɨn̰ boy dɔɔ-ƴaa di da Kumu di woy dan̰ cɨndo dɨŋ le. Dɔɔ-ƴaa le na di da Jesu-Kɨris gɨ na Ba-gulondɨna bɨ, Ba-pɔɗɨna bɨ.

2 Pɨyɛr 3:14

Karmɨnɨ ga ɨŋ lee-toygɨŋ, na hɨnga ga nee le ma magɨŋ gam gusi Kumu. Na toy di hɨn̰ wo̰ ma, ƴɨmagɨŋ gusɨgɨŋ usa ɗe agɨŋ somɨn̰ dan̰ gusi-dɔbɛ bɨ, dɔrɛ mɨra bɨ, ɗe masadɨgɨŋ unɔ tumoy Kumu bɨ.

Wasɨn̰a 14:13

Ɨŋ je noy ungo andɨgaŋ gɨɗɨgɨ-Kumu gɨŋ ye hɨn̰: «Wala kɔl gɨ ba kɛ: “Tumoy wolwa woy haw kɛ a cay kalaŋ ga mage a te gɨyəŋ gɨ da Ba-gulɔŋ gɨŋ, ayɨn̰ toy haw kɛ bɨrɨŋ andɨn̰ tumɔ.” Turnɔ di da Kumu dɨbii cay nee ye hɨn̰: “Ho’o, kan kɨya dɔrɛ gɨlale kɨbɨ gɨye koge gɨŋ ɨni bɨ hɨnga ga ni cay kobɨge kobɨ kardɨge bɨ.”»

Wasɨn̰a 16:15

Ɨni na, Ba-gulɔŋ ye hɨn̰: «Sɨlagɨŋ, ɨŋ kɨya andaŋ caygɨŋ dus na hɨn̰ ba-hase wo̰. Tumoy wolwa woy na kɨya cay ungo gɨ som-bɨra bɨ, ƴom cay tɨbay badɨge kayi gam pḛḛ gusi. Na toy di hɨn̰ wo̰ ma, ban kɨya andaŋ toyi kalɨn̰ naŋ bɨ dasi kɨya doyi cɨn̰ kalaŋ naŋ bɨ.»

Wasɨn̰a 3:21

«Ungo gɨ na bɨya-kɨmbɨl na, ɨŋ kɨya aye nonɨ bii ɗe som danaŋ a cay kali-tɨrɨmbala tɨnge dɨŋ. Ho’o ban kɨya lɔɔ hɨnga hɨn̰ gɨ ɨŋ-bandi kalɨn̰ ma ɨŋ ba lee wo̰ bɨ. Ɨŋ-bandi ɨŋ boy-kɨmbɨl bɨ, ɨŋ or sɔmɛ dan̰ Banɨ Kumu a cay kali-tɨrɨmbala toyi dɨŋ.

Wasɨn̰a 7:17

Kɨya wa kurɨn̰-dɨmangɨ gɨ ɨre a duroy kali-tɨrɨmbala dɨŋ bɔb le, kɨya sɔlɛ kardɨge hɨn̰ ba-ame gamge gɨ sol kardi gamge wo̰ bɨ. Ban kɨya dɔrɛ tumoyge orɨn̰ danage a kɨɗɨn̰ ga kan kɨya ɓale sɨn̰ kaŋ ga bee sɔmɛ-bɨra gɨ leen̰ cɨndi. Ɗaŋ coŋ Kumu kɨya hande kaŋdi cɨndɨge a cɨndɨge pɨrɛd pɨrɛd coŋ bɨ.»