Kɔl-gɨ-Ɗari gɨ Lug wal 11:9 - Gabri Maja

⁹ «Bɨ aŋ yəgɨŋ: Ɨngɨrgɨŋ hɨnga ga kɨŋ or n̰agedɨge cɨndɨgɨŋ tumɔ tumɔ na, kan kɨya bɨgɨŋ, malagɨŋ hɨnga ga kɨŋ or n̰agedɨge cɨndɨgɨŋ tumɔ tumɔ na, kɨŋ kɨya wɔɔ, dɨgagɨŋ kɨbɨ ƴaa cɨndɨgɨŋ tumɔ tumɔ na, kan kɨya haŋge bɨgɨŋ.

Kɔl-gɨ-Ɗari gɨ Lug wal 11:9 ပူးပေါင်းရင်းမြစ်များ

Matɨyo 21:22

Hɨnga nɔm ga kɨŋ olɨn̰ Kumu le, naa dan̰ aye kudurɔ na kɨŋ kɨya wɔɔ hagɨŋ.»

Matɨyo 21:31

Kɛ, duroy karɨn̰aŋ ga sɔɔ ga nee le, na ban gɨ ani ba lɔɔ hɨnga ga bay gey le ga?» Kan dɨbiige cay nee yeyige hɨn̰: «Na ban gɨ cay wase.» Ɨni na, Jesu yege hɨn̰: «Aŋ yəgɨŋ daa waŋ na cɨndi: Ka-hɔgɛ lambo bɨ, kandɨ ajɨba bɨ, kɨya bugoŋge duroy dɔɔ-ƴaa di da Kumu dɨŋ tumoygɨŋ.

Matɨyo 6:29

Ama aŋ yəgɨŋ: Kɨlma Salomo dan̰ sɔmɛ duroy ɗarwa toy dɨŋ kalɨn̰ ma, tɨba badɨge ga ɗari ɗɨn̰ bɨn̰e hɛɗɨmɛ naŋ.

Marg 11:24

Na toy di hɨn̰ wo̰ ma, maŋ yəgɨŋ daa waŋ: Hɨnga nɔm ga kɨŋ ɨngɨrɨn̰ Kumu dan̰ gɨyəŋ gɨ da ɔlɛ le, bɨgagɨŋ kuduroygɨŋ cay nee gɨ kɨŋ na way hɨnga ga nee le leen̰ cɨndi na, kan kɨya bɨgɨŋ.

Marg 13:37

Kɔl gɨ ɨŋ ba yəgɨŋ kɛ le, ɨŋ yen̰ na kalaŋ nɔm: Sɨmagɨŋ-bɨra.»

Kɔl-gɨ-Ɗari gɨ Lug wal 11:10

Kɨya wa waŋ waŋ gɨ na ɨngɨr hɨnga ga ban or n̰agedɨge na, Kumu kɨya bii, ungo gɨ mal hɨnga ga ban or n̰agedɨge na, kɨya wɔɔ bɨ, ungo gɨ na dɨga kɨbɨ-ƴaa na Kumu kɨya haŋge bii bɨ.

Kɔl-gɨ-Ɗari gɨ Ja̰ wal 14:13

Hɨnga nɔm ga kɨŋ ba kɨya ɨngɨre dan̰ gusoŋnɨ le, ɨŋ kɨya lɔɔ ɗe gɨ Kuroŋ Bayi wan̰ gusoŋ-tɔgɛ gusi kurondi.

Kɔl-gɨ-Ɗari gɨ Ja̰ wal 15:16

Na kɨŋ-gandi ba dɔrɔŋ naŋ, ama na ɨŋ-bandi ba torgɨŋ. Ɨŋ sɨgɨŋ ɗe gɨ kɨŋ na ɨra bɨ, kɨŋ na wɨya hɨn̰ hɨyadi suru gɨ wɔɔ karɨndi bɨ, ɗe gɨ wɔɔdi kardi na sɨngɨɗɨ bɨ. Kɨɗɨn̰ ga nee le, Banɨ kɨya bɨgɨŋ hɨnga nɔm ga kɨŋ kɨya ɨngɨrii dan̰ gusoŋnɨ.

Kɔl-gɨ-Ɗari gɨ Ja̰ wal 15:7

Hɨn̰ gɨ kɨŋ na bugoŋ pɨna danaŋ bɨ, kɔl hɨnge nɔm na bugoŋ pɨna danagɨŋ bɨ na, ɨngɨrgɨŋ hɨnga ga kuduroygɨŋ gey ƴɔbɨ, kɨŋ kɨya wɔɔ.

Kɔl-gɨ-Ɗari gɨ Ja̰ wal 4:10

Jesu dɨboo cay nee yoo hɨn̰: «Hɨn̰ gɨ me ni na sɨla hɨnga ga Kumu bee bɨ, ban gɨ ba ɨngɨrne kaŋ kɛ le naa waŋ ga bɨ na, me-hɨndi ni ba kɨya ɨngɨrii kaŋ cay wase bɨ, ban kɨya bɨne dan̰ kaŋ ga ni somɨn̰-bɨra.»

Magtubu di Pol wal bɨn̰ kalaŋ ga Rɔm 2:7

Kalaŋ ga ƴomge osu te gɨye-lɔɔ gɨ ɗari gɨŋ bɨ, woyge te male gɨ Kumu na bɨge gusoŋ-tɔgɛ bɨ, aya cayge daa bɨ, sɔmɛ-bɨra gɨ dan̰ tumoyi bɨ le, Kumu kɨya bɨge sɔmɛ-bɨra gɨ dan̰ tumoyi gɨ nee le.

2 Korɛ̰t 6:2

Na cɨndi Kumu ye a duroy magtubu toy dɨŋ hɨn̰: «A boy tɨwa di ba kuɗa, Di ni leen̰ ɗarwa dɨŋ le, Ɨŋ je noy ɔlɛ kon̰. A boy wɔlɛ pɔɗɛ gɨŋ le, Ɨŋ gɨrɨn̰ daa.» Jagɨŋ, na tɨwa di ba kuɗa di Kumu kɨya leen̰ ɗarwa ba kɛ. Na wɔlɛ gɨ ni pɔɗɛ ba kɛ.

Əbɨro 11:6

Dɨle aye kudurɔ na, ungo kɨya ɓale ƴɔɔ cɨn̰ Kumu naŋ. Kɨya wa waŋ waŋ gɨ na sɨy gusi Kumu na, ojɨ gɨ ban bɨga kuduroyi cay Kumu gɨ Kumu na woy nee bɨ, gɨ ban naa ba bɨn̰ kalaŋ ga maliige le, cay kobɨge bɨ.

Əbɨro 4:16

Naa hɨn̰ wo̰ na, kuɗa gɨ na sɨye bongi kali-tɨrɨmbala di da ɗarwa dɨle hundɔrɔ coŋ bɨrɨŋ ɗe ban solɨn̰ cɨn̰-n̰age tonagɨŋ. Bɨ ana wan̰ ɗarwa di a gusii di kɨya jɨbe toyna a duroy hɨnga ga na or n̰agedɨge a boy tɨwado dɨŋ.

Magtubu di Jag wal 1:5

Hɨn̰ gɨ ungo pɨna duroygɨŋ cɨn̰-muɗɔlɛ na wɨyi na, kuɗa gɨ ban ɨngɨrɨn̰ Kumu, ban kɨya bii. Kɨya wa ban na ba bɨn̰ kalaŋ nɔm hɨnga, dan̰ kuduroy ga pɨna dɨle son̰ danage.

Magtubu di Jag wal 5:15

Ɔlɛ gɨ kan ɨrgan̰ge tumoy Kumu dan̰ aye kudurɔ le, kɨya pɔɗɛ ba-hɔmɨn̰ɛ le. Ba-gulɔŋ kɨya ayi si daa bɨ, hɨn̰ gɨ ban na laa naa ɨsɨna kalɨn̰ ma, ban kɨya ɗɔɔ kuduroyi jalɨwa cayi bɨ.

1 Ja̰ 3:22

Ko, hɨn̰ gɨ na na ɨngɨriigɨŋ na wa wa kalɨn̰ ma, na kɨya wɔɔgɨŋ a kobi. Kɨya wa na gamgɨŋ te tumoyi bɨ, na leegɨŋ hɨnga ga ƴee cɨndi bɨ.

Wasɨn̰a 2:24

«Ama kɨŋ te kalaŋ ga Tɨyatir ga kɨŋ ƴa hɨnga ga ni gɨle ga nee le naŋ bɨ, kɨŋ mala gɨ ni kɔbɛ te hɨnga-sɔlɛ ga kan teegege ɗugoy hɨnga ga da Sidan naŋ bɨ le, aŋ yəgɨŋ daa waŋ, ɨŋ kɨya ɗɔɔ hɨnga ga nin̰i ɗaŋ caygɨŋ naŋ.