Kɔl-gɨ-Ɗari gɨ Lug wal 11:42 - Gabri Maja

⁴² «Kɨŋ Parɨsɨn̰an̰əŋ le, cɨn̰-n̰age kɨya bɔɔ caygɨŋ! Kɨya gɨ kabɨn̰ hɨnga kagɨŋ ga gusondɨge na: Mantɨ bɨ, ru dan̰ kabɨn̰ hɨnga ga dan̰ cɨndɨge cɨndɨge bɨ le, kɨŋ gosɨn dugo kɨɗɨn̰ mɔjɨ, magɨŋ ay kɨbɨge pɨna bɨn̰ Kumu. Ama gɨye-lɔɔ gɨ dan̰ durɔ ɗɨngar bɨ, wandɨ da Kumu bɨ le, kɨŋ cɨbɨ cɨndɨgɨŋ cay nee naŋ. Na hɨnga ga nee le ma, kuɗa gɨ kɨŋ ni kɨya cɨbe cɨndɨgɨŋ cay nee lɔɔ, dɨle ɗɔɔ toyge ga ɗaŋ ga baa coŋ bɨ.

Kɔl-gɨ-Ɗari gɨ Lug wal 11:42 ပူးပေါင်းရင်းမြစ်များ

Matɨyo 23:13

«Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa kɨŋ lɨgɨ kɨbɨ dɔɔ-ƴaa di daa nii daa cay kalaŋ coŋ. Kɨŋ kalɨn̰ ma, kɨŋ andaŋ nee naŋ bɨ, kan ga geyge andaŋ nee kalɨn̰ ma, kɨŋ narge andaŋ nee coŋ bɨ.

Matɨyo 23:23

«Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa kabɨn̰ hɨnga kagɨŋ ga gusondɨge na mantɨ bɨ, Penɨwil bɨ, kumɛ̰ bɨ le, kɨŋ gosɨn dugo kɨɗɨn̰ mɔjɨ magɨŋ ay kɨbɨge pɨna bɨn̰ Kumu, ama hɨnga ga ni gɨle ga kuɗa tɔgɨ gɨ da gasɨn̰-kɔl, hɨn̰ gɨye gɨ dan̰ durɔ ɗɨngar bɨ, sɔlɛ cɨn̰-n̰age bɨ, ɨre-cay-tɨban̰ dɨŋ bɨ le, kɨŋ cɨbɨ cɨndɨgɨŋ cay nee naŋ. Na hɨnga ga nee le ma, kuɗa gɨ kɨŋ ni kɨya cɨbe cɨndɨgɨŋ cay nee lɔɔ, dɨle ɗɔɔ toyge ga ɗaŋ ga ba coŋ bɨ.

Matɨyo 23:27

«Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa kɨŋ woy gɨlɨn̰ na hɨn̰ cay kamɨn̰aŋ ga leege bɛrɛ tɨrɨjɨ wo̰. Lee gɨ ungo na sɨla kardɨge ga doŋ na lee kambɨla, ama duroyge gɨ ƴen̰ na, wanɨn̰ dan̰ isi da kalaŋ ga ma bɨ, dan̰ hɨnga ga osɨn̰ ga toyge kan̰dɨge kan̰dɨge boy nee.

Kɔl-gɨ-Ɗari gɨ Lug wal 18:12

Boy wɔlɛ jurgum le, ɨŋ hay kɨbɨnɨ cay sɔɔ bɨ, ɨŋ gosɨn hɨnga wɔɔnɨ nɔm dugo kɨɗɨn̰ mɔjɨ maŋ ay kɨbɨge pɨna bɨn̰ Kumu bɨ.”

Kɔl-gɨ-Ɗari gɨ Ja̰ wal 5:42

Ama ɨŋ solgɨŋ kuɗa gɨ ƴɔmɛ wandɨ da Kumu unɔ kuduroygɨŋ.

1 Ja̰ 4:20

Waŋ waŋ gɨ na ya hɨn̰: «Ɨŋ gey Kumu», ma na ƴɨma kurɨndi dan̰ kuduroyi na, ban na ba poy. Na cɨndi, ungo gɨ na gey kurɨndi gɨ ban solii dan̰ tɨdi gərɨn̰ gərɨn̰ kɛ naŋ na, ban kɨya ɓale geye Kumu gɨ ban sɨlayi dan̰ tɨdi gərɨn̰ gərɨn̰ naŋ bɨ.