Kɔl-gɨ-Ɗari gɨ Lug wal 11:29 - Gabri Maja

²⁹ Kɨɗɨn̰ ga dɨmdɨrdi kalaŋ ɨrgage nee nee dayge gusi Jesu na, ban ay te yoge hɨn̰: «Te kalaŋ ga haw kɛ ga ɨsɨn, kɨŋ ɨngɨr hɨnga ga ɗɨn̰ cɨn̰-kɨɗɨn̰ ga kɨya gɨle hɨn̰ gɨ ɨŋ na sayga naa gusi Kumu. Ama hɨnga ga ɗɨn̰ cɨn̰-kɨɗɨn̰ pɨna kalɨn̰ ma, Kumu kɨya lɔɔ gɨ kɨŋ kɨya sɔlɛ naŋ ɨni. Hɨnga ga ɗɨn̰ cɨn̰-kɨɗɨn̰ ga da Jonasɨ ba-yɔɔ-kɔl-gɨ-Kumu-ba-yɔɔ ga naa kɨŋ ba je koldɨge tumɔ le kɔ ɓal.

Kɔl-gɨ-Ɗari gɨ Lug wal 11:29 ပူးပေါင်းရင်းမြစ်များ

Matɨyo 3:7

Kɨɗɨn̰ ga Ja̰ sol kondɨwadi Parɨsɨn̰an̰əŋ bɨ, kondɨwadi Sadusɨn̰ɛn̰əŋ bɨ, ga ɨrgage gusii ɗe ban na leege batɛm le na, ban yege hɨn̰: «Kɨŋ, te wɔɔ gɨ da karin̰əŋ, kɛ na waŋ ba gɨlgɨŋ gɨyəŋ gɨ ni gɨrɨn̰ mɨn̰ɨn̰ kuduroy-hɔmɛ da Kumu di ba kɨya caga le ga?

Marg 8:38

Hɨn̰ gɨ ungo na da dasi kol canɨ kɨɗɨn̰ ga kan na tɨga gusonɨ bɨ, kɨɗɨn̰ ga kan na dɨra kɔl hɨnge duroy te kalaŋ ga a boy ɨlge gɨ na ba somɨn̰ nee gɨŋ kɛ, ga na ka-yɔyɛ kandɨ wala ban̰aŋ da kamdɨge bɨ, ka-lɔɔ ɨsɨna bɨ na, ɨŋ-bandi Kurɨn̰-ungo le kalɨn̰ ma ɨŋ kɨya dɔɔ dasi kol cayi kɨɗɨn̰ ga ɨŋ kɨya ɨrga dan̰ asɨn̰a di da Banɨ bɨ, dan̰ ka-ƴɔbɛ ga daa nii ga woyge dan̰ cɨndɨge bɨ.»

Kɔl-gɨ-Ɗari gɨ Lug wal 11:16

Kalaŋ ga ɗaŋ malge gɨyəŋ age na gɨybii: Kan ɨngɨriige gɨ ban na laage hɨnga ga ɗɨn̰ cɨn̰-kɨɗɨn̰ pɨna ɗe na gɨlɨn̰ gɨ tɔgɨ toyi na sayga na a gusi Kumu.

Kɔl-gɨ-Ɗari gɨ Lug wal 11:50

Na ban ma kɨbardi ka-yɔɔ-kɔl-gɨ-Kumu-ba-yɔɔ nɔm gɨ ba gɨre cay gɨsəŋ gaŋ ayɨn̰ toyi gɨ Kumu ba ɗen̰ cay gɨsəŋ bɨ, ayɨn̰ toyi cay kɨbar Abɛl bɨrɨŋ cay kɨbar Jagari, gɨ kan dɨɗige a duroy kɨɗɨn̰ ga kan gaɗɨge kɨya bogɨn̰ kɨbar nee dan̰ ƴaa-di-da-Kumu bɨ. Ho’o aŋ yəgɨŋ daa waŋ, kan kɨya ɨngɨrɨn̰ kalaŋ ga haw kɛ kɨbardɨge.

Kɔl-gɨ-Ɗari gɨ Lug wal 12:1

Wɔlɛdi gɨ nee le, dɨmdɨrdi kalaŋ ɨrgage gusi Jesu jɨn̰ nee nee, ɓalge kalaŋ aru mɔjɨ dan̰ kardɨge nee. Dayge gusii jɨŋ jɨŋ gɨ baa mɨnde gɨ kan kɨya ɗɔdɨrdɛ gusɨge dugo. Jesu ay te yon̰ ka-aye-cay-tɨbayi tumɔ pa dɨm ye hɨn̰: «Ɗagɨŋ muɗɔlɛ cay gusɨgɨŋ kɨya cay subugu di da Parɨsɨn̰an̰əŋ. Subugu di da Parɨsɨn̰an̰əŋ le, na kɔl gɨ kan ye-kɨbɨge-sɔɔ-sɔɔ.

Kɔl-gɨ-Ɗari gɨ Lug wal 9:41

Jesu jogɨ aye kɔl yoge hɨn̰: «Kɨŋ kalaŋ ga aye kudurɔ kogɨŋ unɔ le, kɨŋ le masa! Kɛ, ɨŋ kɨya sɔmɛ danagɨŋ bɨrɨŋ na wɔlɛ mɨna coŋ ƴee ga? Kɛ, na cay mɨna ma maŋ kɨya dɨbe ɗugonɨ caygɨŋ ga?» Ɨni na, Jesu yen̰ kɨye bayi le hɨn̰: «Ɨren̰ dan̰ kurondɨn̰ le bəŋ nayi kɛ.»

Kɔl-gɨ-Ɗari gɨ Ja̰ wal 2:18

Ama ka-cay Jubɨn̰əŋ ɨngɨriige ye hɨn̰: «Na hɨnga ga ɗɨn̰ cɨn̰-kɨɗɨn̰ ga mɨna ma mɨn̰ kɨya lɔɔ gɨlni, ani na sol gɨ ji na orɨn̰ dan̰ te tumɔ di sayga gusi Kumu, gɨ ni leen̰ hɨnga ga hɨn̰ wo̰ le ga?»

Kɔl-gɨ-Ɗari gɨ Ja̰ wal 6:30

Ɨni na, kan jɨgage dɨbiige cay nee yeyige hɨn̰: «Na wa ma na hɨnga ga ɗɨn̰ cɨn̰-kɨɗɨn̰ ga gɨl gɨ ji na waŋ ɗe ani sol pa dɨm ma, mani been̰ kuduroyni can̰ le ga? Kɛ na gɨye di wa ma mɨn̰ kɨya lɔɔ ga?

Kɔl-gɨ-Ɗari gɨ Ja̰ wal 8:44

Baygɨŋ na Haban̰ bɨ, kɨŋ gey lɔɔ na hɨnga ga kuduroy baygɨŋ gey le bɨ. Ayɨn̰ toy gɨ Kumu ɗen̰ cay gɨsəŋ le, Haban̰ na ba dɨɗe kɨɗɨn̰. Dɨlay dan̰ kɔl gɨ cɨndi naŋ. Kɨya wa kɔl gɨ cɨndi unɔ gusi. Kɨɗɨn̰ ga ban ye kɔl gɨ ni poyi na, ban ye na kɔl gɨ ojɨ cayi toyi. Kɨya wa ban na ba-poyi bɨ, poy baa bɨ.

1 Korɛ̰t 1:22

Jubɨn̰əŋ ɨngɨrge na hɨnga ga ɗɨn̰ cɨn̰-kɨɗɨn̰ bɨ, Gɨrɛgn̰əŋ malge na cɨn̰-muɗɔlɛ bɨ.