Kɔl-gɨ-Ɗari gɨ Lug wal 11:2 - Gabri Maja

² Jesu jɨga dɨbi cay nee yeyi hɨn̰: «Kɨɗɨn̰ ga kɨŋ na kɨya ɔlɛ Kumu na, yagɨŋ hɨn̰: “Bayni, laa gɨ ɗe gusondɨn̰ wɨya dan̰ cɨndi bɨ, Laa gɨ ɗe dɔɔ-ƴaa ton̰ ɨrga a cay gɨsəŋ gaŋ bɨ.

Kɔl-gɨ-Ɗari gɨ Lug wal 11:2 ပူးပေါင်းရင်းမြစ်များ

Matɨyo 10:32

«Waŋ waŋ gɨ na ya tumoy kalaŋ gɨ ɗi naa ungo hɨnge na, ɨŋ-bandi kalɨn̰ ma, ɨŋ kɨya yɔ gɨ ɨŋ naa koyi tumoy Banɨ gɨ som a daa nii bɨ.

Matɨyo 3:2

«Bɨlgɨŋ gɨye-lɔɔdɨgɨŋ, kɨya wa dɔɔ-ƴaa di daa nii bugoŋ mɨnde gusɨgɨŋ ɨni.»

Matɨyo 5:16

Ɗagɨŋ gɨ asɨn̰a kogɨŋ ɗe asɨn̰ cɨn̰ kalaŋ hɨn̰ wo̰ bɨ, ɗe gɨ kan solɨn̰ge gɨye-lɔɔdɨgɨŋ gɨ kuɗa bɨ, ɗe kan hɨramɨn̰ge Baygɨŋ gɨ som a daa nii bɨ.

Kɔl-gɨ-Ɗari gɨ Lug wal 11:1

Wɔlɛ gɨ pɨna wo̰, Jesu ol Kumu kɨway kɨɗɨn̰ ga pɨna gaŋ. Kɨɗɨn̰ ga ban ol Kumu ɨni na, ba-aye-cay-tɨbayi gɨ pɨna wo̰ duroy kamdi yeyi hɨn̰: «Ba-gulɔŋ, gɨlni ɔlɛ Kumu hɨn̰ gɨ Ja̰ ba-lɔɔ batɛm ba-gɨlɨn̰ ka-aye-cay-tɨbayi wo̰ bɨ.»

Magtubu di Pol wal bɨn̰ kalaŋ ga Rɔm 1:7

Na toy di hɨn̰ wo̰ ma, ɨŋ wal magtubu di kɛ le bɨgɨŋ kɨŋ-gandi ga a Rɔm ga Kumu lee-toygɨŋ. Ban ba togɨgɨŋ gɨ kɨŋ na bɨl wɨya dan̰ cɨndɨgɨŋ. Kuɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

Magtubu di Pol wal bɨn̰ kalaŋ ga Rɔm 8:15

Kumu gɨsɨn Turnoyi caygɨŋ na kɨya loogɨŋ gɔyɔŋ ga ka-gɔrɛ dan̰ hundɔrɔ ɗaŋ coŋ naŋ ɨni. Ɨŋ’ɨ̰, Turnɔ di ban gɨsɨnoo caygɨŋ le, hɨndi na Turnɔ di ɗe bɨlgɨŋ karɨn̰ Kumu. Kɨya cay Turnɔ di nee le na, na-gandi nɔm na teeyi gɨŋ wɨlalɨn̰ hɨn̰: «Aba, Banɨ.»

1 Korɛ̰t 1:3

Ɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

2 Korɛ̰t 1:2

Ɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

Galad 1:4

Jesu-Kɨris, na ban gɨ ba ɗɔɔ gusi dan̰ kuduroy geye gɨ da Bayna Kumu, kɨya cay ɨsɨna konagɨŋ, ay na dornagɨŋ a duroy hɨnga ga ɨsɨni gaŋ ga cay gɨsəŋ gaŋ kɛ coŋ.

Epɛs 1:2

Kuɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

Pilib 1:2

Kuɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

Pilib 4:20

Kuɗa gɨ gusoŋ-tɔgɛ wɨya na kɨya cay Bayna Kumu ɨlge dan̰ ɨlge! Ɗa-ɗe-woy-hɨn̰-wo̰.

Kɔlɔs 1:2

ni-gandi ni ləgɨŋ lapɨya kɨŋ-gandi ka-karme ga ban̰aŋ dan̰ ga kandɨ ga bugoŋge pɨna dan̰ Kɨris ga woyge dan̰ cɨndɨge bɨ, ga ɨrege a cay tɨbayge dɨŋ bɨ, ga somge a cay ƴaa-di-gumu di Kɔlɔs dɨŋ. Ɗe gɨ Bayna Kumu laa ɗarwa danagɨŋ bɨ bɨgɨŋ gusi-dɔbɛ bɨ.

1 Tesalonigɨ 1:1

Na ɨŋ-bandi Pol bɨ, Silbɛ̰ bɨ Timote bɨ, ba gɨyɨn̰ dan̰ magtubu di kɛ le bɨn̰ Ka-Daye ga da Kumu ga a cay ƴaa-di-gumu di Tesalonigɨ, ga bugoŋge pɨna dan̰ Bayna Kumu bɨ, dan̰ Ba-gulɔŋ Jesu-Kɨris bɨ. Kuɗa gɨ Kumu laa ɗarwa danagɨŋ bɨ, bɨgɨŋ gusi-dɔbɛ bɨ.

1 Tesalonigɨ 1:3

Dan̰ tɨwa di ani ani di ni som ol Kumu kol caygɨŋ tumoy Bayni Kumu na, ni ɨrɨm a cay aye kudurɔ kogɨŋ gɨ lee gɨye bɨ, dan̰ wandɨ togɨŋ di lee gɨye dan̰ kalaŋ bɨ, a cay ɨrɨmedɨgɨŋ gɨ kɨŋ bee a cay Ba-gulondɨni Jesu-Kɨris ɗe osu bɨ le.

2 Tesalonigɨ 2:16

Bayna Kumu geyna bɨ, ban bɨna hɨnga ga ka-dɔbɛ bandɨ kuduroyna ga ka-wɔyɛ dan̰ tumoyge kalɨn̰ bɨ, hɨnga ga ni bogɨn̰ ɨrɨmedɨna cay nee ga osu bɨ. Ni ɨngɨrɨn̰ Kumu bɨ Ba-gulondɨna Jesu-Kɨris dan̰ gusi koyi bɨ,

Wasɨn̰a 11:15

Kardi nee ba-ƴɔbɛ gɨ daa nii gɨ cay jurgumdɨge lɨm burun̰ji. Ɨni na, noy kalaŋ ye daa pəŋ a gɨɗɨgɨ-Kumu gɨŋ ye hɨn̰: «Haw kɛ na, na Ba-gulondɨna dan̰ Kɨris ban gɨ Kumu dorii ba dɔɔge-ƴaa a cay gɨsəŋ gaŋ. Kan kɨya dɔɔge-ƴaa ɨlge dan̰ ɨlge.»

Wasɨn̰a 15:4

Ay Ba-gulɔŋ, Kɛ na mɨna ma ungo gɨ hundɔrɔ gusondɨn̰ naŋ ga? Kɛ na mɨna ma ungo gɨ dɨbɨn̰ gusoŋ-tɔgɛ can̰ naŋ ga? Kɨya gɨ ji-bandi kan̰dɨn̰ han̰ ba wɔyɛ dan̰ cɨndɨn̰. Te kalaŋ nɔm kɨya ɨrgage bɔyɛ mɨregi tumon̰, Kɨya gɨ kan solge gɨye-lɔɔdɨn̰ nɔm Gɨ dan̰ durɔ ɗɨngar a duroy hɨnga ga ji lee.»

Wasɨn̰a 19:6

Ɨni na, ɨŋ je noy hɨnga ye hɨn̰ noy dɨmdɨrdi kalaŋ ga dan̰ kondige wo̰ bɨ, hɨn̰ noy kaŋdi kuray ga dan̰ kondige wo̰ bɨ, hɨn̰ noy ale gɨ da Kumu gɨ ye dan̰ togii wo̰ bɨ. Dɨmdɨrdi kalaŋ le yege hɨn̰: «Aleluya! Ba-gulɔŋ, Kumu konagɨŋ, Gɨ dɔnɔdi ɗɨn̰ dɔnɔ nɔm, Ƴee dɔɔ-ƴaa a kobi haw kɛ ɨni.

Wasɨn̰a 20:4

Kardi nee, ɨŋ sol kali-tɨrɨmbalan̰əŋ. Kalaŋ ga somge cay nee le, kan bɨgege gɨyəŋ gɨ kan na bɨyan̰ kɔl. Ɨni na, ɨŋ sol turnoy kalaŋ ga sɨdɨrdege cayge coŋ dan̰ tuguyu kol tɨmon̰ di kan lee kɨya cay Jesu bɨ, kol bɛrnɛ di da kɔl gɨ da Kumu bɨ. Kalaŋ ga nee le na kalaŋ ga n̰ɨrge kɨmana le naŋ bɨ, turnoyi naŋ bɨ, tɨnda hɨnga wɨya a jɨndɨge naŋ bɨ, kobɨge naŋ bɨ. Kan jɨgage som-bɨra bɨ, diige cay ƴaa pɨna dan̰ Kɨris ɓal ɨlge dubu-pɨna.