Kɔl-gɨ-Ɗari gɨ Lug wal 10:42 - Gabri Maja

⁴² Me orɨn̰ dan̰ n̰age di hɨnga pɨna ƴɔbɨ. Na hɨnga ga ɗari ga nee le ma Mari bɨnde ay, ungo pɨna kɨya dɔrɛ kɔbɔ naŋ.»

Kɔl-gɨ-Ɗari gɨ Lug wal 10:42 ပူးပေါင်းရင်းမြစ်များ

Marg 8:36

Hɨn̰ gɨ ungo na ɨran̰ dan̰ hɨnga wɔɔ ga cay gɨsəŋ gaŋ nɔm, ma na mɨnda gusi coŋ na, kɨya andii na wa ga?

Kɔl-gɨ-Ɗari gɨ Lug wal 10:39

Mart orɨn̰ dan̰ tumdo di pɨna wo̰ di dḛ, kan tooge na Mari. Hɨndi som dugo a tɨbay Ba-gulɔŋ kɨya tɔgɨyɛ hɨnga gɨle koyi.

Kɔl-gɨ-Ɗari gɨ Lug wal 11:1

Wɔlɛ gɨ pɨna wo̰, Jesu ol Kumu kɨway kɨɗɨn̰ ga pɨna gaŋ. Kɨɗɨn̰ ga ban ol Kumu ɨni na, ba-aye-cay-tɨbayi gɨ pɨna wo̰ duroy kamdi yeyi hɨn̰: «Ba-gulɔŋ, gɨlni ɔlɛ Kumu hɨn̰ gɨ Ja̰ ba-lɔɔ batɛm ba-gɨlɨn̰ ka-aye-cay-tɨbayi wo̰ bɨ.»

Kɔl-gɨ-Ɗari gɨ Lug wal 12:20

Ama Kumu yen̰ bara le ye hɨn̰: “Ba matɨr! A duroy son̰do di labɨde dɨŋ le habedin̰ kɨya duroŋ. Ɨni na, hɨnga nɔm ga ji ba day amɨn̰ gusɨn̰ le kɨya woyɨn̰ na waŋ ga?”»

Kɔl-gɨ-Ɗari gɨ Lug wal 12:33

Kɨlgɨŋ kandi-wɔɔdɨgɨŋ coŋ, ɗagɨŋ gursudɨge gusɨnan̰gɨŋ ka-n̰age. N̰anagɨŋ magɨla kogɨŋ gɨ ni bogɨn̰ gursu di kɨya mundoŋ naŋ bɨrɨŋ. Dayagɨŋ hɨnga wɔɔdɨgɨŋ a daa nii gusi Kumu. Gursu di nee le, kɨya mundoŋ naŋ bɨ, ka-hase kɨya bugoŋ mɨnde durdi nee naŋ bɨ, yulmu kɨya tale naŋ bɨ.

Kɔl-gɨ-Ɗari gɨ Lug wal 16:2

Ban teeyi bɨ yey hɨn̰: “Na kɔl gɨ ni wa ma maŋ je kol can̰ wo̰ ga? Gɨləŋ kardɨ hɨnga wɔɔnɨ ga ji ba am le aŋ sol, kɨya wa ɨŋ gey gɨ ji kɨya sɔlɛ kardi hɨnga kange naŋ ɨni.”

Kɔl-gɨ-Ɗari gɨ Lug wal 16:25

Abɨraham jɨga dɨbii cay nee ye hɨn̰: “Kuronɨ, hɨn a cay hɨnga ga ɗari ga ji ba way kɨɗɨn̰ ga ji ba somɨn̰-bɨra dan̰ cɨndɨn̰ ƴee le, ama Lajar na kɨɗɨn̰ ga ban naa baan̰ dan̰ tɨdi ƴee le, ban som na duroy gɨle-cɨn̰ dɨŋ. Ama haw kɛ na, ban som na duroy ɗarwa dɨŋ ɨni. Ama kon̰ ji ban na, ji gɨ sɔmɛ na duroy mɨrɨn̰tɨn̰i dɨŋ

Kɔl-gɨ-Ɗari gɨ Lug wal 18:22

Kɨɗɨn̰ ga Jesu ba je kɔl gɨ da ungo le hɨn̰ wo̰ na, ban yeyi hɨn̰: «Ji baa lɔɔ hɨnga pɨna ƴee. Saa ɨra kɨle hɨnga kan̰ nɔm coŋ bɨ, aya gursudɨge gusɨnan̰ kan ga wɔɔdɨge unɔ, ɨni na ji kɨya wɔɔ hɨnga wɔɔ a daa nii. Kardi nee ɨni na mɨn̰ ɨre kɨba karɨnɨ.»

Kɔl-gɨ-Ɗari gɨ Lug wal 8:18

Ɗagɨŋ muɗɔlɛ a cay gusɨgɨŋ gɨŋ ojɨ cay kɔl gɨ kɨŋ ba je. Kɨɗɨn̰ ga ungo na ɨran̰ dan̰ hɨnga kobi na, Kumu kɨya bii kamdɨge cay nee jɨn̰ tumɔ tumɔ. Ama kɨɗɨn̰ ga ungo na ɨran̰ dan̰ hɨnga kobi naŋ na, Kumu kɨya dɔrɛ ga dḛ ga ban ɨrɨm gɨ ɗi na orɨn̰ le.»

Kɔl-gɨ-Ɗari gɨ Ja̰ wal 11:1

Gɨlmi gɨ pɨna wo̰ gusi leeyi. Gusondi na Lajar bɨ, som na a cay gulɔŋ gɨ Betani dɨŋ bɨ. Cay gulɔŋ gɨ nee le, na gɨ da Mari dan̰ tumdo Mart.

Kɔl-gɨ-Ɗari gɨ Ja̰ wal 11:19

Lee gɨ Jubɨn̰əŋ kondɨ ɨrgage gusi Mart dan̰ Mari kɨya jale ɗugoyge ojɨ cay tɨma da kurɨndɨge.

Kɔl-gɨ-Ɗari gɨ Ja̰ wal 12:3

Ɨni na, Mari ayga sɔŋ ɨdɨr gɨ ɗo̰ tɨna, gɨ kan leege dan̰ hɛɗɨmɛ ga kan teege nar gɨ pɨlɨn̰age naŋ gɨ kɨledi osu tɔgɨ, ɓal kɨway litɨr. Orɨn̰ n̰ɨge a cay tɨbay Jesu bɨ, hande dan̰ teɗi caa, lee gɨ gasɨm ɨdɨr le, ƴee duroy ƴaa nɔm.

Kɔl-gɨ-Ɗari gɨ Ja̰ wal 17:3

Sɔmɛ-bɨra gɨ dan̰ cɨndi le: Na ɗe kan na solɨn̰ge ji-bandi Kumu gɨ cɨndi gɨ pɨna hayi kəɗ kəɗ bɨ, Jesu-Kɨris gɨ ji gɨygi le bɨ.

Kɔl-gɨ-Ɗari gɨ Ja̰ wal 4:14

Ama waŋ waŋ gɨ na saa kaŋ ga ɨŋ ba bii na, gɨmase kɨya jɔgɛ doyi ɗaŋ naŋ bɨrɨŋ. Kaŋ ga ɨŋ ba kɨya bii le, kɨya bɨle cɨn̰-kaŋ ga kɨya andaŋ gɨre a kuduroy bɨ, kɨya bii sɔmɛ-bɨra gɨ dan̰ cɨndi bɨ.

Kɔl-gɨ-Ɗari gɨ Ja̰ wal 5:24

Jagɨŋ ɨŋ yəgɨŋ na kɔl gɨ cɨndi, waŋ waŋ gɨ na ja kɔl hɨnge bɨ, bɨga kuduroyi cay ban gɨ ba gɨyigəŋ na, orɨn̰ dan̰ sɔmɛ-bɨra gɨ dan̰ cɨndi. Kan kɨya bɔyɛ kɔl cayge naŋ, ama ban andaŋ na duroy tɨma dɨŋ coŋ bɨ, orɨn̰ duroy sɔmɛ-bɨra gɨ dan̰ cɨndi gɨŋ.

Kɔl-gɨ-Ɗari gɨ Ja̰ wal 6:27

Kɨŋ ɗɔɔ ba lɔɔ gɨye kɨya hɨnga ga ni dɔɔ ga kɨya mundoŋ ƴɔbɨ naŋ. Ama kɨŋ laa gɨye kɨya hɨnga ga ni dɔɔ ga kɨya wɔyɛ kɨya cay sɔmɛ-bɨra gɨ dan̰ cɨndi. Hɨnga ga ni dɔɔ ga nee le, ɨŋ-bandi Kurɨn̰-ungo le ba kɨya bɨgɨŋ, kɨya wa na ɨŋ-bandi ma, Kɨye bayi gɨ na Kumu gɨl doŋ gɨ naa ɗi-bandi na ba gɨygi leen̰ cɨndi le.»

1 Korɛ̰t 13:3

Ko hɨn̰ gɨ ɨŋ na gusɨna naa hɨnga wɔɔnɨ nɔm ga ɨŋ orɨn̰ bɨn̰ ka-n̰age ɗe diige bɨ, hɨn̰ gɨ ɨŋ na aya naa kuyoŋdi-gusɨnɨ bee ɗe ulge bɨ, ma hɨn̰ gɨ wandɨ na unɔ gusɨnɨ na, hɨnga pɨna ga ɨŋ kɨya wɔɔ toy nee le unɔ.

Galad 5:6

Kɨɗɨn̰ ga ungo na bugoŋ pɨna dan̰ Jesu-Kɨris na, hɨn̰ gɨ ban na wala ban̰a wala, wala ban̰a naŋ kalɨn̰ ma, laa hɨnga naŋ. Hɨnga ga gumu na, na aye kudurɔ gɨ lee hɨnga dan̰ gɨyəŋ gɨ da wandɨ.