Kɔl-gɨ-Ɗari gɨ Lug wal 10:21 - Gabri Maja

²¹ A kɨɗɨn̰di ga nee gaŋ le bɨ, Turnɔ ɗe-kuduroy-bɛrɛ lee gɨ gusi-mɔwa walɨn̰ kuduroy Jesu bɨ, ye hɨn̰: «Banɨ, ji Ba-gulɔŋ hɨnga nɔm ga daa nii dan̰ ga cay gɨsəŋ gaŋ, ɨŋ hɨramɨn̰ kɨya gɨ ji gɨlɨn̰ karɨn̰aŋ hɨnga ga ji wosɨn̰ kalaŋ ga muɗoldoŋ dan̰ ka-sɔlɛ hɨnga. Ho’o Banɨ, na ban ma na hɨnga ga ji ojɨ dan̰ kuduroy geye kon̰.»

Kɔl-gɨ-Ɗari gɨ Lug wal 10:21 ပူးပေါင်းရင်းမြစ်များ

Matɨyo 16:17

Kɨɗɨn̰di ga nee gaŋ le, Jesu dɨbii cay nee yeyi hɨn̰: «Tumoy wolwa woy kol can̰, Simo kurɨn̰ Jonasɨ, kɨya gɨ na Banɨ gɨ ba som a daa nii ba haŋge cɨndɨn̰ a cay hɨnga ga nee le, wala na ungo gɨ ɨndi naŋ.

Matɨyo 21:16

Bɨ kan ɨngɨrɨn̰ge Jesu yege hɨn̰: «Kɛ ban na je kɔl gɨ kan na ye kɔ le ga?» Ɨni na, ban dɨbɨge cay nee yege hɨn̰: «Əw ɨŋ je. Na kɔl gɨ kan walge duroy Magtubu di da Kumu dɨŋ yege hɨn̰: “Ji lee gɨ karɨn̰aŋ ga n̰ən̰əŋ bɨ, karɨn̰aŋ ga kɨbɨ kobɨn̰ gaŋ bɨ, hɨramiige le kɛ” kɨŋ ɗɨngɨsa cay pɨna naŋ ga?»

Matɨyo 3:7

Kɨɗɨn̰ ga Ja̰ sol kondɨwadi Parɨsɨn̰an̰əŋ bɨ, kondɨwadi Sadusɨn̰ɛn̰əŋ bɨ, ga ɨrgage gusii ɗe ban na leege batɛm le na, ban yege hɨn̰: «Kɨŋ, te wɔɔ gɨ da karin̰əŋ, kɛ na waŋ ba gɨlgɨŋ gɨyəŋ gɨ ni gɨrɨn̰ mɨn̰ɨn̰ kuduroy-hɔmɛ da Kumu di ba kɨya caga le ga?

Marg 10:15

Aŋ yəgɨŋ daa waŋ na cɨndi: «Waŋ waŋ gɨ na ƴaa dɔɔ-ƴaa di da Kumu dan̰ kuduroyi hɨn̰ kɨye gɨ n̰əŋ wo̰ naŋ na, ban kɨya dɔbɛ cayi boy nee naŋ bɨrɨŋ.»

Kɔl-gɨ-Ɗari gɨ Lug wal 15:5

Bɨ kɨɗɨn̰ ga ban na wayaa ɨni na, gusi kɨya moy bɨ ban kɨya ayoo dɔgɔɔ cay man̰ kobi gɨŋ

Kɔl-gɨ-Ɗari gɨ Lug wal 15:9

Bɨ kɨɗɨn̰ ga hɨndi na waa sɨle tɔɔ di ba ba kayaŋ le na, hɨndi kɨya tɔgɛ ka-pɔgɨn̰oo ga kandɨ dan̰ ka-durdo bɨ yoge hɨn̰: “Laagɨŋ gusi-mɔwa danaŋ kɨya gɨ ɨŋ way sɨle tɨnge di ba baa kayaŋ le.”

Kɔl-gɨ-Ɗari gɨ Ja̰ wal 11:41

Kɨɗɨn̰ ga nee le, kan nongɨlge garma le coŋ. Ɨni na, Jesu ay cɨndi daa bɨ, ye hɨn̰: «Banɨ, ɨŋ leen̰ ho’o, kɨya gɨ ji je ɔlɛ hɨnge.

2 Korɛ̰t 4:3

Ama hɨn̰ gɨ hɨnga na tɨla cɨn̰ Kɔl-gɨ-Ɗari gɨ ni ba tee bɛrnɛdi le na, tol na cɨn̰ kan ga kɨya kayaŋge a te gɨyəŋ gɨŋ coŋ.

Epɛs 1:11

Na way hɨnga kana ga ni ban̰di-gulɔŋ ga ojɨ cayna na dan̰ gɨyəŋ gɨ da bugoŋ gɨ na bugoŋ pɨna te Kɨris. Kɨya wa Kumu torna tumɔ na dan̰ gɨyəŋ gɨ da gɨse koyi gɨ ban gɨsɨ le. Ban lee hɨnga nɔm hɨn̰ gɨ ban ojɨ bɨ, kuduroy gey wo̰ bɨ.

Epɛs 1:5

Kumu tumɔ ojɨ gɨ ɗi na kɨya lɔɔ gɨ na na bɨləŋ karɨndi kol cay hɨnga ga Jesu-Kɨris ba lee. Na hɨnga ga ban gey gɨ na wɨya hɨn̰ wo̰ kɨya cay ɗarwa toyi.