Kɔl-gɨ-Ɗari gɨ Lug wal 10:20 - Gabri Maja

²⁰ Naa hɨn̰ wo̰ kalɨn̰ ma, lɔɔgɨŋ gusi-mɔwa kɨya cay turnɔn̰əŋ ga ɨsɨndəŋ ga jege kɔl kɨbɨ gɨŋ ƴɔbɨ naŋ, ama laagɨŋ gusi-mɔwa kɨya gusondɨgɨŋ gɨ kan ɗege duroy magtubu di woy a daa nii a da Kumu.

Kɔl-gɨ-Ɗari gɨ Lug wal 10:20 ပူးပေါင်းရင်းမြစ်များ

Matɨyo 10:1

Jesu te ka-aye-cay-tɨbayi ga mɔjɨ-cayge-sɔɔ bɨ, bɨge dɔnɔ di ni tan̰ turnɔn̰əŋ ga ɨsɨndəŋ bɨ, poɗɨn̰ hɔmɨn̰ɛ ga toyge kan̰dɨge kan̰dɨge bɨ, torɨn̰ modo ga toyge kan̰dɨge kan̰dɨge bɨ.

Matɨyo 26:24

Naa wa wa kalɨn̰ ma Kurɨn̰-ungo le, kɨya mare ɔrɛ hɨn̰ gɨ kan ba walge ojɨn̰ cayi a duroy Magtubu di da Kumu dɨŋ le. Ama hɨnga ga dɨmbɨre woy gam ungo gɨ ba-aye cay Kurɨn̰-ungo le. Ungo gɨ nee le, kan ni na wooyge naŋ kalɨn̰ ma golgo.»

Matɨyo 27:5

Judasɨ bee sɨle di ni arja̰ le coŋ duroy ƴaa-di-da-Kumu dɨŋ bɨ, andaŋ or dɨbe gangɨ dɨɗɨn̰ gusi coŋ.

Pilib 4:3

Ji mɨganɨ ba-lɔɔ gɨye gɨ leen̰ cɨndi, ɨŋ olɨn̰ gɨ ji laa danage ɗe gasɨndɨge bugoŋ pɨna, kɨya wa kan ɗege gusɨge pɨna danaŋ worɨn̰in̰ge kɨya cay Kɔl-gɨ-Ɗari. Kan bee toyge pɨna dan̰ Kilima bɨ kamdi ka-lɔɔ gɨye ga ɗaŋ nɔm ga gusondɨge woy a duroy magtubu di ni pɔɗɛ dɨŋ bɨ, worɨn̰ɨn̰ge.

Əbɨro 12:23

Kɨŋ sɨygɨ na gusi Ka-Daye ga da karɨn̰aŋ ga woogege cay wase ga da Kumu bɨ, ga walge gusondɨge gɨɗɨgɨ-Kumu gɨŋ bɨ, kɨŋ sɨygɨ na gusi Kumu gɨ ba-bɔyɛ kɔl cay kalaŋ nɔm bɨ, gusi turnɔ da kalaŋ ga dan̰ durɔ ɗɨngar ga madɨrdaŋge ga woyge a gɨɗɨgɨ-Kumu gɨŋ gɨ Kumu bɨlge kuɗudaŋge duroŋ cɨrɛɗ bɨ.

Wasɨn̰a 13:8

Kalaŋ nɔm ga a cay gɨsəŋ ga n̰ɨrege kɨmana le, kan ga n̰ɨrege kɨmana le, na kalaŋ ga tumɔ ɓɨrag a te ɗɔɔ gɨ da cay gɨsəŋ gaŋ kalɨn̰ ma, kan wala gusondɨge a duroy magtubu sɔmɛ-bɨra da kurɨn̰-dɨmangɨ gɨ kan walge tumoyi le naŋ.

Wasɨn̰a 17:8

Kɨmana gɨ ji ba sɨlgayi le, tumɔ ban woy nee. Ama haw kɛ ban unɔ. Ban kɨya sɔ a te umboŋ gɨ ɗɨgi mɨrɨg gɨ kagadi unɔ gɨŋ andɨgaŋ doŋ bɨ, ɔrɛ kɨɗɨn̰ mundoŋ gaŋ. Kalaŋ ga gusondɨge unɔ a duroy magtubu sɔmɛ-bɨra gɨŋ, ayɨn̰ toy gɨ ɗen̰ge cay gɨsəŋ le, kan kɨya sɔlɛ kɨmana le bɨ, kɔl kɨya kayge gɨɗaŋ kɨya wa a boy wɔlɛ gɨ tumɔ gɨŋ ban woy nee bɨ haw kɛ ban unɔ, ama ban kɨya jɨga.

Wasɨn̰a 20:12

Ɨni na, ɨŋ sol kalaŋ nɔm ga mage ga kalɨn̰ bɨ, ga gɨmdəŋ bɨ, boyge lɨbɨ bɨ ɨrege dan̰ tɨbayge daa tumoy kali-tɨrɨmbala dɨŋ. Hangɨge duroy magtubun̰əŋ ga walge gɨye-lɔɔ gɨ da kalaŋ nee. Kumu boy kɔl cayge pɨna pɨna na dan̰ gɨyəŋ gɨ da hɨnga ga kan lee kɨɗɨn̰ ga kan ban̰ dan̰ cɨndɨge ƴee. Ɨni na, hangɨge magtubu di ɗaŋ di na magtubu sɔmɛ-bɨra.

Wasɨn̰a 20:15

Waŋ waŋ gɨ gusondi na unɔ a boy magtubu sɔmɛ-bɨra gɨŋ le, kan kɨya ƴomii dibii duroy kuraydi tɨwa dɨŋ coŋ.

Wasɨn̰a 21:27

Hɨnga ga ni kɨni kɨya andaŋ a duroy cay ƴaa-di-gumu dɨŋ le naŋ bɨ, kalaŋ ga ka-lɔɔ bɨrane bɨ, ka-poy bɨ, kɨya andaŋge a duroy cay ƴaa-di-gumu dɨŋ le naŋ. Ama na kan ga walge gusondɨge a duroy magtubu sɔmɛ-bɨra da Kurɨn̰-dɨmangɨ dɨŋ le ƴɔbɨ, ba kɨya andaŋge a duroy cay ƴaa di nee dɨŋ le.

Wasɨn̰a 3:5

Na hɨn̰ wo̰ ma, ungo gɨ na bɨya-kɨmbɨl na, ban kɨya dobii badɨge ga bɛrɛ tɨrɨjɨ gusi. Ɨŋ kɨya yɨde gusondi duroy magtubu sɔmɛ-bɨra gɨŋ coŋ naŋ, ama ɨŋ kɨya yɔ daa waŋ tumoy Banɨ dan̰ ka-ƴɔbɛ ga daa nii gɨ ungo gɨ nee le, naa hɨnge leen̰ cɨndi.