Kɔl-gɨ-Ɗari gɨ Lug wal 10:2 - Gabri Maja

² Ban yege hɨn̰: «Kalaŋ gɨlɨn̰ na hɨn̰ yage gɨ woli gɨ gasadɨge naa ɨni, ama kalaŋ ga ka-lɔɔ gɨye duroy nee dḛ wo̰. Na toy di hɨn̰ wo̰ ma, ulagɨŋ Kumu Ba-gulondi yage le ɗe gɨyɨn̰ dan̰ ka-lɔɔ gɨye daye cɨn̰ gasa le.

Kɔl-gɨ-Ɗari gɨ Lug wal 10:2 ပူးပေါင်းရင်းမြစ်များ

Matɨyo 20:1

«Sɨlagɨŋ, dɔɔ-ƴaa di daa nii woy gɨlɨn̰ na hɨn̰ ungo gɨ dan̰ kɨbɨ-ƴaadi, gɨ andaŋ dan̰ te kɨɗɨn̰ cud ma don kalaŋ ɗe na orge yage duroy yagedi suru toyi dɨŋ wo̰.

Marg 13:34

Kuɗa, kɨya wɔyɛ gɨlɨn̰a na hɨn̰ ungo gɨ pɨna wo̰ gɨ or tɨrga. Ban ɗe ƴaadi bɨ, ay noy bɨn̰ marɨne ka-lɔɔ gɨye kayi, ɗe waŋ waŋ kalɨn̰ ma na cɨbɨ cɨndi kardi gɨye-lɔɔdi lɔɔdi. Kardi nee ban ay noy bɨn̰ ba-game kɨbɨ-ƴaadi gɨ ban na sɨma-bɨra.

Marg 16:15

Kardi nee ban yege hɨn̰: «Ɨragɨŋ a cay gɨsəŋ gaŋ nɔm, tɨgagɨŋ bɛrnɛ di da Kɔl-gɨ-Ɗari bɨn̰gɨŋ kalaŋ a kɨɗɨn̰ gaŋ nɔm.

Marg 16:20

Ama ka-aye-cay-tɨbay Jesu na, gorge a kɨɗɨn̰ gaŋ nɔm teen̰ge bɛrnɛ di da Kɔl-gɨ-Ɗari. Ba-gulɔŋ lee gɨye danage, bɨge tɔgɨ di ni leen̰ hɨnga ga ɗɨn̰ cɨn̰-kɨɗɨn̰, ɗe kalaŋ na solɨn̰ge gɨ bɛrnɛ di kan ba teege le naa kɔl gɨ cɨndi.]

Kɔl-gɨ-Ɗari gɨ Lug wal 9:1

Jesu te ka-aye-cay-tɨbayi ga mɔjɨ-cayge-sɔɔ ɨni na, ay noy bɨge dan̰ tɔgɨ bɨ dɔnɔ bɨ ɗe kan na poɗɨn̰ ka-hɔmɨn̰ɛ bɨ, tayɨn̰ turnɔn̰əŋ ga ɨsɨndəŋ coŋ bɨ.

Gɨye-lɔɔ 11:19

Kalaŋ ga kan gɨlge cɨn̰-kɨɗɨn̰ ga kan dɨɗɨn̰ Etɛn le, busdoŋge a cay kɨɗɨn̰ gaŋ. Ga pɨna duroyge orge bɨrɨŋ andaŋge a cay gɨsəŋ ga Pinisi gaŋ bɨ, ga Sɨpɨr gaŋ bɨ, cay ƴaa-di-gumu di Antɨyɔs dɨŋ bɨ. Kan tee bɛrnɛ kɔl gɨ da Kumu bɨn̰ kalaŋ, ama kan tee bɨn̰ na Jubɨn̰əŋ ƴɔbɨ.

Gɨye-lɔɔ 13:2

Wɔlɛ gɨ pɨna wo̰, kɨɗɨn̰ ga kan dayge cayge kɨya n̰ɨre Ba-gulɔŋ bɨ, haye kɨbɨge bɨ na, Turnɔ ɗe-kuduroy-bɛrɛ yege hɨn̰: «Dɨragɨŋ Barnabas bɨ, Sol bɨ, ɗagegɨŋ dan̰ cɨndɨge bəŋ kɨya loon̰ gɨye gɨ ɨŋ teege koldi le.»

Gɨye-lɔɔ 13:4

Barnabas bɨ, Sol bɨ le, na Turnɔ ɗe-kuduroy-bɛrɛ ba gɨyge ɗe gɨ kan na ɨrage Selesi. Kan nayge boy koburo gɨ gumu taa taa gɨŋ a kɨɗɨn̰ ga nee gaŋ le bɨ, kan say orge cɨndɨge jɨn̰ hɔgɨwa gɨ Sɨpɨr gɨŋ.

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

Gɨye-lɔɔ 22:21

Ama Ba-gulɔŋ yəŋ hɨn̰: “Ɨra, ɨŋ kɨya gɨyɨn̰ na hen̰, dan̰ kɨɗɨn̰ ga kɛ gaŋ gusi kalaŋ ga toyge na Jubɨ naŋ”.»

Gɨye-lɔɔ 8:4

Ka-aye kudurɔ ga ba busdoŋge le orge dan̰ kɨɗɨn̰ kɨɗɨn̰ kɨya tɔgɛ bɛrnɛ Kɔl-gɨ-Ɗari.

1 Korɛ̰t 12:28

Kalaŋ ga cay wase ga Kumu sige a cay Ka-Daye kay gaŋ le na ka-gɨre-gɨye. Kan ga kobɨ kardɨge na ka-yɔɔ-kɔl-gɨ-Kumu-ba-yɔɔ. Kalaŋ ga ni sɨbɨdɨge na ka-gɨlɨn̰ kalaŋ hɨnga. Kardi nee na, na ka-lɔɔ hɨnga ga ni beli. Kardi nee ɗaŋ coŋ na, na ka-orɨn̰ dan̰ dɔnɔ gɨ ni poɗɨn̰ ka-hɔmɨn̰ɛ bɨ, ka-jɨbe te karmɨge bɨ, ka-dɔrɛ tumon̰ kamdɨge bɨ, ka-yɔ kɨbɨ gɨ ungo sɨla naŋ bɨ,

1 Korɛ̰t 15:10

Ama haw kɛ na ɨŋ na ba-gɨre-gɨye kɨya gɨ Kumu lee ɗarwa danaŋ bɨ, ɗarwa di Kumu lee danaŋ le na hɨnga ga wo̰ dugo naŋ. Kɨya wa ɨŋ lee gɨye ɗige kan nɔm. Leen̰ cɨndi na, gɨ lee gɨye kuɗa na, na ɨŋ-bandi naŋ ama na ɗarwa di da Kumu di ba danaŋ.

2 Korɛ̰t 6:1

Naa hɨn̰ wo̰ na ni-gandi ga ni na ka-lɔɔ gɨye pɨna dan̰ Kumu le, ni lee n̰age toygɨŋ, kɨŋ ɗɔɔ ɗarwa di kɨŋ ba way gusi Kumu le bɨle hɨnga ga kalɨn̰ wo̰ dugo naŋ.

Pilib 2:21

Kalaŋ nɔm malge na hɨnga ga kɨya ɨrgan̰ dan̰ ɗarwa di da kuyoŋdi-gusɨge koge ƴɔbɨ, ama na hɨnga ga kɨya ɨrgan̰ dan̰ ɗarwa kol cay Jesu-Kɨris naŋ.

Pilib 2:25

A boy ɨrɨme hɨnge gɨŋ na, ojɨ gɨ ɨŋ na gɨyɨn̰ dan̰ kurɨnɨ Epapərodit gɨ lee gɨye danaŋ bɨ, ni ɨre kɨbɨ wɔrɨn̰ɛ gɨŋ pɨna le bɨgɨŋ. Na cɨndi, na kɨŋ-gandi ba gɨyɨn̰ danayi bəŋ ɗe na ɨrgan̰ dan̰ hɨnga ga ɨŋ or n̰agedɨge bəŋ.

Pilib 2:30

Kɨya wa ba mɨnde gɨ ban ni kɨya mare kɨya cay gɨye gɨ da Kɨris. Ban ay gusi dɨbɨ coŋ ƴen̰ ban̰dɨgɨŋ leen̰ gɨye kɨya gɨ toygɨŋ hen̰.

Kɔlɔs 1:29

Na toy di hɨn̰ wo̰ ma, ɨŋ lee gɨye gɨlalɨn̰ kɔɗ kɔɗ bɨ, worɨn̰ɨn̰ dan̰ gɨyəŋ gɨ da tɔgɨ da Kɨris di lee gɨye gusɨnɨ dan̰ dɔnɔ bɨ.

Kɔlɔs 4:12

Epapəras gɨ na ungo gɨ a tagɨŋ le, ləgɨŋ lapɨya. Ban na marɨna ba-gɨye gɨ da Jesu-Kɨris, gɨ lee kɨmbɨl kol caygɨŋ a duroy ɔlɛ Kumu gɨŋ, ɗe agɨŋ na ɨrɨn̰ a cay tɨbayigɨŋ dɨŋ jaŋ bɨ, won̰ kalaŋ ga duroŋ cɨrɛɗ bɨ, leen̰ hɨnga ga kuduroy Kumu gey bɨ.

1 Tesalonigɨ 2:9

Ay, karmɨnɨ ga ban̰aŋ dan̰ ga kandɨ, hɨngɨŋ a cay gɨye gɨ ni ba lee ƴomɨn̰ kɨjan̰e le bɨ, cay gɨlale gɨ ni ba gɨlal danagɨŋ bɨ. Kɨɗɨn̰ ga ni ba tee bɛrnɛ di da Kɔl-gɨ-Ɗari gɨ da Kumu bɨgɨŋ le, ni lee gɨye dan̰ son̰do bɨ, tɨwa di ɨni bɨ, ɗe ani na nɨyin̰ ungo pɨna wo̰ duroygɨŋ naŋ.

1 Tesalonigɨ 5:12

Karmɨnɨ ga ban̰aŋ dan̰ ga kandɨ, ni olgɨŋ gɨ kɨŋ bɨgan̰ kalaŋ ga duroygɨŋ ga gɨlalge danagɨŋ bɨ, ga Ba-gulɔŋ sige caygɨŋ bɨ, ga halgɨŋge bɨ le, kɔl nee.

2 Tesalonigɨ 3:1

Ay, karmɨnɨ ga ban̰aŋ dan̰ ga kandɨ, kɔl gɨ ni ba kɨya yɔ gɨ ni kagadi ba kɛ: Ulagɨŋ Kumu kol cayni ɗe kɔl gɨ da Ba-gulɔŋ na cɨɗa gɨyəŋ koyi bɨ, ɗe kalaŋ na dɨbɨn̰ gusoŋ-tɔgɛ hɨn̰ gɨ ba won̰ a tagɨŋ wo̰ bɨ.

1 Timote 4:10

Əw, hɨn̰ gɨ na na laa gɨye kunda bɨ, wɨrɨn̰a bɨ na, na kɨya ɗɔɔ gɨ na ɗe ɨrɨmedɨna a cay Kumu gɨ som-bɨra dan̰ cɨndi le. Ban na ba-pɔɗɛ kalaŋ ga ɨndəŋ nɔm bɨ, kondɨwayge na, ban poɗɨ na ka-aye kudurɔ.

2 Timote 4:5

Ama ji-bandi na ƴɨma-gusɨn̰ usa a cay hɨnga nɔm ga kɛ le. Ji haya kuduron̰ duroy hɨnga ga ni gɨle-cɨn̰ gaŋ. Gɨye gɨ ni tɔgɛ bɛrnɛ kɔl-gɨ-Ɗari gɨ Kumu bɨn̰ le, ji laayi kuɗa.

Pilemo 1:1

Na ɨŋ-bandi Pol gɨ woy dangay dɨŋ kɨya cay Jesu-Kɨris le, ni-gandi dan̰ kurɨndɨna Timote, ni wal dan̰ kɔl gɨ kɛ le gɨyɨn̰ bɨn̰ ji-bandi Pilemo gɨ ni lee-ton̰, ji mɨgayni ba-lɔɔ gɨye bɨ,

Əbɨro 3:6

Ama Kɨris na, ban ɨre cay tɨbayi dɨŋ na hɨn̰ Kurondi gɨ bayi Kumu sii a cay ƴaadi dɨŋ. Ƴaa di nee le na na-gandi, hɨn̰ gɨ na na ƴɨma kardi aye kudurɔ usa bɨ, tɨga-pɨre cay hɨnga ga na ba beegɨŋ ɨrɨmedɨna cay nee bɨ.

Wasɨn̰a 2:1

Ungo gɨ ɨŋ ba solii le, ye ɗaŋ coŋ ye hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Epɛs dɨŋ. «Ban gɨ ba ƴɔmɛ dɛsɨɗɛŋ ga jurgum a kobi gɨ bara gɨŋ bɨ, gɨ ba gɔrɛ duroy lamban̰əŋ ga jurgum ga leege dan̰ nare gɨ ni lɔr le, ye hɨn̰: