Kɔl-gɨ-Ɗari gɨ Lug wal 1:78 - Gabri Maja

⁷⁸ Kɨya sɔlɛ cɨn̰-n̰age da Kumu koni Gɨ ɗɨn̰ cɨn̰-kɨɗɨn̰ le ma, Ɗe kɨɗɨn̰ ga woli sayga daa, Asɨn̰ cayni hɨn̰ tɨwa di sayga daa wo̰.

Kɔl-gɨ-Ɗari gɨ Lug wal 1:78 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 3:16

Na cɨndi, Kumu gey kalaŋ ga cay gɨsəŋ gaŋ tɔgɨ, lee gɨ ban ay kurondi gɨ pɨna hayi kəɗ kəɗ bee, ɗe waŋ waŋ gɨ na bɨga kuduroyi cayi na, na mundoŋ naŋ, ama na wayan̰ sɔmɛ-bɨra gɨ dan̰ cɨndi.

Epɛs 5:14

Kɨya wa hɨnga nɔm ga ungo sɨɗɨgɨ toyge daa le, kɨya bɨləŋ na kɨɗɨn̰ ga asɨn̰. Na toy di hɨn̰ wo̰ ma kan yege hɨn̰: «Sa cay kuŋ gaŋ, ji ba wɔyɛ kuŋ le, Sa daa duroy kalaŋ ga madɨrdaŋ gaŋ, Ɨni na, Kɨris kɨya asɨn̰e can̰.»

Pilib 1:8

Kumu na tɨmon̰ hɨnge: Ɨŋ geygɨŋ na hɨn̰ gɨ Jesu-Kɨris ba geynagɨŋ wo̰ bɨ.

Pilib 2:1

Hɨnga ga beena pɨna dan̰ Kɨris ga dobɨ bandɨ kuduroyna wɨya nee naŋ ga? Hɨnga ga bɨna tɔgɨ a te geye gɨŋ wɨya nee naŋ ga? Kɨŋ bugoŋ pɨna te Turnɔ di da Kumu ɗe saɗɨna pɨna le naŋ ga? Kuduroyna ga woy a cay gusɨna wɨya nee naŋ ga? Sɔlɛ cɨn̰-n̰age da gusɨna wɨya nee naŋ ga? Ho’o woy nee.

Kɔlɔs 3:12

Ay, kalaŋ ga Kumu torgɨŋ, kɨŋ bɨle na kalaŋ kayi ga woyge dan̰ cɨndɨge bɨ, ga ban geyge bɨ. Na toy di hɨn̰ wo̰ ma, kuɗa gɨ kɨŋ dɨba sɔlɛ cɨn̰-n̰age da gusɨgɨŋ a gusɨgɨŋ hɨn̰ badɨge wo̰ ɗe agɨŋ bɨlɨn̰ ka-lɔɔ ɗarwa bɨ, ka-dɔgɛ jɔrgɔ naŋ bɨ, kalaŋ ga kaledɨge jal bɨ, ka-dɨbe ɗugɔ bɨ.

2 Pɨyɛr 1:19

Lee gɨ ni lun̰doŋ kardi kɔl gɨ da ka-yɔɔ-kɔl-gɨ-Kumu-ba-yɔɔ ba yege le, osu ɗɨn̰ gɨ tumɔ coŋ. Hɨn̰ gɨ kɨŋ na bɨga kuduroygɨŋ kardi kɔl gɨ nee le na, kɨŋ lee na hɨnga ga kuɗa. Kɨya wa ban woy gɨlɨn̰ na hɨn̰ lamba di ƴee duroy dɨlɨm dɨŋ bɨrɨŋ kɨɗɨn̰ wol wo̰. Kɨɗɨn̰ ga woli le, na turɨmbɔlɔ gɨ na Kɨris gɨ kɨya lɔɔ gɨ na kɨya solɨn̰gɨŋ hɨnga nɔm.

1 Ja̰ 3:17

Hɨn̰ gɨ ungo na ɨran̰ dan̰ kandi-wɔɔ ga a cay gɨsəŋ gaŋ mana lɨgɨ cɨndi daa a cay kurɨndi gɨ hɨnga wɨyii na, kɛ na mɨna ma ban gɨ yɔ gɨ ɗi na gey Kumu ga?

Wasɨn̰a 22:16

Ɨŋ-bandi Jesu, ɨŋ gɨy dan̰ ba-ƴɔbɛ hɨnge gɨ daa nii kol caygɨŋ kɨŋ-gandi Ka-Daye ɗe agɨŋ na jen̰ tɨmon̰ di da hɨnga nɔm ga woy a duroy magtubu di kɛ dɨŋ le. Ɨŋ na kungay Dabid bɨ kɨlma gɨ a te wɨn̰je koyi gɨŋ bɨ. Ɨŋ na turɨmbɔlɔ di asɨn̰ dan̰ tɔgɔɔ bɨ.