Kɔl-gɨ-Ɗari gɨ Lug wal 1:2 - Gabri Maja

² Kan walge na dan̰ gɨyəŋdɨge gɨyəŋdɨge, hɨn̰ gɨ kan ga ba solge dan̰ cɨndɨge a toy dɨŋ bɨ, ba dorge koldi bɨge le bɨ. Kan ga ba solge dan̰ cɨndɨge le, bɨləŋge labɨde na ka-tɔgɛ bɛrnɛ ga da Kumu.

Kɔl-gɨ-Ɗari gɨ Lug wal 1:2 ပူးပေါင်းရင်းမြစ်များ

Marg 1:1

Kɔl-gɨ-Ɗari gɨ da Jesu-Kɨris Kurɨn̰-Kumu ay toy na kɛ.

Marg 16:20

Ama ka-aye-cay-tɨbay Jesu na, gorge a kɨɗɨn̰ gaŋ nɔm teen̰ge bɛrnɛ di da Kɔl-gɨ-Ɗari. Ba-gulɔŋ lee gɨye danage, bɨge tɔgɨ di ni leen̰ hɨnga ga ɗɨn̰ cɨn̰-kɨɗɨn̰, ɗe kalaŋ na solɨn̰ge gɨ bɛrnɛ di kan ba teege le naa kɔl gɨ cɨndi.]

Marg 4:14

Ba-gɨse gasi gɨse le gɨsɨ na Kɔl.

Kɔl-gɨ-Ɗari gɨ Lug wal 24:48

Kɨŋ na ka-sɔlɛ dan̰ cɨndɨgɨŋ bɨ, ka-yɔɔ kol hɨnga ga nee le nɔm bɨ.

Kɔl-gɨ-Ɗari gɨ Ja̰ wal 15:27

Kardi nee na, na kɨŋ-gandi ba kɨya lɔɔ tɨmon̰ tɨnge bɨn̰ kalaŋ ga ɗaŋ, kɨya wa kɨŋ ay te gɨye danaŋ bɨrɨŋ gɨsɨn̰ labɨde.»

Kɔl-gɨ-Ɗari gɨ Ja̰ wal 16:4

Ama ɨŋ yəgɨŋ kɔl gɨ nee le, na ɗe gɨ kɨɗɨn̰ ga wɔlɛdi na ɓala na, kuduroygɨŋ na hɨn cay nee, gɨ ɨŋ na yəgɨŋ koldi ɨni. Ayɨn̰ a toy dɨŋ, ɨŋ yagɨŋ kɔl gɨ nee le naŋ, na kɨya gɨ ɨŋ-bandi kalɨn̰ ma, ɨŋ ba danagɨŋ ƴee.»

Gɨye-lɔɔ 1:3

Na kan ga nee le ɗaŋ coŋ ma ban gɨl gusi bɨge ɓal wɔlɛ toyi-poɗɨn̰ bɨ, leen̰ hɨnga ga ɗaŋ kardi tɨmaydi dɨŋ bɨ, gɨlge gɨ ɗi na som dan̰ cɨndi bɨ, ɗi na lee gɨ kan na soliige bɨ, arɨn̰ kɔl danage ojɨn̰ cay dɔɔ-ƴaa di da Kumu bɨ.

Gɨye-lɔɔ 1:8

Ama kɨŋ kɨya wɔɔ dɔnɔ, kɨɗɨn̰ ga Turnɔ ɗe-kuduroy-bɛrɛ kɨya gɨsɨne caygɨŋ. Kɨɗɨn̰ ga nee le na, kɨŋ kɨya bɨle tɨmon̰n̰əŋ kange a cay ƴaa-di-gumu di Jerusalɛm dɨŋ bɨ, boy cay gɨsəŋ ga Jude gaŋ nɔm bɨ, boy cay gɨsəŋ ga Samari gaŋ nɔm bɨ, bɨrɨŋ gon̰ kɨɗɨn̰ nɔm ga a cay gɨsəŋ gaŋ bɨ.»

Gɨye-lɔɔ 14:25

Kan teege bɛrnɛ kɔl gɨ da Kumu a Pɛrjɨ bɨ, kardi nee ɨni na, kan say orge a cay ƴaa-di-gumu di Atali dɨŋ.

Gɨye-lɔɔ 16:6

Pol dan̰ Sɨlas kaydege cay gɨsəŋ ga Pɨrɨji bɨ, Galasi bɨ, andɨn̰ge, kɨya wa Turnɔ ɗe-kuduroy-bɛrɛ narge tɔgɛ bɛrnɛ a cay gɨsəŋ ga Aji gaŋ.

Gɨye-lɔɔ 17:11

Jubɨ ga Bere orɨn̰ge dan̰ ɨrɨme gɨ kuɗa ɗɨn̰ Jubɨ ga Tesalonigɨ. Kan ƴeege kɔl gɨ da Kumu haw tɔgɨ bɨ, dan̰ wɔlɛ pɨna pɨna kan kobɨge te kɔl gɨ kan ba walge duroy Magtubu di da Kumu dɨŋ kɨya solɨn̰ kɛ, kɔl gɨ Pol ba gɨlge le, naa nee hayi ga?

Gɨye-lɔɔ 26:16

Haw kɛ na, sa ɨr dan̰ tɨban̰ daa bɨ ɨŋ kɨya yon̰ na kɨya wa ma maŋ gɨl gusɨnɨ bɨn̰ le. Ɨŋ dorɨn̰ ɗe gɨ ji na bɨl ba-gɨye hɨnge bɨ, tɨmon̰ hɨnge bɨ. Ji kɨya yon̰ kalaŋ kol hɨnga ga ɨŋ ba haŋgɨ cayge bɨn̰ haw kɛ bɨ, kol hɨnga nɔm ga ɨŋ kɨya haŋge cayge bɨn̰ kardi nee bɨ.

Gɨye-lɔɔ 4:20

Ni-gandi na, hɨnga ga ni ba sol dan̰ cɨndɨni bɨ, ni ba je dan̰ sɨmayni bɨ le, ni gɨ ɓale sɔgɨyɛ koldɨge dugo naŋ.»

Gɨye-lɔɔ 8:4

Ka-aye kudurɔ ga ba busdoŋge le orge dan̰ kɨɗɨn̰ kɨɗɨn̰ kɨya tɔgɛ bɛrnɛ Kɔl-gɨ-Ɗari.

Magtubu di Pol wal bɨn̰ kalaŋ ga Rɔm 15:16

Kumu bɨləŋ marɨna ba-gɨye gɨ da Jesu-Kɨris a gusi kalaŋ ga toyge na Jubɨ naŋ. Ɨŋ ay gusɨnɨ dɨbɨ coŋ kɨbɨ gɨye gɨ ni tɔgɛ bɛrnɛ Kɔl-gɨ-Ɗari gɨ da Kumu gɨŋ, ɗe te kalaŋ ga toyge na Jubɨ naŋ na bɨlɨn̰ge wɨyan̰ge hɨn̰ hɨnga ga ni bogɨn̰ kɨbar ga woy dan̰ cɨndɨge dan̰ gɨyəŋ gɨ da Turnɔ ɗe-kuduroy-bɛrɛ bɨ, na ƴan̰ cɨn̰ Kumu bɨ.

1 Korɛ̰t 4:1

Naa hɨn̰ wo̰ na, kuɗa gɨ kɨŋ sɨlani laan̰ marɨne ka-gɨye ga da Kɨris bɨ, laan̰ kalaŋ ka-sɔlɛ kardi hɨnga ga da Kumu ga woy kɨɗɨn̰ wɔsɛdɨge gaŋ bɨ.

Əbɨro 2:3

Pɔɗɛ gɨ gumu gɨ nee le, hɨn̰ gɨ na na sɨla laan̰ hɨnga naŋ na, kɛ kɔl gɨ ƴɔmɛ cayna naŋ na mɨna ga? Pɔɗɛ gɨ gumu gɨ nee le, Ba-gulɔŋ ban gusi koyi ay te tɔgɛ bɛrnɛdi tumɔ pa dɨm ma, kan ga jege koldi dan̰ sɨmayge yenige, lee gɨ or kɨɗɨn̰di gaŋ.

1 Pɨyɛr 5:1

Haw kɛ na, ɨŋ gey yon̰ ka-muɗɔlɛ ga somge duroygɨŋ kɔl. Ɨŋ-bandi kalɨn̰ ma, ɨŋ na mɨgayge gɨ ba muɗɔlɛ gɨ da Ka-Daye bɨ. Ɨŋ na tɨmon̰ gɨ da cɨn̰-gɨle-cɨn̰ gɨ da Kɨris bɨ, wɔlɛ gɨ gusoŋ-tɔgɛ koyi kɨya gɨle gusi doŋ le, ɨŋ-bandi kalɨn̰ ma, ɨŋ kɨya wɔɔ hɨnge danayi bɨ. Hɨnga ga ɨŋ ɨngɨrgɨŋ kɨŋ-gandi ga muɗoldoŋ ba kɛ:

2 Pɨyɛr 1:16

Kɔl gɨ ni ba tee bɛrnɛdi bɨgɨŋ ojɨ cay dɔnɔ di da Ba-gulondɨna Jesu-Kɨris bɨ, caga koyi bɨ le, na dɔrɛ kɔl gɨ cayi bɨ toyi bɨ unɔ hɨn̰ dɔrɛ kɔl gɨ kalaŋ dorge dan̰ cɨn̰-muɗɔlɛ koge wo̰ naŋ. Na cɨndi, ni-gandi ni sol gɨmɨn̰aw toyi dan̰ cɨndɨni bɨ, lee tɨmon̰ toyi bɨ.