Kɔl-gɨ-Ɗari gɨ Lug wal 1:17 - Gabri Maja

¹⁷ Ban kɨya gɔrɛ tumoy Kumu dan̰ Turnɔ ɗe dɔnɔ bɨ, dan̰ gɨye-lɔɔ gɨ da Eli, ba-yɔɔ-kɔl-gɨ-Kumu-ba-yɔɔ bɨ. Ban kɨya bɨle kuduroy karɨn̰aŋ Ban̰an̰ge jɨn̰ gusi karɨndɨge, ɗe kan na bugoŋ pɨna bɨ, kɨya lɔɔ ɗe gɨ ka-baa ga da Kumu na ɨrɨmge hɨn̰ gɨ ka-lɔɔ hɨnga ga dan̰ durɔ ɗɨngar, ba ɨrɨmɨn̰ge wo̰ bɨ. Hɨn̰ wo̰ na, ban kɨya yanin̰ kalaŋ, ɗe na ɨrɨn̰ge cay tɨbayge dɨŋ bɨn̰ Ba-gulɔŋ Kumu.»

Kɔl-gɨ-Ɗari gɨ Lug wal 1:17 ပူးပေါင်းရင်းမြစ်များ

Matɨyo 11:14

Ama hɨn̰ gɨ kɨŋ na gey sɔlɛ duroy kɔl gɨ nee le na, Eli gɨ kɨya caga le na Ja̰.

Matɨyo 3:3

Ijay ba-yɔɔ-kɔl-gɨ-Kumu-ba-yɔɔ tumɔ ye hɨn̰: «Noy ungo gɨ pɨna wo̰ ye a duroy daldɨŋ pəŋ pəŋ ye hɨn̰: “N̰anagɨŋ gɨyəŋ gɨ da Ba-gulɔŋ bɨ, Laagɨŋ karɨn̰ gɨyəŋ kayi ɗe ɨre dan̰ durɔ ɗɨngar bɨ.”»

Matɨyo 3:4

Ja̰ le orɨn̰ na dan̰ badɨge ga leege dan̰ teɗi jambal bɨ, saɗɨ te wɨrɨndi na dan̰ ɓala bɨ. Hɨnga dɔɔdi na dugunun̰əŋ bɨ, sɔŋ di tumu di coŋ bɨ.

Kɔl-gɨ-Ɗari gɨ Lug wal 1:16

Ban kɨya jɨgan̰ dan̰ karɨn̰ Ɨsɨrayɛln̰əŋ dan̰ kondɨwayge orɨn̰ danage gusi Ba-gulɔŋ, Kumu koge.

Kɔl-gɨ-Ɗari gɨ Lug wal 1:76

Bɨ ji kuronɨ, kan kɨya togɨn̰ge Gɨ ji naa ba-yɔɔ-kɔl-gɨ-Kumu-ba-yɔɔ, Gɨ da Kumu gɨ daa nii gɨ ba ɗɨn̰ cay hɨnga nɔm nɔm, Kɨya wa ji kɨya gɔrɛ tumoy Ba-gulɔŋ Kɨya n̰anɨn̰ gɨyəŋ koyi bɨ,

Kɔl-gɨ-Ɗari gɨ Ja̰ wal 1:13

Kan ga nee le, bɨləŋge karɨn̰ Kumu na dan̰ gɨyəŋ gɨ da kɨbar naŋ bɨ, dan̰ gɨyəŋ gɨ da kuyoŋdi-gusu naŋ bɨ. Ama na dan̰ gɨyəŋ gɨ da kuduroy geye gɨ da Kumu.

Kɔl-gɨ-Ɗari gɨ Ja̰ wal 1:34

Ɨŋ-bandi ɨŋ sol dan̰ cɨnɨ bɨ, ɨŋ lee tɨmon̰ kol cayi bɨ, gɨ ban na Kurɨn̰-Kumu.»

Kɔl-gɨ-Ɗari gɨ Ja̰ wal 3:28

Kɨŋ kalɨn̰ ma kɨŋ ɓal lɔɔ tɨmon̰ gɨ ɨŋ ye hɨn̰: Ɨŋ na Kɨris ban gɨ Kumu dorii le naŋ, ama Kumu gɨyigəŋ gɨ ɨŋ na ɨre tumoyi.

Gɨye-lɔɔ 10:33

Kɨɗɨn̰di ga nee gaŋ le bɨ, ɨŋ gɨy kalaŋ kardɨn̰, lee gɨ ji ɨrga na, ji lee na hɨnga ga kuɗa tɔgɨ. Haw kɛ na, ni som nɔm na tumoyi Kumu, kɨya jon̰ kɔl nɔm gɨ Ba-gulɔŋ ba yen̰ gɨ ji na yani le.»

Magtubu di Pol wal bɨn̰ kalaŋ ga Rɔm 9:23

Kumu gey gɨle kandi-wɔɔ ga da gusoŋ-tɔgɛ koyi gɨ lee hundɔrɔ a gusi kan ga ban sol cɨn̰-n̰age toge, ga ban ƴom cay tɨbayige na jɨne hayi ɗe kan na andɨn̰ge a boy gusoŋ-tɔgɛ koyi gɨŋ le.

Kɔlɔs 1:12

Hɨn̰ wo̰ na, kɨŋ laan̰ Bayna Kumu ho’o dan̰ tɨwa nɔm. Kɨya wa ban bɨlna leen̰ kalaŋ ga na ɓal wɔɔ hɨnga ga ni ban̰di-gulɔŋ ga da kalaŋ ga woyge dan̰ cɨndɨge boy dɔɔ-ƴaa asɨn̰a dɨŋ.

2 Timote 2:21

Ungo gɨ na dɨran̰ gusi mɨra kɨya cay kɨni gɨ nee le na, ban kɨya bɨləŋ na kɔjɛ ga woy kɨya gɨye gɨ da wɔlɛ gɨ ni kɨdɨrɛ bɨ, gɨ doriige sige dan̰ cɨndi bɨ, gɨ woy na kɨya loon̰ gɨye gɨ da Ba-gulondi gɨ ƴomge cay tɨbayi kuɗa ojɨn̰ cay gɨye nɔm gɨ kuɗa bɨ.

1 Pɨyɛr 2:9

Ama kogɨŋ kɨŋ-gandi na, kɨŋ na te wɨn̰je ga Kumu torgɨŋ bɨ, kɨŋ na ka-bɔgɛ kɨbar ga da kɨlma bɨ, te kalaŋ ga torgege ɗege dan̰ cɨndɨge bɨ. Kɨŋ na te kalaŋ ga Kumu torge ɗe agɨŋ na teen̰ bɛrnɛ di da hɨnga ga ɗadɨrdaŋ ga ban lee. Kumu təgɨŋ ɗe agɨŋ na andɨn̰ duroy dɨlɨm dɨŋ coŋ bɨ, ɗe gɨ agɨŋ na ɨrgan̰ duroy asɨn̰a toyi di kuɗa tɔgɨ dɨŋ bɨ.

1 Ja̰ 2:28

Ho’o, karɨnɨ kange bugoŋgɨŋ pɨna dan̰ Kɨris ɗe wɔlɛ gɨ ban na andaŋ dus na, ana ɨrɨn̰gɨŋ tumoyi dɨle sɔlɛ-hɨnga pɨna wo̰ bɨ, dɨle dasi dɔɔnagɨŋ bɨ.

Wasɨn̰a 20:4

Kardi nee, ɨŋ sol kali-tɨrɨmbalan̰əŋ. Kalaŋ ga somge cay nee le, kan bɨgege gɨyəŋ gɨ kan na bɨyan̰ kɔl. Ɨni na, ɨŋ sol turnoy kalaŋ ga sɨdɨrdege cayge coŋ dan̰ tuguyu kol tɨmon̰ di kan lee kɨya cay Jesu bɨ, kol bɛrnɛ di da kɔl gɨ da Kumu bɨ. Kalaŋ ga nee le na kalaŋ ga n̰ɨrge kɨmana le naŋ bɨ, turnoyi naŋ bɨ, tɨnda hɨnga wɨya a jɨndɨge naŋ bɨ, kobɨge naŋ bɨ. Kan jɨgage som-bɨra bɨ, diige cay ƴaa pɨna dan̰ Kɨris ɓal ɨlge dubu-pɨna.