Kɔl-gɨ-Ɗari gɨ Ja̰ wal 9:30 - Gabri Maja

³⁰ Ban jɨga dɨbɨge cay nee yege hɨn̰: «Sɨlagɨŋ haw kɛ na, hɨnga ga dor turnoyi kɨɗɨn̰ ba kɛ, kɨŋ sɨla kɨɗɨn̰ ga ban saygan̰ nee naŋ, ama na ban ba haŋge cɨnɨ.

Kɔl-gɨ-Ɗari gɨ Ja̰ wal 9:30 ပူးပေါင်းရင်းမြစ်များ

Matɨyo 11:5

Ka-bɨbe solge kɨɗɨn̰ bɨ, ka-modoŋ orge daa osɨ kəŋ kəŋ bɨ, ka-mada kalɨn̰ ma mada duroŋ gusɨge bɨ, kalaŋ ga sɨmayge ja kɔl naŋ kalɨn̰ ma, jege kɔl bɨ, kalaŋ ga mage kalɨn̰ ma boyge lɨbɨ bɨ, Kɔl-gɨ-Ɗari le kalɨn̰ ma kan teege bɛrnɛdi bɨn̰ge kan ga hɨnga wɔɔdɨge unɔ bɨ.

Matɨyo 21:42

Bɨ Jesu yege hɨn̰: «Kɛ, kɨŋ ɗɨngɨsa kɔl gɨ kɛ le, duroy Magtubu di da Kumu dɨŋ naŋ ga? “Oru gɨ tumɔ ka-gaɗe ƴaa dɨbɨge pɨrɨŋ coŋ le, Say bɨle na oru gɨ kuɗa tɔgɨ, ɗɨn̰ kamdi gɨ kan ɗe tɨbɨn̰ ƴaa dɨŋ. Hɨnga ga nee le, na gɨye-lɔɔ gɨ da Ba-gulɔŋ. Lee gɨ say bɨle hɨnga ga ɗɨn̰ cɨn̰-kɨɗɨn̰ cɨndɨnagɨŋ.”

Marg 6:6

Kɔl kayi Jesu sɛl sɛl kɨya cay aye kudurɔ koge gɨ wɨyge. Ɨni na, Jesu gor a cay gulɔŋ ga nɨwɨre cay Najarɛt gɨlɨn̰ kalaŋ hɨnga nee.

Kɔl-gɨ-Ɗari gɨ Lug wal 7:22

Bɨ ga ma ban jɨga dɨbɨn̰ ka-aye-cay-tɨbay Ja̰ cay nee yege hɨn̰: «Ɨragɨŋ dɨran̰gɨŋ Ja̰ kol hɨnga ga kɨŋ ba sol dan̰ cɨndɨgɨŋ bɨ, dan̰ ga kɨŋ ba je dan̰ sɨmaygɨŋ bɨ: Ka-bɨbe solge kɨɗɨn̰ bɨ, ka-modoŋ orge daa osɨ kəŋ kəŋ bɨ, ka-mada kalɨn̰ ma mada toge duroŋ gusɨge bɨ, kalaŋ ga sɨmayge ja kɔl naŋ kalɨn̰ ma jege kɔl bɨ, kalaŋ ga mage kalɨn̰ ma boyge lɨbɨ bɨ, Kɔl-gɨ-Ɗari le kalɨn̰ ma kan tee bɛrnɛ di bɨn̰ kan ga hɨnga wɔɔdɨge unɔ bɨ.

Kɔl-gɨ-Ɗari gɨ Ja̰ wal 12:37

Jesu lee hɨnga ga ɗɨn̰ cɨn̰-kɨɗɨn̰ gɨɗaŋ duroy kalaŋ ga ni Jubɨn̰əŋ, ama naa hɨn̰ wo̰ kalɨn̰ ma, kan bɨgage kuduroyge cayi naŋ.

Kɔl-gɨ-Ɗari gɨ Ja̰ wal 3:10

Ɨni na, Jesu dɨbii cay nee yeyi hɨn̰: «Ji gɨ ba-gɨlɨn̰ te wɨn̰je gɨ da Ɨsɨrayɛl hɨnga le ma, mɨn̰ sɨla hɨnga ga nee le naŋ ga?»

Kɔl-gɨ-Ɗari gɨ Ja̰ wal 9:29

Ni sol gɨ Kumu yen̰ Moyis kɔl, ama ungo gɨ kɛ le, ni sɨla kɨɗɨn̰ ga ban saygan̰ nee naŋ.

Kɔl-gɨ-Ɗari gɨ Ja̰ wal 9:31

Ni sol gɨ Kumu ja ɔlɛ gɨ da ungo gɨ ba-lɔɔ ɨsɨna naŋ. Ama hɨn̰ gɨ ungo naa ba-jɔɔ kɔl kɨbɨ Kumu bɨ, ba-lɔɔ hɨnga ga kuduroy Kumu gey bɨ le, Kumu je ɔlɛ koyi.

2 Korɛ̰t 4:6

Kɨya wa Kumu gɨ tumɔ ba yɔ hɨn̰: «Ɗa gɨ asɨn̰a na asɨn̰a kɨɗɨn̰ duroy dɨlɨm dɨŋ le», ban asɨn̰ ɗugoyna ɗe ana na solɨn̰ asɨn̰a di da Kumu di jɨran̰de a cɨn̰ Kɨris.