Kɔl-gɨ-Ɗari gɨ Ja̰ wal 8:44 - Gabri Maja

⁴⁴ Baygɨŋ na Haban̰ bɨ, kɨŋ gey lɔɔ na hɨnga ga kuduroy baygɨŋ gey le bɨ. Ayɨn̰ toy gɨ Kumu ɗen̰ cay gɨsəŋ le, Haban̰ na ba dɨɗe kɨɗɨn̰. Dɨlay dan̰ kɔl gɨ cɨndi naŋ. Kɨya wa kɔl gɨ cɨndi unɔ gusi. Kɨɗɨn̰ ga ban ye kɔl gɨ ni poyi na, ban ye na kɔl gɨ ojɨ cayi toyi. Kɨya wa ban na ba-poyi bɨ, poy baa bɨ.

Kɔl-gɨ-Ɗari gɨ Ja̰ wal 8:44 ပူးပေါင်းရင်းမြစ်များ

Matɨyo 12:34

Kɨŋ te wɔɔ gɨ da karɨn̰ karin̰əŋ le kɨŋ ɨsɨndəŋ, ma hɨn̰ wo̰ na, na mɨna ma magɨŋ gɨ ɓale yɔ kɔl gɨ ɗari ga? Kɨya wa na kɔl gɨ wanɨn̰ kuduroy ungo jɨŋ jɨŋ ba basaŋ doŋ kɨbi.

Matɨyo 13:15

Kɨya wa te wɔɔ gɨ da kalaŋ ga nee le, kuduroyge osu tɔgɨ. Kan lɨgɨdege sɨmayige daa bɨ, lɨgɨdege cɨndɨge daa bɨ. Ɗe gɨ cɨndɨge na sɨlan̰ kɨɗɨn̰ naŋ bɨ sɨmayige na jen̰ kɔl naŋ bɨ, Ɗe kuduroyge na ɨrɨm kɔl pɨna naŋ bɨ, Ɗe kan na da bɨlɨn̰ jɨgan̰ gusɨnɨ naŋ, Ɨŋ na da poɗɨge.”

Matɨyo 13:38

Yage le, na kalaŋ ga cay gɨsəŋ gaŋ. Gasi-gɨse ga kuɗa le, na kalaŋ ga a boy dɔɔ-ƴaa di daa nii dɨŋ. Tɨngɨrɨn̰ le, na kalaŋ ga da Haban̰, Ba-lɔɔ ɨsɨna.

Kɔl-gɨ-Ɗari gɨ Ja̰ wal 6:70

Jesu dɨbɨge cay nee yege hɨn̰: «Kɨŋ ga mɔjɨ-caygɨŋ-sɔɔ le, kɛ na ɨŋ ba torgɨŋ naŋ ga? Ama ungo pɨna duroygɨŋ na ba-lɔɔ gɨye gɨ da Haban̰.»

Kɔl-gɨ-Ɗari gɨ Ja̰ wal 7:17

Hɨn̰ gɨ ungo gɨ ani ani gɨ na gey lɔɔ hɨnga ga kuduroy Kumu gey na, ban kɨya sɔlɛ kɛ hɨnga ga ɨŋ ba gɨlɨn̰ kalaŋ le, sayga na gusi Kumu wala, na gusɨnɨ ɨŋ-bandi ƴɔbɨ ga.

Kɔl-gɨ-Ɗari gɨ Ja̰ wal 8:38

Ɨŋ-bandi, ɨŋ ye na kol hɨnga ga ɨŋ sol a gusi Banɨ bɨ, kɨŋ-gandi kalɨn̰ ma, kɨŋ lee na hɨnga ga kɨŋ je koldɨge a gusi baygɨŋ bɨ.

Kɔl-gɨ-Ɗari gɨ Ja̰ wal 8:41

Ama kɨŋ-gandi kɨŋ lee na gɨye-lɔɔ gɨ da baygɨŋ.» Kan jɨga dɨbiige cay nee yeyge hɨn̰: «Ni na karɨn̰ lawɨne naŋ. Bayni na pɨna hayi ƴɔbɨ, ban na Kumu.»

Kɔl-gɨ-Ɗari gɨ Ja̰ wal 8:55

Kɨŋ na, kɨŋ sɨlayi naŋ, ama ɨŋ-bandi na, ɨŋ solii. Hɨn̰ gɨ ɨŋ na ya gɨ ɨŋ na sɨlayi naŋ na, ɨŋ na ba-poyi hɨn̰ kɨŋ wo̰ bɨ. Ama ɨŋ solii bɨ, ɨŋ ay kɔl koyi leen̰ gɨye bɨ.

Gɨye-lɔɔ 13:10

bɨ ban yey hɨn̰: «Ji na ungo gɨ terɨn̰ walɨn̰ kuduron̰ bɨ, ba-jɨba bɨ, ji na kurɨn̰ Haban̰ bɨ, ji na ba-baa gɨ da hɨnga ga dan̰ durɔ ɗɨngar bɨ, kɛ ji gɨ ɗɔɔ kɔngɨdɛ gɨyəŋ gɨ dan̰ durɔ ɗɨngar gɨ da Ba-gulɔŋ le baa naŋ ga?

Gɨye-lɔɔ 24:9

Jubɨn̰əŋ bugoŋge kardi kɔl gɨ da Tɛrtulus gɨ sii cay Pol bɨ yege hɨn̰: «Əw, na cɨndi.»

Gɨye-lɔɔ 5:3

Ɨni na, Pɨyɛr ɨngri yeyi hɨn̰: «Ananɨyas, na kɨya wa ma mɨn̰ lee hɨnga ga Sidan yen̰ le ga? Kɨya wa ma mɨn̰ yen̰ Turnɔ ɗe-kuduroy-bɛrɛ poy bɨ, mɨn̰ dor kɨbɨ gursu da kɨɗɨn̰ le wosɨ kɨwa dugo ga?

2 Korɛ̰t 11:3

Ama ni sol gɨ kumbulo nar Ɛbə na dan̰ gɨyəŋ gɨ da jɨba toy bɨ haw kɛ na, hundɔrɔ ləŋ kol caygɨŋ. Gajanaŋ ungo da mɔndɛ ɨrɨmedɨgɨŋ bɨ, kɨŋ da curoŋ a te gɨyəŋ gɨ ni kɔbɛ Kɨris dan̰ geye gɨ cɨndi bɨ, gɨ duroŋ mɨra bɨ.

1 Pɨyɛr 5:8

Ƴɨmagɨŋ gusɨgɨŋ usa cay hɨnga nɔm bɨ, sɨmagɨŋ dan̰ toygɨŋ daa bɨ! Kɨya wa Ba-Baadɨgɨŋ haban̰ gor nɨwɨrde caygɨŋ hɨn̰ gusgo gɨ dor noyi ɨlɨn̰ malɨn̰ gɨyəŋ gɨ ni dɨn̰ ungo wo̰.

2 Pɨyɛr 2:4

Na cɨndi ni sol gɨ ka-ƴɔbɛ ga daa nii ga tumɔ leege ɨsɨna le, Kumu sɨla cɨn̰-n̰age toge naŋ. Ama ban donge beege a kɨɗɨn̰ ga hɨnga ga ni tabɨ kɨya lɔɔge nee gaŋ. Saɗɨdɨgege dan̰ nare bɨ, amgege a boy umboŋ gɨ ɗɨgi gɨ ɨndi tɨlɨm gɨŋ, kɨya gamɨn̰ wɔlɛ gɨ ni bon̰ kɔl.

1 Ja̰ 1:8

Hɨn̰ gɨ na na ya hɨn̰: «Na na ɨran̰ dan̰ ɨsɨna naŋ na», na nargɨŋ na gusɨnagɨŋ konagɨŋ gaŋ bɨ, kɔl gɨ cɨndi unɔ kɨbɨnagɨŋ bɨrɨŋ bɨ.

1 Ja̰ 2:21

Ɨŋ wal kɔl gɨ kɛ le bɨgɨŋ na kɨya sɔlɛ gɨ kɨŋ sɨla kɔl gɨ cɨndi le naŋ, naŋ. Ama ɨŋ wal kɔl bɨgɨŋ na kɨya gɨ kɨŋ sol kɔl gɨ cɨndi bɨ, kɨŋ sol duroyi hɨn̰ gɨ kɔl poy pɨna wo̰ na saa a gusi kɔl gɨ cɨndi gɨŋ naŋ bɨ.

1 Ja̰ 2:4

Waŋ waŋ gɨ na ya hɨn̰: «Ɨŋ solii», ama na bɨga kɔl a cay te tumɔn̰əŋ kayi naŋ na, ban na ba poy bɨ kɔl gɨ cɨndi unɔ kɨbi bɨrɨŋ bɨ.

1 Ja̰ 3:12

Kuɗa gɨ na wɔyɛgɨŋ hɨn̰ Kayin wo̰ naŋ, ban na ungo gɨ da Haban̰, Ba-lɔɔ ɨsɨna, kɨya gɨ naa ban dɨɗɨ kurɨndi koyi gaŋ. Ban dɨɗii na kɨya wa ga? Ban dɨɗii na kɨya gɨ gɨye-lɔɔ koyi na gɨ ɨsɨni, ama gɨ da kurɨndi na gɨ dan̰ durɔ ɗɨngar.

1 Ja̰ 3:15

Waŋ waŋ gɨ na ƴɨma karɨmii ga ban̰aŋ dan̰ ga kandɨ dan̰ kuduroyna, ban na ba dɨɗe tɨma. Bɨ kɨŋ sol gɨ ungo gɨ ba dɨɗe tɨma le, sɔmɛ-bɨra gɨ dan̰ tumoyi unɔ a gusii.

Magtubu di Jud wal 1:6

Kuɗa gɨ kuduroygɨŋ hɨn a cay ka-ƴɔbɛ ga daa nii ga ɗege kɨɗɨn̰ kage ga gumu bɨ sayge ɗege kɨɗɨn̰ sɔmɛdɨge coŋ le. Kumu saɗɨdɨge te gɨsəŋ gaŋ, kɨɗɨn̰ ga dɨlɨm ƴee kɨɗɨn̰ nee gaŋ, dan̰ mɔrɨyɔŋ ga kɨya wɔyɛ dan̰ tumoyge gamɨn̰ wɔlɛ gɨ ni bon̰ kɔl gɨ gumu.

Wasɨn̰a 12:9

Kɨmana gɨ gumu gɨ teeyige dɨrago̰ le nongɨliige dibiige dugo. Ban na kumbulo gɨ som jɨne hayi gɨ teeyige Haban̰ bɨ Sidan bɨ, gɨ na ba nare kalaŋ nɔm ga a cay gɨsəŋ gaŋ bɨ. Nongɨliige dibiige a cay gɨsəŋ gaŋ dan̰ ka-ƴɔbɛ kayi nɔm.

Wasɨn̰a 13:14

Ban nar kalaŋ ga a cay gɨsəŋ gaŋ dan̰ gɨyəŋ gɨ da hɨnga nɔm ga ɗɨn̰ cɨn̰-kɨɗɨn̰ ga tumɔ ban lee a cɨn̰ kɨmana le. Ban yen̰ kalaŋ na laage turnoy hɨnga gɨsɨn̰ cay kɨmana gɨ way ɨya di da pəlɨm ma jɨga som-bɨra le.

Wasɨn̰a 2:10

Kɨŋ kɨya wɔɔ cɨn̰-gɨle-cɨn̰, ama ɗɔɔ gɨ kɨŋ hundɔrɔ naŋ. Haban̰ kɨya bɔgɛ kalaŋ ga pɨna duroygɨŋ dangay dɨŋ kɨya gɨwasɨn̰ togɨygɨŋ. Kɨŋ kɨya wɔɔ cɨn̰-gɨle-cɨn̰ ɓale wɔlɛ mɔjɨ. Ɨrgɨŋ a cay tɨbayi dɨŋ bɨrɨŋ maran̰gɨŋ ɨni na, ɨŋ kɨya bɨgɨŋ jagɨwa ga ni somɨn̰-bɨra.

Wasɨn̰a 21:8

Ama ka-hundɔrɔ bɨ, ka-ɨre a cay gasɨndɨge gaŋ naŋ bɨ, kalaŋ ga haldɨge ɨsɨn tɔgɨ bɨ, ka-dɨɗe kalaŋ bɨ, ka-lɔɔ gɨye yɔyɛ gɨ toyi kan̰dɨge kan̰dɨge bɨ, ka-lɔɔ tɨmba bɨ, ka-n̰ɨre kula bɨ, ka-poy nɔm bɨ le, kɨɗɨn̰ kage kɨya wɔyɛ na a duroy kuraydi tɨwa di ƴee hɨn̰ kɨrbaŋdi hɨnga ga ƴee hɨn̰ tɨwa wo̰. Hɨnga ga nee le, ma na tɨma di cay-sɔɔ.»

Wasɨn̰a 22:15

Ama gaye bɨ, ka-lɔɔ tɨmba bɨ, ka-lɔɔ gɨye yɔyɛ gɨ toyi kan̰dɨge kan̰dɨge bɨ, ka-dɨɗe kɨɗɨn̰ bɨ, ka-n̰ɨre kula bɨ, ka-geye kɔl yɔ ga ni poy naŋ le, yɔɔdɔ kɔl ga ni poy dan̰ wɔlɛ pɨna pɨna bɨ le, kɨya bɔɔge doŋ.

Wasɨn̰a 9:11

Kɨlma gɨ da kuun̰əŋ le, na ba-ƴɔbɛ gɨ som a duroy umboŋ gɨ ɗɨgi mɨrɨg gɨ kagadi unɔ gɨŋ. Kɨlma koge le, gusondi gɨ dan̰ kɨbɨ əbɨro na «Abado̰» bɨ, dan̰ kɨbɨ Gɨrɛg na «Apolɨyo̰» bɨ.