Kɔl-gɨ-Ɗari gɨ Ja̰ wal 8:32 - Gabri Maja

³² Hɨn̰ wo̰ na, kɨŋ kɨya sɔlɛ kɔl gɨ cɨndi gɨ ojɨ cay Kumu bɨ, kɔl gɨ cɨndi kɨya lɔɔ gɨ kɨŋ kɨya bɨləŋ kalaŋ ga ka-sɔmɛ cayge kalɨn̰ bɨ.»

Kɔl-gɨ-Ɗari gɨ Ja̰ wal 8:32 ပူးပေါင်းရင်းမြစ်များ

Matɨyo 11:29

Ayagɨŋ jugɨ hɨnge dɨbgɨŋ kordɨgɨŋ bɨlɨn̰gɨŋ ka-aye-cay-tɨbanɨ. Kɨya wa ɨŋ na ungo gɨ kalenɨ jal bɨ, ɨŋ gɨl gusɨnɨ naŋ bɨ. Na nee ma magɨŋ kɨya wɔɔ dɔrɛ gɨlale le.

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Kɔl-gɨ-Ɗari gɨ Ja̰ wal 1:17

Kɨŋ sɨla gasɨn̰-kɔl le, kan bɨnige na dan̰ gɨyəŋ gɨ da Moyis. Ama ɗarwa bɨ kɔl gɨ cɨndi bɨ le, ɨrga na dan̰ gɨyəŋ gɨ da Jesu-Kɨris.

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Kɔl-gɨ-Ɗari gɨ Ja̰ wal 16:13

Kɨɗɨn̰ ga Turnɔ di da kɔl gɨ cɨndi kɨya caga na, hɨndi kɨya gɨlgɨŋ kɔl gɨ cɨndi nɔm. Kɨya wa hɨndi kɨya yɔɔ kɔl wo̰ dan̰ cay gusoo naŋ, ama hɨndi kɨya yɔ na kɔl gɨ hɨndi je bɨ, hɨndi kɨya yəgɨŋ kol hɨnga nɔm ga kɨya caga bɨ.

Kɔl-gɨ-Ɗari gɨ Ja̰ wal 17:17

Dɨrage sige dan̰ cɨndɨge, dan̰ gɨyəŋ gɨ da kɔl gɨ cɨndi. Kɔl kon̰ na kɔl gɨ cɨndi.

Kɔl-gɨ-Ɗari gɨ Ja̰ wal 6:45

Kan walge duroy magtubu di da ka-yɔɔ-kɔl-gɨ-Kumu-ba-yɔɔ dɨŋ ye hɨn̰: “Kan nɔm Kumu ba kɨya gɨlge hɨnga.” Waŋ waŋ gɨ na ja kɔl gɨ da Bayi bɨ, ƴa kɔl gɨ ni gɨle koyi bɨ na, kɨya ɨrga gusɨnɨ.

Kɔl-gɨ-Ɗari gɨ Ja̰ wal 7:17

Hɨn̰ gɨ ungo gɨ ani ani gɨ na gey lɔɔ hɨnga ga kuduroy Kumu gey na, ban kɨya sɔlɛ kɛ hɨnga ga ɨŋ ba gɨlɨn̰ kalaŋ le, sayga na gusi Kumu wala, na gusɨnɨ ɨŋ-bandi ƴɔbɨ ga.

Kɔl-gɨ-Ɗari gɨ Ja̰ wal 8:36

Hɨn̰ gɨ kurɨn̰ Kumu na ɗa caygɨŋ wɨya kalɨn̰ na, kɨŋ kɨya bɨle kalaŋ ga cayge woy kalɨn̰ leen̰ cɨndi.

Magtubu di Pol wal bɨn̰ kalaŋ ga Rɔm 6:22

Ama haw kɛ na, kɨŋ andaŋ a te dɔnɔ di da ɨsɨna gɨŋ coŋ bɨ kɨŋ bɨle na gɔyɔŋ ga da Kumu. Wɔɔdi hɨnga ga kɨŋ ba kɨya wɔɔ le, na gɨye-lɔɔ gɨ gɨl gɨ kɨŋ naa kalaŋ ga da Kumu ga woy dan̰ cɨndɨge gɨ gɨye-lɔɔ gɨ nee le kɨya orɨn̰ danagɨŋ a sɔmɛ-bɨra gɨ dan̰ tumoyi gɨŋ.

Magtubu di Pol wal bɨn̰ kalaŋ ga Rɔm 8:15

Kumu gɨsɨn Turnoyi caygɨŋ na kɨya loogɨŋ gɔyɔŋ ga ka-gɔrɛ dan̰ hundɔrɔ ɗaŋ coŋ naŋ ɨni. Ɨŋ’ɨ̰, Turnɔ di ban gɨsɨnoo caygɨŋ le, hɨndi na Turnɔ di ɗe bɨlgɨŋ karɨn̰ Kumu. Kɨya cay Turnɔ di nee le na, na-gandi nɔm na teeyi gɨŋ wɨlalɨn̰ hɨn̰: «Aba, Banɨ.»

Magtubu di Pol wal bɨn̰ kalaŋ ga Rɔm 8:2

Na cɨndi, dɔnɔ di da Turnɔ di da Kumu di ba bəŋ sɔmɛ-bɨra a te bugoŋ pɨna dan̰ Jesu-Kɨris le, dɔrɔŋ coŋ a te dɔnɔ di da ɨsɨna gɨŋ bɨ, tɨma dɨŋ bɨ.

1 Korɛ̰t 7:22

Ungo gɨ tumɔ na guyɔŋ pa dɨm ma Kumu teey ƴee le, bɨləŋ na ungo gɨ da Ba-gulɔŋ gɨ som cay-kalɨn̰. Ungo gɨ tumɔ som cay-kalɨn̰ pa dɨm ma Ba-gulɔŋ teey ƴee le, bɨləŋ na guyɔŋ gɨ da Kɨris.

Galad 5:1

Kɨris bɨlnagɨŋ leen̰ kalaŋ ga somge cayge kalɨn̰, ɗe gɨ ana na orɨn̰gɨŋ cay nagɨŋ kalɨn̰. Ɨrgɨŋ usa cay nee bɨ, kan̰agɨŋ bɨle gɔyɔŋ coŋ ɗaŋ coŋ.

Galad 5:13

Ay, karmɨnɨ ga ban̰aŋ dan̰ ga kandɨ, Kumu təgɨŋ kɨya gɨ ban gey gɨ kɨŋ na gura caygɨŋ kalɨn̰. Ama kɨŋ aye gɔrɛ cay kalɨn̰ le, loon̰ jɨba di ni loon̰ hɨnga ga kuyoŋdi-gusɨgɨŋ gey kalɨn̰ wo̰ naŋ. Ama kɨŋ laa gɨye bɨn̰ gusɨgɨŋ hɨn̰ gɨ kɨŋ naa gɔyɔŋ dan̰ gusɨgɨŋ wo̰.

2 Timote 3:7

Kandɨ ga nee le, geyge gɨ kan na gɨlge kɔl nee nee hage, ama kan ɓala sɔlɛ kɔl gɨ cɨndi naŋ bɨrɨŋ.

Magtubu di Jag wal 1:25

Ama waŋ waŋ gɨ na ɗa cɨndi dɨŋdɨn̰ gasɨn̰-kɔl gɨ ɗari gɨ duroŋ dan̰ durɔ cɨrɛɗ, gɨ dor guyɔŋdu da ɨsɨna bɨ, da tɨma bɨ, cay kalaŋ coŋ le, kɨɗɨn̰ ga ban na ɨr cay nee jaŋ aya laan̰ gɨye bɨ, ja ɗa kuduroy hala gɨybəŋ guyɔbɨ cay nee naŋ bɨ na, ungo gɨ nee le, tumoy wolwa kɨya wɔyɛ a cay gɨye-lɔɔdi gɨŋ nɔm gɨ ban kɨya lɔɔ.

Magtubu di Jag wal 2:12

Yagɨŋ kɔl bɨ, laagɨŋ hɨnga bɨ. Hɨn̰ kalaŋ ga Kumu teege kɨya bɔyɛ kɔl cayge dan̰ gɨyəŋ gɨ da gasɨn̰-kɔl, gɨ ba dor kɔl caygɨŋ le.

1 Pɨyɛr 2:16

Laagɨŋ gɨye-lɔɔ gɨ da kalaŋ ga cayge kalɨn̰. Ama kɨŋ ɗɔɔ ba aye gɔrɛ cay-kalɨn̰ le loon̰ badɨge ga ni tolɨn̰ cay ɨsɨna naŋ. Ama kɨŋ hale gɨybəŋ gɨ kɨŋ naa gɔyɔŋ ga da Kumu naŋ.

2 Ja̰ 1:1

Na ɨŋ-bandi gɨ muɗoli ba wale magtubu di kɛ le gɨyɨn̰ bɨn̰ tama di Kumu dɔrɔɔ, dan̰ karɨndo. Ɨŋ geyge leen̰ cɨndi. Na ɨŋ-bandi ƴɔbɨ ba geyge naŋ, ama kalaŋ nɔm ga solge kɔl gɨ cɨndi le, geygege bɨ.