Kɔl-gɨ-Ɗari gɨ Ja̰ wal 8:31 - Gabri Maja

³¹ Jesu yen̰ Jubɨn̰əŋ ga ba beege kuduroyge cayi le, yege hɨn̰: «Hɨn̰ gɨ kɨŋ na ɨr cay kɔl hɨnge na, kɨŋ na ka-aye-cay-tɨbanɨ ga cɨndi.

Kɔl-gɨ-Ɗari gɨ Ja̰ wal 8:31 ပူးပေါင်းရင်းမြစ်များ

Matɨyo 24:13

Ama ungo gɨ na ƴɨma usa bɨrɨŋ dɨɗɨn̰ kɨbi na, kɨya wɔɔ pɔɗɛ.

Kɔl-gɨ-Ɗari gɨ Ja̰ wal 1:47

Jesu sol Natanɨyɛl ɨrga jɨn̰ gusi ɨni na, ban ye koldi ye hɨn̰: «Kɨye gɨ Ɨsɨrayɛl gɨ leen̰ cɨndi ba kɛ, ban na ba-nare-cɨn̰ ungo naŋ.»

Kɔl-gɨ-Ɗari gɨ Ja̰ wal 2:2

Jesu kalɨn̰ ma molige a kɨɗɨn̰ gɔrɛ ƴaa gɨŋ dan̰ ka-aye-cay-tɨbayi bɨ.

Kɔl-gɨ-Ɗari gɨ Ja̰ wal 6:55

Kɨya wa kuyoŋnɨ le na dɔɔ gɨ cɨndi bɨ, kɨbarnɨ le na hɨnga ga ni sɔɔ ga cɨndi bɨ.

Kɔl-gɨ-Ɗari gɨ Ja̰ wal 8:36

Hɨn̰ gɨ kurɨn̰ Kumu na ɗa caygɨŋ wɨya kalɨn̰ na, kɨŋ kɨya bɨle kalaŋ ga cayge woy kalɨn̰ leen̰ cɨndi.

Gɨye-lɔɔ 13:43

Kɨɗɨn̰ ga kalaŋ ga ba dayaŋge le busoŋge ɨni na, Jubɨ bɨ, kan ga bɨle gusɨge Jubɨ ga ka-n̰ɨre Kumu bɨ, kobɨge kardi Pol dan̰ Barnabas. Boy are-kɔl koge gɨŋ na, kan dobɨge bandɨ kuduroyge ɗe kan na ƴɨman̰ ɗarwa di Kumu ba lee danage le usa bɨ.

Gɨye-lɔɔ 14:22

A boy cay ƴaan̰əŋ ga pɨna pɨna ga nee le, kan dobɨge bandɨ kuduroy ka-aye-cay-tɨbay Jesu bɨ, ɨngɨrge gɨ kan na sɨma cay tɨbayge dɨŋ a cay aye kudurɔ gɨŋ. Bɨ kan say yege hɨn̰: «Naa wa wa kalɨn̰ ma hɨnga ga ni dɔsɛ-ɗugɔ kɨya looni tɔgɨ pa dɨm ma, mani kɨya andɨn̰ a boy dɔɔ-ƴaa di da Kumu dɨŋ ƴee.»

Gɨye-lɔɔ 26:22

Ama na kɨya dɨbe gɨ Kumu dɨbɨ kobi canɨ amaŋ bɨrɨŋ gɨsɨn̰ labɨde le ma maŋ ɨrɨn̰ kɛ, ɨrɨn̰ leen̰ tɨmon̰ tɨnge tumoy kalaŋ nɔm ga gɨmdəŋ bɨ, ga n̰ən̰əŋ bɨ. Na kol hɨnga ga ka-yɔɔ-kɔl-gɨ-Kumu-ba-yɔɔ bɨ, Moyis ba yege gɨ naa wa wa kalɨn̰ ma, na kɨya lɔɔ gusɨge le, ma maŋ ye ɗɔɔ ƴɔbɨ.

Magtubu di Pol wal bɨn̰ kalaŋ ga Rɔm 11:22

Ɨrɨm a cay ɗarwa di da Kumu dɨŋ bɨ, a cay osɨwa koyi gɨŋ bɨ. Ban gɨl osɨwa koyi dan̰ kalaŋ ga andaŋge a te gɨyəŋ gɨŋ coŋ, ama ban sol cɨn̰-n̰age ton̰ tɔgɨ kɨɗɨn̰ ga ji na sɨma usa a te ɗarwa toyi dɨŋ. Hɨn̰ gɨ ji na ɨr usa cay nee naŋ na, ji-bandi kalɨn̰ ma kan kɨya sɨrɨn̰ coŋ bɨ.

Magtubu di Pol wal bɨn̰ kalaŋ ga Rɔm 2:7

Kalaŋ ga ƴomge osu te gɨye-lɔɔ gɨ ɗari gɨŋ bɨ, woyge te male gɨ Kumu na bɨge gusoŋ-tɔgɛ bɨ, aya cayge daa bɨ, sɔmɛ-bɨra gɨ dan̰ tumoyi bɨ le, Kumu kɨya bɨge sɔmɛ-bɨra gɨ dan̰ tumoyi gɨ nee le.

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

1 Timote 2:15

Ama tama kɨya wɔɔ pɔɗɛ na kɨya cay kɨye gɨ hɨndi kɨya wɔɔ, naa gɨ hɨndi na ƴɨma guso usa te gɨyəŋ gɨ da aye kudurɔ gɨŋ bɨ, wandɨ dɨŋ bɨ, gɨye-lɔɔ gɨ woy dan̰ cɨndi bɨ, dan̰ gɨle guso naŋ bɨ.

1 Timote 4:16

Ɗa cɨndɨn̰ kardi gusɨn̰ kon̰ bɨ, kardi gɨle kɔl kon̰ bɨ. Ƴɨma gusɨn̰ usa cay hɨnga nɔm ga nee le. Kɨɗɨn̰ ga ji na laa hɨn̰ wo̰ na, ji kɨya pɔɗɛ gusɨn̰ kon̰ bɨ, ji kɨya pɔɗɛ kan ga jege kɔl kɨbɨn̰ bɨ.

2 Timote 3:14

Ama ji-bandi na, ji ɨr jaŋ cay hɨnga ga kan gɨlɨn̰ge bɨ, ga naa ji ba bee kuduron̰ cay nee kuɗa le bɨ. Kɨya wa ji sol kalaŋ ga ka-gɨlɨn̰ge hɨnga ga nee le kuɗa.

Əbɨro 3:14

Kɨya wa na-gandi nɔm na bɨləŋgɨŋ na ka-bugoŋ pɨna dan̰ Kɨris. Naa hɨn̰ wo̰ leen̰ cɨndi na, kɨbanagɨŋ aye kudurɔ gɨ na ba orɨn̰gɨŋ a toy dɨŋ le, ɨrɨn̰ cay nee usa bɨrɨŋ gɨsɨn̰ kagadi gɨŋ.

Əbɨro 8:9

Saɗe kɨbɨ pɨna ɓɨse gusu gɨ nee le, Kɨya wɔyɛ gɨlɨn̰a na hɨn̰, Saɗe kɨbɨ pɨna ɓɨse gusu, Gɨ tumɔ gɨ ɨŋ saɗɨ dan̰ mon̰iigɨŋ le wo̰ naŋ. Kɨɗɨn̰ ga ɨŋ ba ƴomɨn̰ kobɨge andɨn̰ danage, A cay gɨsəŋ ga Ejɨpt gaŋ coŋ wo̰ naŋ. Kan ɨrge a cay saɗe kɨbɨ pɨna ɓɨse gusu, Hɨnge gɨŋ le naŋ, Lee gɨ ɨŋ-bandi kalɨn̰ ma, Ɨŋ kɨya ɗooge coŋ bɨ.” Na ɨŋ-bandi Ba-gulɔŋ ba yɔ.

Magtubu di Jag wal 1:25

Ama waŋ waŋ gɨ na ɗa cɨndi dɨŋdɨn̰ gasɨn̰-kɔl gɨ ɗari gɨ duroŋ dan̰ durɔ cɨrɛɗ, gɨ dor guyɔŋdu da ɨsɨna bɨ, da tɨma bɨ, cay kalaŋ coŋ le, kɨɗɨn̰ ga ban na ɨr cay nee jaŋ aya laan̰ gɨye bɨ, ja ɗa kuduroy hala gɨybəŋ guyɔbɨ cay nee naŋ bɨ na, ungo gɨ nee le, tumoy wolwa kɨya wɔyɛ a cay gɨye-lɔɔdi gɨŋ nɔm gɨ ban kɨya lɔɔ.

1 Ja̰ 2:19

Tumɔ kan na duroynagɨŋ, ma haw kɛ sayge andaŋge, ama leen̰ cɨndi na, tumɔ kalɨn̰ ma kan na karmiinagɨŋ naŋ. Tumɔ hɨn̰ gɨ kan naa karmiinagɨŋ na, kan ni kɨya sɔmɛ dananagɨŋ. Sɔ gɨ kan sayge andaŋge duroynagɨŋ doŋ coŋ le, gɨl doŋ pɨraŋ gɨ ungo pɨna wo̰ duroyge gɨ na kurɨndɨnagɨŋ le unɔ.

1 Ja̰ 2:24

Kɔl gɨ kɨŋ ba je a toyi dɨŋ le, kuɗa gɨ ɗe woy kuduroygɨŋ. Hɨn̰ gɨ kɔl gɨ kɨŋ ba je a toyi dɨŋ le, na wɨya kuduroygɨŋ na, kɨŋ bugoŋ pɨna dan̰ Kɨye bɨ, dan̰ Bayi bɨ.

2 Ja̰ 1:9

Waŋ waŋ gɨ na ɨr usa a te hɨnga ga ni gɨle ga da Kɨris gaŋ naŋ, ama na dɨbɨ kɔl gɨ hɨrɨwa a cay hɨnga ga ni gɨle ga da Kɨris gaŋ na, Kumu unɔ danayi. Ungo gɨ na ɨr usa a te hɨnga ga ni gɨle gaŋ na, ban ma na ungo gɨ bugoŋ pɨna dan̰ Baynagɨŋ Kumu bɨ dan̰ Kurondi bɨ.