Kɔl-gɨ-Ɗari gɨ Ja̰ wal 8:29 - Gabri Maja

²⁹ Ban gɨ ba gɨyigəŋ le ɨre danaŋ, ban ɗaŋ kan̰nɨ naŋ. Kɨya wa ɨŋ lee hɨnga ga ƴee cɨndi dan̰ wɔlɛ pɨna pɨna.»

Kɔl-gɨ-Ɗari gɨ Ja̰ wal 8:29 ပူးပေါင်းရင်းမြစ်များ

Matɨyo 17:5

Kɨɗɨn̰ ga Pɨyɛr ɨre ye kɔl ba kɨbi ƴee bɨ ga ma, gɨrɨmbale ga orɨn̰ dan̰ asɨn̰a ɨrga umboŋ cayge. Bɨ ga ma, noy ungo ye kɔl duroy gɨrɨmbale gaŋ le pəŋ pəŋ bɨ ye hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, gusɨnɨ mɔŋ cayi, jagɨŋ kɔl koyi.»

Matɨyo 3:15

Ama Jesu dɨbii cay nee yey hɨn̰: «Gɨ haw kɛ na, ɗa ɗe ana lee hɨn̰ wo̰. Kɨya wa hɨnga nɔm ga Kumu gey gɨ na na laa le, na kɨya lɔɔ ɗe or kɨɗɨn̰dɨge gaŋ hɨn̰ wo̰ le kɔ.» Ɨni na, Ja̰ say gey cay nee bɨ leeyi batɛm.

Matɨyo 3:17

Bɨ ga ma, noy ungo ye a gɨɗɨgɨ-Kumu gɨŋ hɨn̰: «Ban gɨ kɛ le na Kuronɨ, ɨŋ lee-toyi tɔgɨ, gusɨnɨ mɔŋ cayi na ase naŋ.»

Kɔl-gɨ-Ɗari gɨ Ja̰ wal 14:31

Ama na ɗe gɨ kalaŋ ga cay gɨsəŋ gaŋ solɨn̰ge gɨ ɨŋ na gey Banɨ bɨ, ɨŋ na lee hɨnga naa dan̰ te tumɔ di ban na ay bəŋ bɨ. Sagɨŋ daa, ana orgɨŋ ɗegɨŋ kɨɗɨn̰ ga kɛ coŋ!

Kɔl-gɨ-Ɗari gɨ Ja̰ wal 15:10

Hɨn̰ gɨ kɨŋ na aya te tumɔ tɨnge laan̰ gɨye na, Kɨŋ kɨya sɔmɛ duroy geye hɨnge gɨŋ bɨ. Hɨn̰ gɨ ɨŋ-bandi kalɨn̰ ma, ɨŋ ba ay te tumɔ nɔm di da Banɨ leen̰ gɨye, ma maŋ ba somɨn̰ duroy geye koyi gɨŋ wo̰ bɨ.

Kɔl-gɨ-Ɗari gɨ Ja̰ wal 16:32

Sɨlagɨŋ, tɨwadi kɨya caga bɨ, hɨndi caga ɨni bɨ. A boy tɨwadi di nee le, kan kɨya sugudɨgɨŋge pɨna pɨna. Waŋ waŋ kalɨn̰ ma kɨya ɔrɛ a kɨɗɨn̰di gaŋ kɨɗɨn̰di gaŋ. Kɨŋ kɨya ɗɔŋ ɨŋ-bandi kan̰nɨ haŋge. Ama ɨŋ na kan̰nɨ naŋ, kɨya wa Banɨ woy danaŋ.

Kɔl-gɨ-Ɗari gɨ Ja̰ wal 17:4

Ɨŋ gɨl gusoŋ-tɔgɛ kon̰ a cay gɨsəŋ gaŋ kɛ bɨ, gɨye gɨ ji bəŋ gɨ ɨŋ na laa le kalɨn̰ ma ɨŋ dɨɗɨ kɨbi bɨ.

Kɔl-gɨ-Ɗari gɨ Ja̰ wal 4:34

Jesu yege hɨn̰: «Dɔɔ hɨnge na lɔɔ kuduroy-geye gɨ da ban gɨ gɨyigəŋ bɨ, dɨɗe kɨbɨ gɨye koyi bɨ.»

Kɔl-gɨ-Ɗari gɨ Ja̰ wal 5:30

Ɨŋ-bandi, ɨŋ mala na gɨ ni lɔɔ kuduroy geye hɨnge naŋ, ama ɨŋ boy kɔl na dan̰ gɨyəŋdi kɔl gɨ ɨŋ je. Kɔl gɨ ɨŋ boy le na dan̰ gɨyəŋdi, kɨya gɨ ɨŋ mala na lɔɔ hɨnga ga dan̰ kuduroy geye hɨnge naŋ. Ama na dan̰ gɨyəŋ gɨ da kuduroy-geye gɨ da ban gɨ gɨyigəŋ.

Kɔl-gɨ-Ɗari gɨ Ja̰ wal 6:38

Kɨya wa ɨŋ sayga a daa nii ɨrga cay gɨsəŋ gaŋ, na kɨya lɔɔ hɨnga dan̰ kuduroy geye hɨnge naŋ, ama na kɨya lɔɔ kuduroy-geye gɨ da ban gɨ ba gɨyigəŋ.

Kɔl-gɨ-Ɗari gɨ Ja̰ wal 8:16

Bɨ hɨn̰ gɨ ɨŋ na bɨya kɔl kalɨn̰ ma, kɔl gɨ ɨŋ boy le or pɨna dan̰ kɔl gɨ cɨndi. Kɨya wa ɨŋ na kan̰nɨ naŋ, ama Banɨ gɨ gɨyigəŋ le woy danaŋ.

2 Timote 4:17

Ama Ba-gulɔŋ ɨre karɨnɨ. Ban bəŋ tɔgɨ, lee gɨ ɨŋ teen̰ bɛrnɛ Kɔl-gɨ-Ɗari ɗəndəŋ bɨn̰ kalaŋ ga toyge na Jubɨ naŋ, ɗe jege kɔldɔ pɨraŋ daa bɨ. Ban bɔɗɔŋ a kɨbɨ gusugon̰əŋ gaŋ coŋ bɨ.

2 Timote 4:22

Kuɗa gɨ Ba-gulɔŋ baa dan̰ turnon̰ bɨ, kuɗa gɨ ɗarwa di da Kumu baa danagɨŋ nɔm bɨ.

Əbɨro 4:15

Na cɨndi, na orɨn̰ dan̰ mangɨl gɨ da ka-cay ka-bɔgɛ kɨbar gɨ ɓal gɨle-cɨn̰ danana duroy gabaŋ kona. Hɨnga nɔm ga ba gɨybɨnagɨŋ le, gɨybii bɨ ama ban laa ɨsɨna naŋ.

Əbɨro 7:26

Jesu le, na mangɨl gɨ da ka-cay ka-bɔgɛ kɨbar gɨ na or n̰agedi. Ban na ungo gɨ woy dan̰ cɨndi bɨ, dan̰ naji toyi bɨ, ɨsɨna pɨna wo̰ cilii naŋ bɨ. Ban gɨlɨn̰ dan̰ ka-lɔɔ ɨsɨna naŋ bɨ, Kumu ayi orɨn̰ danayi gɨɗɨgɨ-Kumu gɨŋ daa nii bɨ.

1 Ja̰ 2:1

Ay, kɨŋ ga kɨŋ woy hɨn̰ karɨnɨ kange wo̰ le, ɨŋ wal kɔl gɨ kɛ le bɨgɨŋ na ɗe gɨ agɨŋ na leen̰ ɨsɨna naŋ ɨni. Ama hɨn̰ gɨ ungo duroynagɨŋ na laa ɨsɨna na, na orɨn̰gɨŋ dan̰ ungo pɨna woy nee gɨ ba ƴɔɔ cay nagɨŋ tumoy Baynagɨŋ Kumu. Ba ƴɔɔ cayna le, na Jesu-Kɨris gɨ ba lɔɔ hɨnga ga dan̰ durɔ ɗɨngar le.

1 Ja̰ 3:22

Ko, hɨn̰ gɨ na na ɨngɨriigɨŋ na wa wa kalɨn̰ ma, na kɨya wɔɔgɨŋ a kobi. Kɨya wa na gamgɨŋ te tumoyi bɨ, na leegɨŋ hɨnga ga ƴee cɨndi bɨ.