Kɔl-gɨ-Ɗari gɨ Ja̰ wal 8:28 - Gabri Maja

²⁸ Ɨni na, Jesu yege hɨn̰: «Kɨɗɨn̰ ga kɨŋ kɨya gagɨle Kurɨn̰-ungo a daa na, kɨŋ kɨya sɔlɛ gɨ ɨŋ naa ban le bɨ, gɨ ɨŋ na laa hɨnga pɨna wo̰ dan̰ cay gusɨnɨ hɨnge naŋ bɨ. Ama ɨŋ ye na kɔl gɨ Banɨ ba gɨləŋ.

Kɔl-gɨ-Ɗari gɨ Ja̰ wal 8:28 ပူးပေါင်းရင်းမြစ်များ

Matɨyo 24:5

Kɨya wa dɨmdɨrdi kalaŋ kɨya ɨrgage dan̰ gusoŋnɨ bɨ yɔɔge hɨn̰: “Kɨris ban gɨ Kumu dorii le, na ɨŋ-bandi!” Bɨ kan kɨya kayege kalaŋ gɨɗaŋ.

Marg 13:6

Kɨya wa dɨmdɨrdi kalaŋ kɨya ɨrgage dan̰ gusonɨ bɨ yɔɔge hɨn̰: “Kɨris ban gɨ Kumu dorii le na ɨŋ-bandi!” Bɨ kan kɨya kayege kalaŋ gɨɗaŋ.

Kɔl-gɨ-Ɗari gɨ Lug wal 21:8

Jesu say dɨbɨge cay nee yege hɨn̰: «Ɗagɨŋ muɗɔlɛ a cay gusɨgɨŋ. Ɗɔɔgɨŋ ungo nargɨŋ bogɨgɨŋ kayaŋ naŋ ɨni. Kɨya wa dɨmdɨrdi kalaŋ kɨya ɨrgage dan̰ gusoŋnɨ bɨ, yɔɔge hɨn̰: “Kɨris ban gɨ Kumu dorii le, na ɨŋ-bandi.” Bɨ kan kɨya sɔ yɔ hɨn̰: “Wɔlɛdi ɓal ɨni.” Ama kɨŋ na, kɔbɛgɨŋ kardɨge naŋ ɨni.

Kɔl-gɨ-Ɗari gɨ Ja̰ wal 11:42

Ɨŋ-bandi le ɨŋ sol leen̰ cɨndi gɨ ji je ɔlɛ hɨnge daa daa han̰, ama ɨŋ ye kɔl na kɨya dɨmdɨrdi kalaŋ ga ba nɨwɨrəŋge kɛ le, ɗe beege kuduroyige cay hɨnga ga nee le: Gɨ ji naa ba gɨyigəŋ.»

Kɔl-gɨ-Ɗari gɨ Ja̰ wal 13:19

Ɨŋ yəgɨŋ daa haw kɛ pa dɨm ma, ɗe hɨnga ga nee le da ɨrga ƴee. Ɗe gɨ kɨɗɨn̰ ga na ɨre na, kɨŋ kɨya bogɨn̰ kuduroygɨŋ canɨ gɨ «Ɨŋ woy nee.»

Kɔl-gɨ-Ɗari gɨ Ja̰ wal 16:10

Bɨ gɨ ojɨ cay gɨye-lɔɔ gɨ dan̰ durɔ ɗɨngar na, na kɨya gɨ ɨŋ or na a gusi Banɨ, ɨni na kɨŋ kɨya sɔlɔŋ dan̰ cɨndɨgɨŋ naŋ ɨni.

Kɔl-gɨ-Ɗari gɨ Ja̰ wal 18:32

Na wo̰ ma, kɔl gɨ Jesu ba ye ojɨn̰ cay gɨyəŋdi tɨmaydi di ɗi na kɨya mare le, or kɨɗɨn̰di gaŋ.

Kɔl-gɨ-Ɗari gɨ Ja̰ wal 19:18

Kan gagɨliige a cay sɨya-gɨ-dagɨli gɨŋ. Na a kɨɗɨn̰ ga nee gaŋ le ma kan gagɨldege kalaŋ ga pɨna wo̰ won̰ge sɔɔ a cay sɨya-gɨ-dagɨli koge gɨŋ danayi. Pɨna a cay kobi gɨ bara gɨŋ bɨ, pɨna a cay kobi gɨ masa gɨŋ bɨ, ban duroyge.

Kɔl-gɨ-Ɗari gɨ Ja̰ wal 3:11

Ja, ɨŋ yen̰ na kɔl gɨ cɨndi, ni dor na kol hɨnga ga ni sol bɨ, ni lee na tɨmon̰ da hɨnga ga ni solge dan̰ tɨdɨni bɨ. Ama kɨŋ gey ƴɔɔ kol hɨnga ga ni ba lee tɨmon̰dɨge le naŋ.

Kɔl-gɨ-Ɗari gɨ Ja̰ wal 3:14

Hɨn̰ gɨ Moyis ba si kumbulo gɨ ban uyi dan̰ nare kɨbɨ sɨya gɨŋ daa duroy daldɨŋ le, naa wa wa kalɨn̰ ma ojɨ gɨ kan kɨya see Kurɨn̰-ungo le daa hɨn̰ wo̰ bɨ,

Kɔl-gɨ-Ɗari gɨ Ja̰ wal 4:26

Jesu dɨboo cay nee yoo hɨn̰: «Na ɨŋ-bandi gusɨnɨ ba-yɔɔ kɔl dɛnɛɛ kɛ.»

Kɔl-gɨ-Ɗari gɨ Ja̰ wal 5:19

Jesu jɨga ay kɔl bɨ yege hɨn̰: «Jagɨŋ, ɨŋ yəgɨŋ na kɔl gɨ cɨndi. Kuroŋ kɨya ɓale lɔɔ hɨnga dan̰ cay gusi naŋ. Ban kɨya lɔɔ na hɨnga ga ban sol bayi te lɔɔdɨge gɨŋ ƴɔbɨ. Kɨya wa hɨnga nɔm ga kɨye bay lee le, kuroŋ kɨya lɔɔ na hɨn̰ wo̰ bɨ.

Kɔl-gɨ-Ɗari gɨ Ja̰ wal 5:30

Ɨŋ-bandi, ɨŋ mala na gɨ ni lɔɔ kuduroy geye hɨnge naŋ, ama ɨŋ boy kɔl na dan̰ gɨyəŋdi kɔl gɨ ɨŋ je. Kɔl gɨ ɨŋ boy le na dan̰ gɨyəŋdi, kɨya gɨ ɨŋ mala na lɔɔ hɨnga ga dan̰ kuduroy geye hɨnge naŋ. Ama na dan̰ gɨyəŋ gɨ da kuduroy-geye gɨ da ban gɨ gɨyigəŋ.

Kɔl-gɨ-Ɗari gɨ Ja̰ wal 6:38

Kɨya wa ɨŋ sayga a daa nii ɨrga cay gɨsəŋ gaŋ, na kɨya lɔɔ hɨnga dan̰ kuduroy geye hɨnge naŋ, ama na kɨya lɔɔ kuduroy-geye gɨ da ban gɨ ba gɨyigəŋ.

Kɔl-gɨ-Ɗari gɨ Ja̰ wal 8:24

Na toy di hɨn̰ wo̰ ma ɨŋ naa yəgɨŋ hɨn̰: «Kɨŋ kɨya mare boy ɨsɨna kogɨŋ gɨŋ nɔm. Hɨn̰ gɨ kɨŋ na bɨga kuduroyigɨŋ canɨ, gɨ “Ɨŋ-bandi, Ɨŋ woy nee” naŋ na, əw kɨŋ kɨya mare boy ɨsɨna kogɨŋ gɨŋ nɔm.»

Kɔl-gɨ-Ɗari gɨ Ja̰ wal 8:27

Kɔl gɨ ban yege le kan sɨlage gɨ ban na ya ujan̰ naa cay Bayi naŋ.

Kɔl-gɨ-Ɗari gɨ Ja̰ wal 8:58

Jesu jɨga dɨbɨge cay nee yege hɨn̰: «Jagɨŋ! Aŋ yəgɨŋ daa waŋ na cɨndi, tumɔ pa dɨm ma woon̰ge Abɨraham ƴee na, “Ɨŋ woy nee” ɨni.»

Gɨye-lɔɔ 2:41

Kalaŋ ga ba ƴeege kɔl kɨbɨ Pɨyɛr le, kan leegege batɛm. Wɔlɛdi gɨ nee le, kalaŋ ɓal dubu-sɨbɨ ga bugoŋge cay kamdɨge ga ka-aye kudurɔ.

Gɨye-lɔɔ 4:4

Duroy kalaŋ ga jege kɔl gɨ da ka-gɨre-gɨye le, kondɨwadɨge ayge kuduroyge. Kalaŋ ga ba ayge kuduroyge le, ɓalge hɨn̰ dubu-bay wo̰.

Magtubu di Pol wal bɨn̰ kalaŋ ga Rɔm 1:4

Kɨɗɨn̰ ga Kumu boyii lɨbii duroy kalaŋ ga madɨrdaŋ gaŋ na, Turnɔ ɗe-kuduroy-bɛrɛ gɨl gɨ ban naa Kurɨn̰-Kumu gɨ dɔnɔdi ɗɨn̰ dɔnɔ nɔm.