Kɔl-gɨ-Ɗari gɨ Ja̰ wal 8:23 - Gabri Maja

²³ Jesu dɨbɨge cay nee yege hɨn̰: «Kɨŋ-gandi, kɨŋ na kalaŋ ga dugo, ɨŋ-bandi, ɨŋ na gɨ daa nii. Kɨŋ-gandi, kɨŋ na kalaŋ ga da cay gɨsəŋ kɛ, ɨŋ-bandi, ɨŋ na gɨ da cay gɨsəŋ kɛ naŋ.»

Kɔl-gɨ-Ɗari gɨ Ja̰ wal 8:23 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Kɔl-gɨ-Ɗari gɨ Ja̰ wal 17:14

Ɨŋ bɨge kɔl kon̰, ama kalaŋ ga cay gɨsəŋ gaŋ ƴomgege dan̰ kuduroyge. Kɨya wa kan na kalaŋ kage naŋ, hɨn̰ gɨ ɨŋ-bandi kalɨn̰ ma ɨŋ na koge naŋ bɨ.

Kɔl-gɨ-Ɗari gɨ Ja̰ wal 17:16

Kan na kalaŋ ga a cay gɨsəŋ gaŋ naŋ, hɨn̰ gɨ ɨŋ-bandi kalɨn̰ ma, ɨŋ na ungo koge gɨ a cay gɨsəŋ gaŋ naŋ bɨ.

Kɔl-gɨ-Ɗari gɨ Ja̰ wal 3:13

Ungo pɨna wo̰ saa a cay gɨsəŋ gaŋ kɛ naa ɨra daa nii naŋ, ama na ɨŋ-bandi Kurɨn̰-ungo ƴɔbɨ ba sayga daa nii gɨsɨngɨ dugo cay gɨsəŋ gaŋ.

Kɔl-gɨ-Ɗari gɨ Ja̰ wal 3:31

Ban gɨ sayga gɨɗɨgɨ-Kumu gɨŋ le, ban som cay hɨnga gaŋ nɔm. Ban gɨ na ungo gɨ a cay gɨsəŋ gaŋ le, ban na gɨ da cay gɨsəŋ, lee gɨ ban ye na kɔl gɨ a cay gɨsəŋ gaŋ.

Magtubu di Jag wal 4:4

Kɨŋ gɨlɨn̰ hɨn̰ kandɨ ga ka-yɔyɛ dan̰ ban̰aŋ ga da kamdige wo̰! Ungo gɨ ƴom pɔgɨn̰ɛ dan̰ cay gɨsəŋ na, ban na ba baa gɨ da Kumu. Kɛ kɨŋ sɨla hɨn̰ wo̰ naŋ ga? Ungo gɨ na gey ƴɔmɛ pɔgɨn̰ɛ dan̰ cay gɨsəŋ na, ban bɨləŋ ba baa gɨ da Kumu.