Kɔl-gɨ-Ɗari gɨ Ja̰ wal 7:39 - Gabri Maja

³⁹ Ban ye kɔl gɨ nee le na kɨya Turnɔ di da Kumu di ka-aye kudurɔ ba kɨya wɔɔge le. Duroy wɔlɛn̰əŋ ga nee le, Kumu bɨn̰ kalaŋ ga beege kuduroyge cayi Turnɔ ɗe-kuduroy-bɛrɛ naŋ ƴee, kɨya wa dɨbge gusoŋ-tɔgɛ cay Jesu naŋ ƴee.

Kɔl-gɨ-Ɗari gɨ Ja̰ wal 7:39 ပူးပေါင်းရင်းမြစ်များ

Matɨyo 16:14

Kan dɨbiige cay nee yeyige hɨn̰: «Ga pɨna yege hɨn̰ ji naa Ja̰ ba-leen̰ kalaŋ batɛm. Ga ɗaŋ yege hɨn̰ ji naa Eli ba-yɔɔ-kɔl-gɨ-Kumu-ba-yɔɔ. Kan ga ɗaŋ coŋ yege hɨn̰ ji naa Jeremi ba-yɔɔ-kɔl-gɨ-Kumu-ba-yɔɔ naŋ le, ba-yɔɔ-kɔl-gɨ-Kumu-ba-yɔɔ gɨ pɨna wo̰ duroy kamdi.»

Matɨyo 21:11

Ɨni na, dɨmdɨrdi kalaŋ dɨbɨgege cay nee yegege hɨn̰: «Na Jesu ba-yɔɔ-kɔl-gɨ-Kumu-ba-yɔɔ, gɨ sayga Najarɛt di woy a cay gɨsəŋ ga Galile gaŋ.»

Kɔl-gɨ-Ɗari gɨ Lug wal 24:49

Sɨlagɨŋ! Ɨŋ-bandi, ɨŋ kɨya gɨygɨn̰ dan̰ hɨnga ga Banɨ ba ye gɨ ɗi na kɨya lɔɔ bɨgɨŋ le. Ama kɨŋ-gandi na, kɨŋ sɨma cay ƴaa-di-gumu dɨŋ kɛ, bɨrɨŋ gɨ ɗe dɔnɔ di da Kumu gɨsɨn caygɨŋ.»

Kɔl-gɨ-Ɗari gɨ Lug wal 3:16

Ɨni na, Ja̰ yege hɨn̰: «Ɨŋ-bandi le, Ɨŋ leegɨŋ batɛm na dan̰ kaŋ ƴɔbɨ. Ama ungo gɨ pɨna wo̰ gɨ dɔnɔdi ɗɨn̰ tɨnge tɨlga karɨnɨ nee. Ɨŋ ɓala gɨ ni pɨndɨre gangɨdi gɨyabe ga a tɨbayi naŋ. Ungo gɨ nee le ba kɨya loogɨŋ batɛm dan̰ Turnɔ ɗe-kuduroy-bɛrɛ bɨ, dan̰ tɨwa bɨ.

Kɔl-gɨ-Ɗari gɨ Lug wal 7:16

Kan nɔm turnoyge gɨre kayaŋ bɨ hɨramge Kumu yege hɨn̰: «Ba-yɔɔ-kɔl-gɨ-Kumu-ba-yɔɔ gɨ gumu gɨ pɨna caga duroyni kɛ!» Bɨ kan yege ɗaŋ coŋ hɨn̰: «Kumu ɨrga jɨbɨ te kalaŋ kayi!»

Kɔl-gɨ-Ɗari gɨ Ja̰ wal 1:21

Ama kan ɨngɨriige: «Kɛ ji na waŋ ɨni ga? Ji na Eli ga?» Ban dɨbɨge cay nee yege hɨn̰: «Ɨŋ na ban naŋ.» «Kɛ ji na ba-yɔɔ-kɔl-gɨ-Kumu-ba-yɔɔ gɨ ba kɨya caga le ga?» Ɨni na ban jɨga dɨbɨge cay nee yege hɨn̰: «Naŋ.»

Kɔl-gɨ-Ɗari gɨ Ja̰ wal 1:25

Kan ɨngɨrɨn̰ge Ja̰ kɔl cɨndɨge tumɔ tumɔ yeyige hɨn̰: «Hɨn̰ gɨ ji naa Kɨris ban gɨ Kumu dorii naŋ bɨ, Eli naŋ bɨ, ba-yɔɔ-kɔl-gɨ-Kumu-ba-yɔɔ gɨ ba kɨya caga naŋ bɨ na, na kɨya wa ma mɨn̰ leen̰ kalaŋ batɛm ga?»

Kɔl-gɨ-Ɗari gɨ Ja̰ wal 1:33

Tumɔ ɨŋ sɨla hɨn̰ gɨ naa ban ma, maŋ naa na ye koldi naŋ, ama ban gɨ ba gɨyigəŋ loon̰ kalaŋ batɛm boy kaŋ gaŋ le, yəŋ hɨn̰: «“Ungo gɨ ji na sɨla Turnɔ di da Kumu na se daa ɨre gɨsɨn sɨma cayi na, na ban gɨ ba-leen̰ kalaŋ batɛm dan̰ Turnɔ ɗe-kuduroy-bɛrɛ dɨŋ le”.

Kɔl-gɨ-Ɗari gɨ Ja̰ wal 12:16

Kɨɗɨn̰ ga hɨnga ga nee le lee gusɨge na, ka-aye-cay-tɨbayi sɨlage te hɨnga ga nee le naŋ! Ama kɨɗɨn̰ ga Kumu ba dɨbɨ gusoŋ-tɔgɛ a cay Jesu na, kan hɨnɨge bɨ solge gɨ kalaŋ na leeyige naa hɨnga ga na walge koldɨge duroy Magtubu di da Kumu di kan walge tumɔ ojɨn̰ cayi le. Bɨ na hɨnga ga nee le ma kan lee kol cayi.

Kɔl-gɨ-Ɗari gɨ Ja̰ wal 12:23

Ɨni na, Jesu dɨbɨge cay nee yege hɨn̰: «Tɨwa di Kumu boy bɨn̰ Kurɨn̰-ungo le ɓal ɨni. Haw kɛ, Kumu kɨya gɨle gusoŋ-tɔgɛ koyi.

Kɔl-gɨ-Ɗari gɨ Ja̰ wal 14:13

Hɨnga nɔm ga kɨŋ ba kɨya ɨngɨre dan̰ gusoŋnɨ le, ɨŋ kɨya lɔɔ ɗe gɨ Kuroŋ Bayi wan̰ gusoŋ-tɔgɛ gusi kurondi.

Kɔl-gɨ-Ɗari gɨ Ja̰ wal 14:26

Ama Turnɔ ɗe-kuduroy-bɛrɛ na Ɗe-ƴɔɔ caygɨŋ di Banɨ kɨya gɨygoo dan̰ gusoŋnɨ le. Hɨndi kɨya gɨlgɨŋ hɨnga nɔm bɨ, kɨya lɔɔ ɗe gɨ kuduroygɨŋ na hɨn a cay kɔl nɔm gɨ ɨŋ ba yəgɨŋ le bɨ.

Kɔl-gɨ-Ɗari gɨ Ja̰ wal 16:14

Hɨndi kɨya dɨbe gusoŋ-tɔgɛ canɨ ɨŋ-bandi kɨya wa na kɔl gɨ hɨndi je kɨbɨnɨ ma hɨndi kɨya aye yəgɨŋ.

Kɔl-gɨ-Ɗari gɨ Ja̰ wal 16:7

Ama ɨŋ yəgɨŋ na kɔl gɨ cɨndi: Hɨn̰ gɨ ɨŋ na ɨra na, kɨya kuɗa kol caygɨŋ. Kɨya wa ɨŋ na ɨra naŋ na, Ba-ƴɔɔ caygɨŋ kɨya ɨrga waygɨŋ naŋ. Ama hɨn̰ gɨ ɨŋ na ɨra na, ɨŋ kɨya gɨygɨn̰ danayi bɨgɨŋ.

Kɔl-gɨ-Ɗari gɨ Ja̰ wal 17:1

Kɨɗɨn̰ ga Jesu ye kɔl hɨn̰ wo̰ nɔm coŋ ɨni na, Ban ay cɨndi da solɨn̰ gɨɗɨgɨ-Kumu bɨ ye hɨn̰: «Banɨ, tɨwadi ɓal ɨni, gɨl gusoŋ-tɔgɛ kon̰ a cay kurondɨn̰, ɗe gɨ kurondɨn̰ kalɨn̰ ma gɨlɨn̰ kalaŋ ga cay gɨsəŋ gaŋ gusoŋ-tɔgɛ kon̰ bɨ.

Kɔl-gɨ-Ɗari gɨ Ja̰ wal 17:5

Haw kɛ na, Banɨ ayaŋ duroy gɨmɨn̰aw ton̰ dɨŋ, ɗe aŋ som boy gɨmɨn̰aw tɨnge di ɨŋ ba somɨn̰ nee gusɨn̰ tumɔ pa dɨm ma mɨn̰ ba ɗen̰ cay gɨsəŋ ƴee le.

Kɔl-gɨ-Ɗari gɨ Ja̰ wal 20:22

Kɨɗɨn̰ ga ban ye kɔl gɨ nee le hɨn̰ wo̰ ɨni na, ban pɨye habe cayge puu bɨ yege hɨn̰: «Ƴagɨŋ Turnɔ ɗe-kuduroy-bɛrɛ!

Kɔl-gɨ-Ɗari gɨ Ja̰ wal 6:14

Kɨɗɨn̰ ga kalaŋ solge hɨnga ga ɗɨn̰ cɨn̰-kɨɗɨn̰ ga Jesu lee ɨni na, kan yege hɨn̰: «Leen̰ cɨndi ungo gɨ kɛ le, na ba-yɔɔ-kɔl-gɨ-Kumu-ba-yɔɔ, gɨ ba kɨya caga a cay gɨsəŋ gaŋ le.»

Kɔl-gɨ-Ɗari gɨ Ja̰ wal 7:12

Dɨmdɨrdi kalaŋ man̰ge kɔl kondɨ duroyge kol cayi. Kan ga pɨna yege hɨn̰: «Ban na ungo gɨ kuɗa» bɨ, kan ga ɗaŋ yege hɨn̰: «Na hɨn̰ wo̰ naŋ, ban nar na dɨmdɨrdi kalaŋ kɨya bogɨge kayaŋ.»

Kɔl-gɨ-Ɗari gɨ Ja̰ wal 8:54

Jesu jɨga dɨbɨge cay nee yege hɨn̰: «Hɨn̰ gɨ ɨŋ-bandi na ba mɨlawa gusɨnɨ hɨnge na, mɨlawe hɨnge na hɨnga ga kalɨn̰ wo̰ dugo. Ungo gɨ ba mɨlawaŋ le, na Banɨ gɨ kɨŋ ye naa Kumu kogɨŋ le.

Gɨye-lɔɔ 19:2

Bɨ ban ɨngɨrge hɨn̰: «Kɛ Turnɔ ɗe-kuduroy-bɛrɛ gɨsɨn caygɨŋ kɨɗɨn̰ ga kɨŋ ba ayɨn̰ kuduroygɨŋ le ga?» Kan jɨga dɨbi cay nee yeyge hɨn̰: «Naŋ! Ni sɨla Turnɔ ɗe-kuduroy-bɛrɛ naŋ bɨ, ni ja kɔldɔ naŋ bɨ.»

Gɨye-lɔɔ 2:17

“Sɨlagɨŋ hɨnga ga ba kɨya caga wɔlɛ kagadi gɨŋ le ba kɛ, Kumu ye hɨn̰: Ɨŋ kɨya lɔɔ gɨ ɗe Turnonɨ busoŋ cay kalaŋ nɔm bɨ, Karɨndɨgɨŋ ga ban̰aŋ dan̰ karɨndɨgɨŋ ga kandɨ Kɨya bɨləŋge ka-yɔɔ-kɔl-gɨ-Kumu-ba-yɔɔ bɨ, Ɨŋ kɨya yon̰ marɨne kagɨŋ kɔl, Boy hɨnga ga buyoŋ cɨn̰ ungo hɨn̰ dḛḛ wo̰ bɨ, Ɨŋ kɨya yon̰ kandɨgɨŋ ga əsɨdəŋ kɔl boy sɔndɛ gɨŋ bɨ.

Gɨye-lɔɔ 2:33

Kumu ayi si cay kobi gɨ bara gɨŋ. Haw kɛ Bayi bii dan̰ Turnɔ ɗe-kuduroy-bɛrɛ hɨn̰ gɨ ban ba ye gɨ ɗi na kɨya lɔɔ bii bɨ, ban bɨsɨn̰o caynagɨŋ le. Na toy di hɨn̰ wo̰ ma hɨnga ga kɨŋ ba sol bɨ, je kɛ bɨ le lee gusɨge.

Gɨye-lɔɔ 2:38

Pɨyɛr dɨbɨge cay nee yege hɨn̰: «Bɨlgɨŋ gɨye-lɔɔdɨgɨŋ nɔm bɨ, ɗagɨŋ gɨ kan laagɨŋge batɛm pɨna pɨna dan̰ guson̰ Jesu-Kɨris bɨ, ɗe gɨ Kumu ɗe kuduroy jal cay lɔɔ ɨsɨna kogɨŋ gɨŋ bɨ. Ɨni na, kɨŋ kɨya wɔɔ Turnɔ ɗe-kuduroy-bɛrɛ di Kumu bɨn̰ kalaŋ le.

Gɨye-lɔɔ 2:4

Turnɔ ɗe-kuduroy-bɛrɛ ƴee kuduroyge nɔm, lee gɨ waŋ waŋ kalɨn̰ ma ay te yɔɔ kɨbɨ gɨ ɗaŋ, hɨn̰ gɨ Turnɔ di da Kumu ba bɨge tɔgɨ di ni yon̰ wo̰.

Gɨye-lɔɔ 3:13

Kumu gɨ da mon̰inagɨŋ le, na Kumu gɨ da Abɨraham bɨ, Isag bɨ, Jagob bɨ, ban dɨbɨ gusoŋ-tɔgɛ cay marɨna ba-gɨye koyi Jesu, ban gɨ kɨŋ ba dobii kobɨ Piladɨ bɨ, kɨŋ kan̰ii tumoy Piladɨ kɨɗɨn̰ ga Piladɨ ba gey ɗoyi daa le.

Gɨye-lɔɔ 4:31

Kɨɗɨn̰ ga kan ol Kumu kaga ɨni na, kɨɗɨn̰ ga kan ba olɨn̰ Kumu nee le yɨbagdaŋ den̰ den̰. Turnɔ ɗe-kuduroy-bɛrɛ ƴee kuduroyge nɔm bɨ, kan teen̰ bɛrnɛ kɔl gɨ da Kumu dan̰ cɨn̰-bandɨ.

Magtubu di Pol wal bɨn̰ kalaŋ ga Rɔm 8:9

Ama kɨŋ-gandi na, kɨŋ gura na dan̰ gɨyəŋ gɨ da ɨrɨme gɨ da kuyoŋdi-gusɨgɨŋ naŋ. Kɨŋ gor na dan̰ gɨyəŋ gɨ da Turnɔ ɗe-kuduroy-bɛrɛ, kɨya wa Turnɔ di da Kumu som a kuduroygɨŋ. Hɨn̰ gɨ ungo na ɨran̰ dan̰ Turnɔ di da Kɨris naŋ na, ban na gɨ da Kɨris naŋ.

2 Korɛ̰t 3:8

kɛ na mɨna ma gɨye-lɔɔ gɨ da Turnɔ di da Kumu le kɨya asɨn̰a ɗɨn̰ naŋ ga?

Epɛs 4:30

Yɔɔgɨŋ kɔl gɨ ɨsɨni naŋ, kɨya wa kɔl gɨ ɨsɨni le leen̰ dan̰ Turnɔ ɗe-kuduroy-bɛrɛ di Kumu ɗo gusɨnagɨŋ le, cɨn̰-n̰age. Hɨndi na hɨnga ga Kumu jɨbɨ gusɨgɨŋ gɨlɨn̰ gɨ kɨŋ naa kayi bɨ, gɨlɨn̰ gɨ wɔlɛ gɨ ɗaŋ gɨŋ na, Kumu na kɨya ɨrga pɔɗɨnagɨŋ yɔd bɨ.