Kɔl-gɨ-Ɗari gɨ Ja̰ wal 7:37 - Gabri Maja

³⁷ A kagadi wɔlɛ gɨ da kɨdɨrɛ gɨ ni ƴaa gɨ labi, gɨ na wɔlɛ gɨ gumu gɨ da kɨdɨrɛ le, Jesu ɨre daa bɨ, ay te yɔɔ-kɔl dan̰ te tumoyi di daa pəŋ pəŋ ye hɨn̰: «Hɨn̰ gɨ ungo gɨ gɨmase na daayi na, kuɗa gɨ ban ɨre wayaŋ bɨ, saa kaŋ.

Kɔl-gɨ-Ɗari gɨ Ja̰ wal 7:37 ပူးပေါင်းရင်းမြစ်များ

Matɨyo 11:28

«Ɨregɨŋ gusɨnɨ nɔm kɨŋ ga ka-tabe bɨ, ga ka orɨn̰ dan̰ kɔl kondɨ caygɨŋ bɨ le, ɨŋ kɨya bɨgɨŋ dɔrɛ gɨlale.

Matɨyo 3:3

Ijay ba-yɔɔ-kɔl-gɨ-Kumu-ba-yɔɔ tumɔ ye hɨn̰: «Noy ungo gɨ pɨna wo̰ ye a duroy daldɨŋ pəŋ pəŋ ye hɨn̰: “N̰anagɨŋ gɨyəŋ gɨ da Ba-gulɔŋ bɨ, Laagɨŋ karɨn̰ gɨyəŋ kayi ɗe ɨre dan̰ durɔ ɗɨngar bɨ.”»

Matɨyo 5:6

Tumoy wolwa woy kol caygɨŋ, kɨŋ ga kurɔŋdi lɔɔ hɨnga ga dan̰ durɔ ɗɨngar leegɨŋ bɨ, Gɨmasedi hɨnga ga dan̰ durɔ leegɨŋ bɨ le, Kɨya wa ban kɨya bɨgɨŋ hɨnga ga kɨŋ or n̰agedɨge!

Kɔl-gɨ-Ɗari gɨ Ja̰ wal 1:23

Ɨni na, ban jɨga yege hɨn̰: «Ɨŋ-bandi, ɨŋ na noy ungo gɨ ba tɔgɛ bɛrnɛ a duroy daldɨŋ: “N̰anagɨŋ gɨyəŋ gɨ da Ba-gulɔŋ ɗe ɨre dan̰ durɔ ɗɨngar” Hɨn̰ gɨ Ijay ba-yɔɔ-kɔl-gɨ-Kumu-ba-yɔɔ ba ye wo̰.»

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Kɔl-gɨ-Ɗari gɨ Ja̰ wal 4:10

Jesu dɨboo cay nee yoo hɨn̰: «Hɨn̰ gɨ me ni na sɨla hɨnga ga Kumu bee bɨ, ban gɨ ba ɨngɨrne kaŋ kɛ le naa waŋ ga bɨ na, me-hɨndi ni ba kɨya ɨngɨrii kaŋ cay wase bɨ, ban kɨya bɨne dan̰ kaŋ ga ni somɨn̰-bɨra.»

Kɔl-gɨ-Ɗari gɨ Ja̰ wal 4:11

Tama le yeyi hɨn̰: «Ba-gulɔŋ, ji ɨran̰ dan̰ gangɨ jɨngale naŋ bɨ, kɨlɨma le kalɨn̰ ma, ɗige nee bɨ. Kɛ ji kɨya saygan̰ dan̰ kaŋ ga ungo gɨ somɨn̰-bɨra le na jɨn̰ ani ga?

Kɔl-gɨ-Ɗari gɨ Ja̰ wal 4:14

Ama waŋ waŋ gɨ na saa kaŋ ga ɨŋ ba bii na, gɨmase kɨya jɔgɛ doyi ɗaŋ naŋ bɨrɨŋ. Kaŋ ga ɨŋ ba kɨya bii le, kɨya bɨle cɨn̰-kaŋ ga kɨya andaŋ gɨre a kuduroy bɨ, kɨya bii sɔmɛ-bɨra gɨ dan̰ cɨndi bɨ.

Kɔl-gɨ-Ɗari gɨ Ja̰ wal 5:40

Ama kɨŋ kan̰ ɨrga gusɨnɨ ɗe gɨ agɨŋ na wan̰ sɔmɛ-bɨra gɨ dan̰ cɨndɨgɨŋ gɨ cɨndi coŋ.

Kɔl-gɨ-Ɗari gɨ Ja̰ wal 6:35

Jesu yege hɨn̰: «Na ɨŋ-bandi ma na mapa gɨ ba lɔɔ gɨ ungo kɨya somɨn̰-bɨra dan̰ cɨndi le. Ban gɨ na ɨre gusɨnɨ na, kuroŋ kɨya leeyi naŋ bɨrɨŋ. Ban gɨ na bɨga kuduroyi canɨ na, gɨmase kɨya dii naŋ bɨrɨŋ.

Kɔl-gɨ-Ɗari gɨ Ja̰ wal 6:37

Kalaŋ nɔm ga Banɨ ba bəŋ danage le, kɨya ɨrgage gusɨnɨ. Bɨ ungo gɨ na ɨre gusɨnɨ le, ɨŋ kɨya jibi sɛdɨ coŋ naŋ bɨrɨŋ.

Kɔl-gɨ-Ɗari gɨ Ja̰ wal 6:55

Kɨya wa kuyoŋnɨ le na dɔɔ gɨ cɨndi bɨ, kɨbarnɨ le na hɨnga ga ni sɔɔ ga cɨndi bɨ.

Kɔl-gɨ-Ɗari gɨ Ja̰ wal 7:28

Na toy di hɨn̰ wo̰ ma, kɨɗɨn̰ ga Jesu ɨre gɨlɨn̰ kalaŋ hɨnga a duroy ƴaa-di-da-Kumu dɨŋ na, ban ye dan̰ tumoyi di daa pəŋ pəŋ ye hɨn̰: «Kɨŋ sɔlɔŋ bɨ! Kɨɗɨn̰ ga ɨŋ saygan̰ nee le, kɨŋ sol nee bɨ ga? Naŋ! Na ɨŋ-bandi ba ɨrga dan̰ cay gusɨnɨ hɨnge naŋ. Ama ban gɨ ba gɨygɨŋ le, na ungo gɨ ba-yɔɔ kɔl gɨ cɨndi, kɨŋ sɨlayi naŋ.

1 Korɛ̰t 10:21

Kɨŋ-gandi kɨŋ kɨya ɓale sɔ hɨnga ga a boy kobo gɨ da Ba-gulɔŋ gɨŋ bɨ, sɔ hɨnga ga a boy kobo gɨ da turnɔ ga ɨsɨndəŋ gaŋ bɨ nee coŋ naŋ. Kɨŋ-gandi kɨŋ kɨya ɓale dɔɔ hɨnga a kɨbɨ tabɨl da Ba-gulɔŋ dɨŋ bɨ, dɔɔ hɨnga a kɨbɨ tabɨl da turnɔ ga ɨsɨndəŋ bɨ nee coŋ naŋ.

1 Korɛ̰t 10:4

Kan nɔm sige na kaŋ ga pɨna hage ga da Turnɔ gɨ Kumu ba bɨge bɨ. Kaŋ ga nee le andaŋ na gusi garma gɨ Kumu bɨge bɨ, gɨ gor danage bɨ. Garma gɨ nee le na Kɨris.

1 Korɛ̰t 11:25

Kɨɗɨn̰ ga kan diige dan̰ mapa le ɨni na, Jesu say ay dan̰ kobo ga ni nare le bɨge hɨn̰ gɨ ban ba leen̰ dan̰ mapa le bɨ yege hɨn̰: «Kobo gɨ ni nare ga kɛ le na saɗe kɨbɨ pɨna ɓɨse gusu gɨ hɨrɨwa gɨ ɨŋ lee dan̰ gɨyəŋ gɨ da kɨbarnɨ. Laagɨŋ hɨnga ga nee le a bon̰ tɨwa dɨŋ nɔm di kɨŋ kɨya son̰ agɨŋ hɨnɨn̰ canɨ.»

1 Korɛ̰t 12:13

Ho’o Kumu leena batɛm nɔm na dan̰ Turnoyi di pɨna haa ɗe ana na bɨləŋ kuyoŋdi-gusu gɨ pɨna hayi gɨ na kuyoŋdi-gusu Kɨris. Ban lee hɨnga ga pɨna hage ga nee le kol cayna nɔm, ko na naa Jubɨ wala kalaŋ ga toyge na Jubɨ naŋ, ko na naa gɔyɔŋ wala kalaŋ ga cayge-kalɨn̰ kalɨn̰ ma, Kumu lee gɨ Turnoyi bɨləŋ hɨn̰ hɨnga ga ni sɔ ga pɨna hage ga na si boy nee wo̰.

Epɛs 5:18

Kɨŋ ɗɔɔ kɔyɛ cɛrɛ di suru lɔɔgɨŋ naŋ, kɨya wa kɔyɛ na hɨnga ga kɨya mɔndɛ ungo. Ama ɗagɨŋ Turnɔ ɗe-kuduroy-bɛrɛ ƴaa kuduroygɨŋ.

Wasɨn̰a 21:6

Bɨ ban jɨga yəŋ ɗaŋ hɨn̰: «Te kɔl ayaŋ ɨni. Ɨŋ na Alpa bɨ Omega bɨ, ɨŋ na ba se te hɨnga bɨ, ba-dɨɗe kɨbɨge bɨ. Waŋ waŋ gɨ gɨmase na daayi na, ɨŋ kɨya bii kaŋ ga ni sɔɔ kalɨn̰ a cɨn̰-kaŋ ga ni sɔmɛ-bɨra gaŋ.

Wasɨn̰a 22:1

Kardi nee, ba-ƴɔbɛ gɨ daa nii le gɨləŋ kaŋdi kuray gɨ ungo na saa na kɨya sɔmɛ-bɨra. Kaŋdi kuray gɨ kaŋdi ɨre arɨn̰ cərərə bɨrɨŋ gɨ toyge ga dugo kalɨn̰ ma ungo ɓal sɔlɛ, andaŋ na a te kali-tɨrɨmbala di da Kumu dɨŋ bɨ, da Kurɨn̰-dɨmangɨ dɨŋ bɨ.

Wasɨn̰a 22:17

Turnɔ di da Kumu bɨ, ɗe kujɔ bɨ, yege hɨn̰: «Ɨre!» Kuɗa gɨ waŋ waŋ gɨ na ja kɔl gɨ kɛ le ya hɨn̰: «Ɨre!» Waŋ waŋ gɨ gamase na daayi na, kuɗa gɨ ban ɨre. Waŋ waŋ gɨ na gey sɔɔ kaŋ ga ni sɔmɛ-bɨra na, kuɗa gɨ ban ɨre ƴa kalɨn̰.